នៅថ្ងៃទី 6 កក្តដា នេះ នៅក្រុមហ៊ុន Smart មានរៀនចំសន្និសីទសារព័តមានស្តីពីការឧបត្ថម្ភក្រុមបាល់ HOMELESS កម្ពុជា ទៅចូលរួមប្រកួតពានរង្វាន់ពិភពលោកនៅប្រទេសស្កុតឡែន។ អង្គការបាល់ទាត់រីករាយ កម្ពុជា អូស្ត្រាលី នឹងបញ្ជួនកីឡាករបាល់ទាត់ចំនួន 5 រូបទៅចូលរួមប្រកួតដណ្តើមពាន់រង្វាន់ពិភពលោកជនអានាថានីទីក្រុងហ្គ្លាសហ្គាវប្រទេសស្កុតឡែន ដោយមានកីឡាករចូលរួមប្រកួតចំនួន 64 ក្រុមមកពី 53 ប្រទេស។ សំរាប់កម្មវិធីបាល់ទាត់ប្រចាំឆ្នាំនៃពានរង្វាន់ពិភពលោកជនអនាថាលើកទី 1 បានប្រាររព្វធ្វើឡើងនៅប្រទេសអូទ្រីសកាលពីឆ្នាំ 2003 និងមានការចូលរួមពី 18 ប្រទេស ប៉ុន្តែរហូតមកដល់ឥឡូវនេះ បានកើនឡើងរហូតដល់ 64 ក្រុមមកពី 53 ប្រទេសហើយក្នុងនោះមានស្ត្រី 16 ក្រុមសំរាប់ការរៀបចំលើកទី 14 ដែលប្រារព្វធ្វើឡើងនៅទីក្រុងហ្គ្លាសហ្គាវប្រទេសស្កុតឡែន។
ពានរង្វាន់ពិភពលោកជនអានាថាឆ្នាំ 2016 នេះនឹងប្រព្រឹត្តិទៅចាប់ពីថ្ងៃទី 10 ដល់ថ្ងៃទី 16 ខែកក្តដាហើយជាលើកទី 9 សំរាប់អង្គការបាល់ទាត់រីករាយបានបញ្ជួនកីឡាករទៅចួលរមប្រកួត។ ការបញ្ជួនកីឡាករទៅប្រកួតនេះ ដោយមានការឧបត្ថម្ភជាពីដៃជាច្រើនប៉ុន្តែក្នុងចំណោមនោះក្រុមហ៊ុនស្មាតជាអ្នកឧបត្ថម្ភធំជាងគេ។
តាមប្រសាសន៍របស់លោក Jonathan Yap អ្នកតំណាងក្រុមហ៊ុនស្មាត បានមានប្រសាសន៍នៅក្នុងស្និសិទមួយនៅទីស្នាក់ការកណ្តាលក្រុមហ៊ុន នៅថ្ងៃទី 6 កក្តដាថា ការបញ្ជួនកីឡាករទៅចូលប្រកួតពានរង្វាន់ពិភពលោកជនអានាថានេះ គឺជាលើកទី 9 ហើយតែជាលើកទី 6 ដែលស្មាតបានជួយឧបត្ថម្ភដល់អង្គការបាល់ទាត់រីករាយកម្ពុជាអូស្ត្រាលី។ លោកបានបន្តថាមូលហេតុដែលក្រុមហ៊ុនជួយឧបត្ថម្ភនេះ ក៏ព្រោះតែវាសមស្របទៅតាមសសរស្តម្ភទាំង 3 របស់ក្រុមហ៊ុនក្នុងចំណោមសសរស្តុមទាំង 4 នោះក៏មានផ្តោតសំខាន់លើវិស័យអប់រំនិងកីឡាផងដែរ។
ម្យ៉ាងទៀតការជួយដល់អង្គការនេះវាក៏បានជួយផ្លាស់ប្តូរយុវជនដែលជាកីឡាករបាល់ទាត់ឲ្យក្លាយជាកីឡាករអាជីពមួយហើយអាចផ្លាស់ប្តូរជីវភាពក្រុមគ្រួសារគេបានល្អប្រសើរជាងមុន។លោកបានលើកឧទាហរណ៍មកបញ្ជាក់ថាជាក់ស្តែងម៉ូនីរ៉ាតំណាងឲ្យប្រទេសកម្ពុជាទៅចូលរួមប្រកួតពាន់រង្វាន់ពិភពលោកជនអនាថាឆ្នាំ២០០៩នៅទៅក្រុងមីឡានប្រទេសអីតាលីត្រូវបានផ្ទេរពីក្រុមការពារជាតិដែលជាក្រុមក្នុងលីកកំពូលកម្ពុជាទៅកាន់ក្លឹបបាល់ទាត់ស្វាយរៀងដែលធ្វ់ឲ្យម៉ូនីរ៉ាអាចទ្រទ្រង់ដល់គ្រួសារបានរស់នៅសមរម្យ។
លោក ចៅ វិបុល នាយកគ្រប់គ្រងប្រទេសនៃអង្គការបាល់ទាល់រីករាយកម្ពុជាអូស្ត្រីបានមានប្រសាសន៍ថាអង្គការបាល់ទាល់រីករាយកម្ពុជាអូស្ត្រាលីពីដំបូងឡើយមានការចូលរួមពីកីឡាករប្រមាណ 30 នាក់ប៉ុណ្ណោះតែបច្ចុប្បន្ននេះបានពង្រីករហូតដល់ជាង 100 នាក់មកពីងង្គការចំនួន៤ដែលអង្គការ៣មានមូលដ្ឋាននៅរាជធានីភ្នំពេញនិង 1 នៅខេត្តសៀមរាប។លោកបានបន្តថាអ្វីដែលយើងធ្វើនិងកំពុងធ្វើនេះបានជួយដល់យុវជនក្រីក្រមួយចំនួនឲ្យចៀសផុតពីបញ្ហាអបាយមុខផ្សេងៗហើយឲ្យពួកគេងាកមកចាប់យកបាល់ទាត់។ លោកបានថ្លែងអំណរគុណដល់ក្រុមហ៊ុនទាំងអស់ពិសេសក្រុមហ៊ុនស្មាតដែលបានជួយឧបត្ថម្ភគាំទ្រដល់កីឡាករនៅក្នុងអង្គការដែលបានជួយប្រែក្លាយកីឡាករយើងទៅជាកីឡាករមានអាជីពពិតប្រាកដ។
គួរបញ្ជាក់ថាច្បាប់ពានរង្វានពិភពលោកជនអនាថាគឺត្រូវពឹងផ្អែកទៅលើច្បាប់របស់ហ្វីហ្វាប៉ុន្តែត្រូវបានលេងនៅលើទីលានតូចជាងធម្មតាដែលមានទំហំជិតស្មើនឹងទីលានបាល់ទាត់ហ្វួតសាល។ ការប្រកួតមានរយៈពេល 14នាទី ដោយមួយតង់ៗមានរយៈពេល 7 នាទី។ ក្រុមនីមួយៗត្រូវបានអនុញ្ញាតិឲ្យកីឡាករ 4 នាក់រាប់បញ្ចូលទាំងអ្នកចាំទីនៅលើទីលានហើយកីឡាករជំនួសអាចផ្លាស់ប្តូរចេញចូលបានតាមការសំរេចចិត្តរបស់អ្នកចាត់ការ។ វាជាទំរង់នៃកីឡាបាល់ទាត់ដ៏គួរឲ្យរំភើបដោយសារតែបាល់ត្រូវបានលេងជាប់រហូត និងមានការស៊ុតបញ្ចូលទីជាច្រើនគ្រាប់។