កាលពីថ្ងៃទី 17 ខែកញ្ញានេះ ប្រាក់ មុន្នីឧត្តម ដែលជាកីឡាករបាល់ទាត់វ័យក្មេងដ៏ឆ្នើម បំផុតម្នាក់របស់កម្ពុជា នឹងនាំយកភាពល្បីល្បាញរបស់ខ្លួនមកដឹកនាំយុទ្ធនាការ #KhmerWeCan របស់សែលកាត ដើម្បីជំរុញ និងលើកទឹកចិត្តយុវជនកម្ពុជា។ តារាខ្សែបម្រើវ័យ 22 ឆ្នាំដ៏ឆ្នើម របស់ U-23 និងក្រុមជម្រើសជាតិតាំងពីឆ្នាំ 2011 រូបនេះ បានក្លាយជាតារាសម្ដែងស្ប៉តពាណិជ្ជកម្មដ៏ថ្មីបំផុតសម្រាប់គម្រោងអស្ចារ្យ $1 = $30 របស់ក្រុមហ៊ុន សែលកាត។
ស៊ូពើរស្តា ប្រាក់ មុន្នីឧត្តម ដែលតំណាងក្រុមព្រះខ័នរាជស្វាយរៀង FC ក្នុង League កំពូលរបស់កម្ពុជា និងជាអ្នកឈ្នះរង្វាន់ស្បែកជើងមាសក្នុងការប្រកួត ហ៊ុនសែន Cup ឆ្នាំ2015 ត្រូវបានទទួលស្គាល់ថាមានសមត្ថភាពជំនាញទាំងស្មារតី និងការតាំងចិត្តក្នុងការប្រកួត ព្រមទាំងមានអធ្យាស្រ័យល្អ រួសរាយរាក់ទាក់ និងទេពកោសល្យដ៏អស្ចារ្យនៅលើទីលាន។
កីឡាកររូបនេះ បានថ្លែងឲ្យដឹងថា "នេះជាកិត្តិយសបំផុតដែលខ្ញុំបានក្លាយជាដៃគូសហការជាមួយក្រុមហ៊ុន សែលកាត និងបានក្លាយជាគំរូដល់យុវជនកម្ពុជា។ ក្រោមយុទ្ធនាការ #KhmerWeCan របស់សែលកាត ខ្ញុំសង្ឃឹមថាខ្ញុំអាចចូលរួមក្នុងនាមអ្នកបំផុសស្មារតីដល់ប្រជាជនកម្ពុជាឲ្យមានជំនឿចិត្តលើខ្លួនឯង និងនាំយកមកនូវកិត្យានុភាពជូនកម្ពុជាតាមរយៈ ការបង្កើនភាពខ្លាំងលើជំនាញដែលខ្លួនជ្រើសរើស។យុទ្ធនាកាគម្រោង អស្ចារ្យ ថ្មី ដែលបង្ហាញអំពីភាពជឿជាក់ និងភាពបត់បែនដ៏អស្ចារ្យរបស់គម្រោង អស្ចារ្យ $1 = $30 មានលក្ខណៈសម្បត្ដិពិសេសដូចគ្នាដែលធ្វើ ឧត្តម ឱ្យទទួលបានជោគជ័យនៅលើទីលានប្រកួត។
លោក អៀន វ៉ាតសុន បានបញ្ជាក់ឲ្យដឹងថា «ឧត្តម តំណាងឱ្យស្មារតី គុណតម្លៃ និងមោទនភាពរបស់ប្រទេសកម្ពុជា ហើយយើងរីករាយណាស់ដែលមានគាត់ចូលរួម ។ ទោះបីជាគាត់វ័យក្មេងប៉ុន្តែគាត់បានសាងស្នាដៃជាច្រើននៅលើឆាកជាតិ និងអន្តរជាតិជាមួយជំនាញ ឆន្ទៈ និងការប្តេជ្ញាចិត្តរបស់គាត់ ដែលនឹងជួយជាការបំផុសស្មារតីដល់យុវជនយើងឲ្យដើរតាមក្តីសុបិនរបស់ខ្លួន និងសាងឧត្តមភាពសម្រាប់ខ្លួនគេផ្ទាល់។” យុទ្ធនាការសែលកាតឆ្នាំ 2016 ដែលផ្អែកលើជំនឿស្មារតី និងការអនុវត្តនូវពាក្យស្លោក #KhmerWeCan មានគោលបំណងលើកស្ទួយ និងជំរុញទឹកចិត្តដល់យុវជនសម្រេចបាននូវក្តីសុបិនរបស់ពួកគេ។ ការផ្តួចផ្តើមនេះ គឺជាផ្នែកមួយនៃទិសដៅថ្មីរបស់ក្រុមហ៊ុនឆ្ពោះទៅកាន់តួនាទីពាក់ព័ន្ធជាច្រើនទៀតដែលមិនគ្រាន់សម្រាប់សេវាទូរគមនាគមន៍ និងបច្ចេកវិទ្យានោះទេ ថែមទាំងផ្ដោតការយកចិត្តទុកដាក់លើជីវិតរស់នៅរបស់អតិថិជនរបស់ខ្លួនទៀតផង។
គម្រោង អស្ចារ្យ $1 = $30 ផ្តល់ឱ្យអតិថិជននូវភាពបត់បែនសម្រាប់ជម្រើសក្នុងការហៅទូរស័ព្ទ និងអុីនធើណិត។ គម្រោងប្រចាំសប្ដាហ៍នេះ ក៏ផ្តល់នូវទឹកប្រាក់បន្ថែមសម្រាប់ប្រើតាមតម្រូវការ និងលេង ហ្វេសប៊ុក WhatsApp, Viber និង Line ដោយឥតកំណត់ព្រមទាំងអត្ថប្រយោជន៍ជាច្រើនទៀតផងដែរ ដើម្បីភ្ជាប់ទំនាក់ទំនងទៅកាន់ប្រជាជន និងយុវជនខ្មែរជំនាន់ថ្មី កាន់តែច្រើនផងដែរ។