ការវិវត្តន៍ឥតឈប់ឈរនៃស្មាតហ្វូនស៊េរីថ្មីរបស់ក្រុមហ៊ុនបច្ចេកវិទ្យា HUAWEI តែងតែនាំយកនូវអ្វីដែលថ្មីប្លែកកាន់តែអស្ចារ្យជាមួយនឹងការរចនារូបរាងប្រកបដោយប្រណិតភាពខ្ពស់ និងបច្ចេកវិទ្យាទំនើបកម្រិតខ្ពស់បំផុតនោះ គឺស្មាតហ្វូន HUAWEI Y7 Prime ។ ស្មាតហ្វូនស៊េរីថ្មីនេះ មានរូបរាងមិនចាញ់ស្មាតហ្វូនថ្នាក់ខ្ពស់បំផុតនោះទេដោយសារតែក្រុមហ៊ុន HUAWEI បំពាក់នូវមុខងារដ៏ឆ្លាតវៃដែលអ្នកប្រើប្រាស់នឹកស្មានមិនដល់។ បើទោះបីជាស្មាតហ្វូននេះស្ថិតនៅក្នុងថ្នាក់កណ្តាលក្តី ប៉ុន្តែវាដំណើរការប្រព័ន្ធប្រតិបត្តិការ Android 7.0 Nougat ដែលផ្តល់ជូននូវមុខងារថ្មីៗ រួមជាមួយនឹងការពង្រឹងទៅលើប្រព័ន្ធកាមេរ៉ាខាងមុខ និងខាងក្រោយផងដែរ។
កម្លាំងម៉ាស៊ីនខ្លាំង និងប្រព័ន្ធប្រតិបត្តិការ Android Nougat
កម្លាំងម៉ាស៊ីន និងប្រព័ន្ធប្រតិបត្តិការគឺជាលក្ខណៈពិសេសសំខាន់មួយដែលអ្នកប្រើប្រាស់ស្មាតហ្វូនមិនគួរមើលរំលង។ ស្មាតហ្វូន HUAWEI Y7 Prime ភ្ជាប់ជាមួយនឹងអេក្រង់ទំហំ 5.5 អ៊ីងកម្រិតភាពច្បាស់ IPS LCD capacitive touchscreen (ទ្រទ្រង់ 16 លានពណ៌) 720 x 1280 ភិចសែល និងដំណើរការអមជាមួយនឹង EMUI 5.1 ។ ស្មាតហ្វូនដែលមានអេក្រង់ទំហំធំបែបនេះពិតជាមានភាពងាយស្រួលមែនទែនសម្រាប់ការកម្សាន្ត ការលេងហ្គេម និងកិច្ចការងារជាច្រើនទៀត។ HUAWEI Y7 Prime បំពាក់នូវបន្ទះឈីប Qualcomm MSM8940 Snapdragon 435 ប្រភេទ Octa-core Cortex-A53 ដែលមានល្បឿន 1.4 GHz ក្រាហ្វិកកាត Adreno 505 និងប្រព័ន្ធប្រតិបត្តិការ Android 7.0 (Nougat) ដោយនាំយកនូវមុខងារ Software ថ្មីៗកាន់តែអស្ចារ្យសម្រាប់ប្រើប្រាស់។
ពិសេសជាងនេះទៀតនោះ ស្មាតហ្វូននេះភ្ជាប់ជាមួយអង្គចងចាំផ្ទុកទិន្នន័យបណ្តោះអាសន្នទំហំ 3GB ម៉េមូរីក្នុងម៉ាស៊ីនទំហំ 32GB សម្រាប់ផ្ទុកទិន្នន័យជាច្រើនរបស់លោកអ្នកដូចជាឯកសារ ចម្រៀង វីដេអូ និងជាច្រើនទៀត (លោកអ្នកក៏អាចបន្ថែមនូវម៉េមូរីខាងក្រៅប្រភេទ microSD កាតទំហំដល់ទៅ 256GB ថែមទៀត)។ រឹតតែពិសេសជាងនេះទៀតនោះ ស្មាតហ្វូននេះភ្ជាប់នូវថាមពលថ្មខ្លាំងកម្លាំង 4000 mAh ធានាទៅលើការប្រើប្រាស់កិច្ចការងាររបស់លោកអ្នកបានពេញមួយថ្ងៃដោយគ្មានបញ្ហា។ ស្មាតហ្វូនស៊េរីថ្មីនេះមាន 3 ពណ៌សម្រាប់ជ្រើសរើសតាមតម្រូវការគឺពណ៌មាស ពណ៌ទឹកប្រាក់ និងពណ៌ប្រផេះ។
កាមេរ៉ាខ្លាំងលំដាប់អាជីព
បើនិយាយអំពីប្រព័ន្ធកាមេរ៉ារបស់ស្មាតហ្វូនស៊េរីថ្មី HUAWEI Y7 Prime ក៏មិនចាញ់កាមេរ៉ារបស់ស្មាតហ្វូនលំដាប់ប្រណិតថ្នាក់ខ្ពស់ដែលមានវត្តមាននៅលើទីផ្សារនាពេលបច្ចុប្បន្ននេះនោះទេ។ HUAWEI Y7 Prime បំពាក់កាមេរ៉ាខាងក្រោយទំហំ 12 មេហ្គាភិចសែលទំហំសែនស័រ 1/2.9" អមជាមួយអំពូលភ្លើង LED Flash សម្រាប់ជំនួយទៅលើការថតរូបនៅកន្លែងដែលមានពន្លឺតិច ហើយកាមេរ៉ាខាងក្រោយនេះភ្ជាប់ជាមួយមុខងារ f/2.2, phase detection autofocus geo-tagging, touch focus, face detection, HDR, panorama និងអាចថតវីដេអូនៅក្នុងកម្រិត 1080p@30fps ថែមទៀត។ ចំនែកកាមេរ៉ាខាងមុខរបស់ស្មាតហ្វូនស៊េរីថ្មីនេះមានទំហំ 8 មេហ្គាភិចសែលភ្ជាប់ជាមួយមុខងារ f/2.0 ងាយស្រួលក្នុងការថតរូប Selfies និងវីដេអូខលបានងាយស្រួលតាមតម្រូវការ។
ការរចនារូបរាងដ៏ប្រណិត
ក្រុមហ៊ុនបច្ចេកវិទ្យា HUAWEI ខិតខំប្រឹងប្រែងយ៉ាងខ្លាំងក្នុងការរចនារូបរាងទៅលើស្មាតហ្វូនស៊េរីថ្មីរបស់ខ្លួន ដោយធ្វើយ៉ាងណាអោយវាមានលក្ខណៈស្រស់ស្អាតមិនចាញ់ស្មាតហ្វូនថ្នាក់ខ្ពស់នោះទេ។ ក្រឡេកទៅមើលអេក្រង់ផ្ទៃខាងមុខរបស់ស្មាតហ្វូននេះគឺរាបស្មើរភ្លឺច្បាស់ត្រជាក់ភ្នែក។ ផ្នែកខាងលើនៃអេក្រង់នេះមានបំពាក់នូវសែនស័រ (ខាងឆ្វេង) ឧបាល័រសន្ទនា (កណ្តាល) និងកាមេរ៉ាមុខ (ខាងស្តាំ) ខណៈពេលផ្នែកខាងក្រោមវិញវាមានតួអក្សរ HUAWEI តំណាងអោយក្រុមហ៊ុនបច្ចេកវិទ្យាយក្សរបស់ចិននេះ។ ផ្នែកគែមខាងឆ្វេងរបស់ស្មាតហ្វូននេះមានរន្ធសម្រាប់ដាក់ស៊ីម ឬម៉េមូរីកាត microSD ខណៈនៅផ្នែកខាងស្តាំ វាមានប៊ូតុងចំនួន 3 គឺប៊ូតុងចាក់សោរ~បិទបើកទូរស័ព្ទ ស្ថិតនៅពីក្រោមប៊ូតុងឡើងចុះសំឡេង។
ក្រឡេកទៅមើលផ្នែកខាងលើនៃស្មាតហ្វូននេះមានរន្ធដោតកាសស្តាប់ ខណៈផ្នែកបាតខាងក្រោមរបស់វាមានរន្ធដោត microUSB អមជាមួយនឹងឧបាល័រឆ្វេងស្តាំសម្រាប់បំពងសំឡេងយ៉ាងពិរោះរណ្តំចិត្ត។ ផ្នែកខាងក្រោយរបស់ស្មាតហ្វូន HUAWEI Y7 Prime មានកាមេរ៉ាខាងក្រោយរាងរង្វង់មូលយ៉ាងស្រស់ស្អាតនៅទន្ទឹមជាមួយនឹងភ្លើង LED Flash សម្រាប់ជំនួយទៅលើការថតរូបនៅទីងងឹត និងកន្លែងដែលមានពន្លឺទាប។ នៅខាងក្រោមកាមេរ៉ាខាងក្រោយ គេសង្កេតឃើញមានរង្វង់មូលមួយសម្រាប់ដំណើរការមុខងារប្រព័ន្ធស្កែនក្រយ៉ៅដៃ (Fingerprint Scanner) ហើយនៅផ្នែកខាងក្រោម គេសង្កេតឃើញរូបភាពឡូហ្គោ និងតួអក្សរ HUAWEI យ៉ាងស្រស់ស្អាតបំផុត។ សរុបមក ប្រសិនបើលោកអ្នកកំពុងតែស្វែងរកនូវស្មាតហ្វូនដែលមានរូបរាងស្រស់ស្អាតមិនចាញ់ស្មាតហ្វូនថ្នាក់ខ្ពស់នោះ ស្មាតហ្វូន HUAWEI Y7 Prime គឺជាជម្រើសដ៏ល្អបំផុតសម្រាប់លោកអ្នក។ ស្មាតហ្វូននេះ មានប្រព័ន្ធកាមេរ៉ាភ្លឺច្បាស់ ប្រព័ន្ធស្កែនក្រយ៉ៅដៃប្រកបដោយសុវត្ថិភាពខ្ពស់ និងប្រព័ន្ធប្រតិបត្តិការ Android ចុងក្រោយបង្អស់ថែមទៀត៕
