កាលពីថ្ងៃទី 24 ខែកញ្ញា ឆ្នាំ2016 កន្លងទៅថ្មីៗនេះ ក្រុមហ៊ុន Huawei បានរៀបចំដំណើរកម្សាន្តដ៏កម្រ មួយសម្រាប់អតិថិជនប្រមាណ 30 នាក់ ដែលជាម្ចាស់ស្មាតហ្វូន P9 & P9 Plus ។ នេះជាដំណើរកម្សាន្ត ដ៏ពិសេសមួយ ខុសពីដំណើរកម្សាន្តធម្មតា ពីព្រោះអតិថិជន ដែលបានចូលរួមមានឱកាសក្លាយជាអ្នកថតរូបអាជីពពីការបណ្ដុះបណ្ដាលបច្ចេកទេសថតរូបអាជីពជាមួយកាមេរ៉ាបច្ចេកវិទ្យាចុងក្រោយ របស់ P9 & P9 Plus។
នៅក្នុងដំណើរកម្សាន្តនេះ ក្រុមហ៊ុន Huawei បានបញ្ជូន អ្នកជំនាញកាមេរ៉ា និងថតរូបអាជីព ដើម្បីធ្វើការបង្ហាត់ បង្ហាញអំពីបច្ចេកទេសប្រើប្រាស់កាមេរ៉ា និងការថតរូបជា មួយស្មាតហ្វូន ដែលអាចធ្វើឲ្យអ្នកចូលរួម ចេះប្រើប្រាស់ដល់សមត្ថភាពរបស់ P9 & P9 Plus និងថតរូប បានកម្រិតអ្នកថតរូបអាជីព នៅតំបន់រមណីយដ្ឋាន ភ្នំឩដុង្គ និង មជ្ឈមណ្ឌលកម្សាន្ត Grand Phnom Penh Water Park៕ ជាពិសេស អ្នកគាំទ្រ Huawei P9 & P9 Plus មានឱកាសរឹតចំណងមិត្តភាពរវាងគ្នានឹងគ្នា ហើយនឹងចូលរួម ធ្វើបុណ្យដាក់ទាន់រូមគ្នាថែមទៀត ស្របពេលរដូវបុណ្យភ្ជុំ ប្រពៃណីជាតិផងដែរ។
លោក វ៉ាន់ឌី ស្នែបភឺ អ្នកជំនាញថតរូប និងជាអ្នកបង្ហាត់បង្ហាញដល់អតិថិជន Huawei P9 និង P9 Plus បានមានប្រសាសន៍ថា “យើងមានកាមេរ៉ាអាជីព Leica លើ Huawei P9 និង P9 Plus ដ៏ល្អក្នុងដៃយើង ដូច្នេះជំហានបន្ទាប់ គឺសមត្ថភាពរបស់យើង និងបច្ចេកទេសរបស់យើង ក្នុងការប្រើប្រាស់ ដើម្បីសម្រេចបាននូវលទ្ធផលដ៏ អស្ចារ្យមួយ។ ខ្ញុំបានបង្ហាត់បង្ហាញពីបច្ចេកទេស និងមូលដ្ឋានសំខាន់ៗក្នុងការថតរូបភាពបានល្អបែបអ្នកថតរូប អាជីព ហើយដោយសារ P9 & P9 Plus មានសមត្ថភាពខ្ពស់ស្រាប់ផង យើងឃើញថាពួកគាត់អាចចាប់បានលឿន និងថតរូបបានល្អៗដែលពួកគាត់ពុំធ្លាប់ធ្វើបាននាពេលកន្លងមក”។
កញ្ញា សំរ៉ង មរកត ជាអតិថិជនប្រើ P9 Plus ដែលបានចូលរួមក្នុងដំណើរកម្សាន្តនេះ បានសម្ដែងនូវអារម្មណ៍រំភើបរីករាយថា ”ខ្ញុំមាន អារម្មណ៍ភ្ញាក់ផ្អើលម្ដងរួចទៅហើយ នៅពេលខ្ញុំទិញទូរស័ព្ទ P9 Plus មកប្រើ ដោយសារសមត្ថភាព កាមេរ៉ារបស់ទូរស័ព្ទនេះ ប៉ុន្តែពេល ខ្ញុំបានចូលរួមដំណើរកម្សាន្តនេះ ខ្ញុំរឹតតែភ្លឺភ្នែកថែមទៀត ជាមួយបច្ចេកទេស ថតរូបស្អាតៗបែបអ្នកថតអាជីពដែលខ្ញុំមិននឹកស្មានថា ត្រឹមទូរស័ព្ទមួយគ្រឿងយើងអាចថតរូបបានកម្រិតហ្នឹង។ ពេលបានយល់ដឹងពីគន្លឹះ និងបច្ចេកទេសទាំងនេះ ធ្វើឲ្យនាងខ្ញុំកាន់តែមាន មោទនភាពធ្វើជាម្ចាស់ស្មាតហ្វូន P9 Plusនេះ…និយាយទៅ ខ្ញុំមានអារម្មណ៍ថា វាលើសពីស្មាតហ្វូន! ពិតជារីករាយខ្លាំងណាស់ ក្រោយ បានសិក្សាបន្ថែមពីលោកគ្រូដ៏ជំនាញខាងថតរូប នាងខ្ញុំមានសតម្ថភាពគ្រប់គ្រាន់”។
លោក Jason នាយកគ្រប់គ្រង Huawei Mobile Device បានបញ្ជាក់ថា កម្មវិធីនេះត្រូវបានផ្ដួចផ្ដើមបង្កើតឡើងដើម្បីផ្ដល់ការកម្សាន្ត ដ៏មានសារៈប្រយោជន៍ខ្ពស់ដល់អតិថិជន ដោយពួកគាត់ទទួលបានការបណ្ដុះបណ្ដាល ជំនាញថតរូបកម្រិតអ្នកថតអាជីពជាមួយកាមេរ៉ា ស្មាតហ្វូន P9 &P9 Plus ។ “ព្រោះថា Huawei តែងតែយកចិត្តទុកដាក់ចំពោះអតិថិជន ហើយយើងយល់ឃើញថាការ ដែលគ្រាន់តែ លក់ ផលិតផលល្អដល់គាត់ មិនគ្រប់គ្រាន់ទេ ហេតុនេះទើបយើងត្រូវបង្ហាញពីគន្លឹះសំខាន់ៗក្នុងការប្រើប្រាស់របស់វា ថែមទៀត។ ត្រង់ នេះធ្វើឲ្យពួកគាត់អាចប្រើប្រាស់ទូរស័ព្ទនេះអស់ពីសមត្ថភាព និងផ្ដិតយករូបភាពបានល្អឥតខ្ចោះ សក្តិសមនឹងទូរស័ព្ទស្មាតហ្វូនទំនើប ចុងក្រោយ បំពាក់ដោយកាមេរ៉ាភ្លោះ Lieca!” លោក Jason បានបញ្ជាក់ បន្ថែម។