នៅក្នុងឆ្នាំ 2015 ក្រុមហ៊ុន Ford ប្រចាំប្រទេសអូស្ត្រាលី បានធ្វើការវិនិយោគប្រមាណ 300 លានដុល្លារអាមេរិក ទៅលើការសិក្សាស្រាវជ្រាវដើម្បីស្វែងរកបច្ចេកវិទ្យាថ្មីៗ ដែលអាចធ្វើឲ្យការបើកបររបស់អ្នកកាន់តែមានភាពងាយស្រួល និងផាសុកភាព ហើយក្រុមហ៊ុន Ford នឹងក្លាយជាក្រុមហ៊ុនផលិតរថយន្តនាំមុខ នៅក្នុងប្រទេសអូស្ត្រាលីនាពេលអនាគត។
បច្ចុប្បន្ននេះ ក្រុមការងាររបស់ Ford បានរកឃើញបច្ចេកវិទ្យាថ្មីមួយគឺ ប្រព័ន្ធកាត់បន្ថយសម្លេងរំខាន ដែលមានបំពាក់នៅលើរថយន្ត Ford Everest 2016 វាមានមុខងារជួយកាត់បន្ថយសម្លេងរំខានផ្សេងៗចូលទៅក្នុងរថយន្តនៅពេលកំពុងបើកបរ។ ដើម្បីធានានូវប្រសិទ្ធិភាព គេបានធ្វើតេស្តសាកល្បងបច្ចេកវិទ្យានេះនៅក្នុងបន្ទប់បិទជិត និងគ្មានសម្លេងអាចចេញចូលបាន ដើម្បីធ្វើការវាស់នូវកម្រិតសម្លេងរបស់រថយន្ត ទាំងផ្នែកខាងក្នុងនិងផ្នែកខាងក្រៅ ដែលបច្ចេកទេសនេះ គេហៅថា Vehicle Semi-Anechoic Chamber (VSAC)។ ប្រព័ន្ធកាត់បន្ថយសម្លេងរំខាននេះ ប្រើប្រាស់មីក្រូហ្វូនចំនួនបីដែលជាទូទៅដំនើរនៅពេលដែលយើងបញ្ឆេះរថយន្ត វា មានតួមាននាទីយ៉ាងសំខាន់ក្នុងការចាប់យកនូវសំលេងរំខាន និងកំណត់នូវប្រភេទសំលេងរំខានរបសរថយន្ត ហើយបញ្ឍប់សំលេងរំខាននោះ តាមរយះការបង្កើតរលកសំលេងថ្មីប្រឆាំងត្រលប់ទៅវីញ។
ដើម្បីជ្រាបច្បាស់ សូមពិនិត្យមើលដំណើរការរបស់ប្រព័ន្ធកាត់បន្ថយសម្លេងរំខាននេះដូចខាងក្រោម៖
1.សម្លេងម៉ាស៊ីនកំពុងដំនើរការនិងសម្លេងរំខានពីខាងក្រៅដែលជ្រៀតចូលទៅក្នុងរថយន្តត្រូវបានកំណត់ដោយមីក្រូហ្វូន
2.ប្រព័ន្ធកាត់បន្ថយសម្លេងរំខានចាប់ផ្ដើមដំនើរការតាមរយៈឧបករណ៍បំពងសម្លេង (Audio Speaker)
3.រលកសម្លេងថ្មីត្រូវបានបង្កើតឡើងដើម្បីប្រឆាំងនឹងសម្លេងរំខាន
4.សម្លេងរំខានត្រូវបានកាត់បន្ថយស្ទើរតែទាំងស្រុង
ដើម្បីឲ្យកាន់តែយល់ច្បាស់ ប្រិយមិត្តអាចទស្សនាVideo ខាងក្រោម៖
