កាលពីថ្ងៃទី 23 ខែមិុនា នៅក្រុមហ៊ុន Audi Cambodia មានរៀបចំព្រឹត្តិការណ៍បង្ហាញម៉ូតច្នៃប្រឌិត Phnom Penh Designers Week ឆ្នាំ 2017សម្រាប់និទាឃរដូវ ដែលរៀបចំដោយ ទស្សនាវដ្តី Fashion Lab Magazine ដើម្បីឆ្លុះបញ្ចាំងនូវស្នាដៃដ៏ប៉ិនប្រសប់នៃអ្នកច្នៃម៉ូត ភាពច្នៃប្រឌិត ការបង្កើតថ្មី របកគំហើញថ្មី នៃវិស័យសម្លៀកបំពាក់ ស្បែកជើង និងគ្រឿងលម្អផ្សេង ដែលជាតឹកតាង ស្នាដៃសិល្បៈ នៃការបង្កើតដោយដៃផ្ទាល់ (Hand Made Products)។ នេះជាលើកទី 8 ហើយ ដែលកម្មវិធី Phnom Penh Designers Week មានវត្តមាននៅក្នុងព្រះរាជាណាចក្រកម្ពុជា ហើយកាន់តែទទួបានប្រជាប្រិយភាព និងជោគជ័យខ្លាំង ក្នុងការលើកកម្ពស់វិស័យ បង្ហាញម៉ូត (Fashion Show)។
នៅក្នុងព្រឹត្តិកាណ៍នេះ ក្រុមហ៊ុន Hauwei ក៏មានវត្តមានចូលរួមបង្ហាញមូ៉តស្មាតហ្វូនរបស់ខ្លួនផងដែរ។ កំពូលអធិរាជស្មាតហ្វូន Huawei P10 & P10 Plus ទទួលបាននូវការគាំទ្រ និងចាប់អារម្មណ៍ខ្លាំងពីសំណាក់អ្នកចូលរួមទស្សនា ប្រមាណជាង 400 នាក់ ដែលបង្ហាញដោយតារាបង្ហាញម៉ូតល្បីៗ។
លោក អែម យុទ្ធូ នាយកជាន់ខ្ពស់ផ្នែកទីផ្សារ Huawei ប្រចាំប្រទេសកម្ពុជាបានបញ្ជាក់ថា នេះ ជាលើកទីមួយហើយ ដែល ក្រុមហ៊ុន Huawei បានចូលរួមចំណែក លើកកម្ពស់ វិស័យ បង្ហាញម៉ូតរបស់ Phnom Penh Design Week ឆ្នាំ 2017 ដែលជាស្នាដៃពិត ផលិតផលច្នៃប្រឌិតពិត ពីបណ្ឌិតច្នៃម៉ូត។ ជាពិសេស Huawei ក៏មានឱកាសបង្ហាញ រឹតតែច្បាស់នៃសមត្ថភាព កាមេរ៉ា Leica ដែលបំពាក់នៅលើកំពូលអធិរាជស្មាតហ្វូន Huawei P10 & P10 Plus និងឆ្លុះបញ្ចាំងពីសិល្បៈនៃការថតរូបបែប ហាយក្លាស អេឡេហ្គេន ដល់អ្នកចូលរួមទស្សនា ។ “យើងមានមោទនភាពចំពោះកម្មវិធីបង្ហាញម៉ូតដ៏អស្ចារ្យ Phnom Penh Design Weeks 2017 ហើយ យើងនឹងបន្តការគាំទ្រ”។
កញ្ញា ភីយ៉ា វេកា ដែលជាតារាបង្ហាញម៉ូតរបស់ក្រុមហ៊ុន Huawei ដែលមានចូលរួមនៅក្នុងព្រឹត្តិការណ៍នេះ បានបង្ហាញនូវចំណាប់អារម្មន៍ថា “កញ្ញាពិតជារីករាយមែនទែន ហើយនិងមោទនភាពចំពោះ ការច្នៃម៉ូតថ្មីៗ ប្លែកភ្នែកនៃអ្នកច្នៃម៉ូតលក្ខណៈអាជីព ដែលដើរស្របតាមចក្ខុវិស័យសម័យថ្មី។