Galaxy បង 7 គឺជាទូរស័ព្ទស្មាតហ្វូនជំនាន់ថ្មីមួយ ដែលត្រូវបានប្រកដខ្លួនឡើងយ៉ាងស្រស់សង្ហា ដើម្បីបំពេញតម្រូវចិត្តរបស់អ្នកប្រើប្រាស់គ្រប់ស្រទាប់តែម្តង។ អ្វីដែលកាន់តែទាក់ទាញនោះគឺរូបរាងទាំង មូលរបស់ស្មាតហ្វូនស៊េរីថ្មីនេះ ត្រូវបានរចនាឲ្យកាន់តែមានភាពទាក់ទាញបំផុត មិនចាញ់ស្មាតហ្វូនរាមច្បងផ្សេងៗទៀតនោះឡើយ។
រូបរាងនិងការរចនា
ការរចនារូបរាងរបស់ Galaxy បង 7 ត្រូវបានរចនាឡើងយ៉ាងស្រស់ប្រណិត សាកសមជាទូរស័ព្ទស្មាតហ្វូនសម័យថ្មី ជាមួយនឹងការរចនាម៉ូតលក្ខណះ Elegant Design ប្រភេទ metal body ដោយសំបកខាងក្រោយមានរាងកោងបន្តិច ជាមួយនឹងពណ៌ដ៏ស្រស់ស្អាតនិងទាក់ទាញ និងមិនអាចដោះចេញបានឡើងយ។ ជាមួយនឹងតួរខ្លួនដែលត្រូវបានផលិតចេញពីលោហះធាតុជាមួយនឹងទំហំទាំងមូល 151.7x75x 8 មម ដោយផ្នែកខាងមុខរបស់វាលាតសន្ធឹងដោយកញ្ចក់អេក្រង់រលើបរលោង ភ្លឺចែកចាំង ចំណែកខាងក្រោយដូចបាននិយាយម្តងហើយថា វារាងកោងបន្តិច និងមានភ្ចាប់មកជាមួយកាមេរ៉ានិងអំពូលហ្លាស់ មកមើលហ្គេមជុំវិញរបស់វាវិញ ជាមួយនឹងការរចនារាងក្តោបហ្គេមជារាងមូល វាក៏ត្រូវបានភ្ចាប់មកជាមួយរន្ធស៊ីមកាតទាំងពីរ រន្ធមេម៉ូរីកាត និងប៊ូតុងឡើងចុះសម្លេងនៅផ្នែកខាងឆ្វេង និងមានប៊ូតុងចាក់សោរ-បិតបើកទូរស័ព្ទនៅផ្នែកខាងស្តាំ ប៉ុន្តែអ្វីដែលកាន់តែប្លែកខុសពីគេនោះគឺវាមានរន្ធឧបាល័របំពងសម្លេងនៅជិតនិងប៊ូតុងចាក់សោរឯណ្ណោះវិញ ដោយជាធម្មតាទូរស័ព្ទស្មាតហ្វូនភាគច្រើនគឺមានរន្ធឧបាល័របំពងម្លេងនៅខាងក្រោមឬខាងក្រោយ។ ហ្គេមខាងលើមិនមានអ្វីទេ មាននៅហ្គេមខាងក្រោម ដោយមានរន្ធដោតកាស និងរន្ធ USB សម្រាប់សាកថ្ម និងចម្លងទិន្នន័យបានយ៉ាងរហ័សទាន់ចិត្តតែម្តង។
កញ្ចក់អេក្រង់
ផ្នែកខាងមុខវិញគឺបានក្រាលដោយកញ្ចក់អេក្រង់ប្រភេទថ្មី 2.5 D Gorilla Glass ទំហំ 5.5 អ៊ីង ដែលអាចបង្ហាញរូបភាពបានក្នុងកម្រិត Full HD ជាមួយកម្រិតភាពច្បាស់ 401ppi។ ជាមួយនឹងការបំពាក់នូវបច្ចេកវិទ្យាការពារ Corning Gorilla Glass កញ្ចក់រាងផុសឡើង ដែលវាជាបច្ចេកវិទ្យាថ្មីមានសមត្ថភាពខ្ពស់អាចបង្ហាញចេញបានភ្លឺច្បាស់ និងអាចការពារចំណាំងផ្លាតពីពន្លឺថ្ងៃខ្លាំងបានយ៉ាងល្អ ដែលអាចបង្ហាញចេញនូវកម្រិតរីសូលូហ្សិន Full HD ដែលមានសមត្ថភាពពេញលេញក្នុងការបង្ហាញចេញនូវរូបភាព និងវិដេអូនៅលើកញ្ចក់អេក្រង់បានយ៉ាងច្បាស់ត្រជាក់ភ្នែកតែម្តង ជាពិសេសជាមួយនឹងហ្គេមដែលមានក្រាហ្វិចធំៗគឺអាចលេងបានយ៉ាងងាយស្រួលនិងរហ័សទាន់ចិត្តផងដែរ។
កាមេរ៉ាថតរូបនិងវិដេអូ
នៅផ្នែកខាងក្រោយរបស់ Galaxy បង 7 មានបង្កប់ដោយកាមេរ៉ាអមដោយអំពូល Flash ។ កាមេរ៉ារបស់ Galaxy បង 7 មានទំហំ 13 មេហ្គាភិចសែល មានអាប់ផាច់ឆ័រទាប f/1.9 ដែលអាចចាប់រូបភាពបានក្នុងកម្រិត 78 ដឺក្រេ ភ្ជាប់ជាមួយមុខងារ ទប់រំញ័រកាមេរ៉ា និងអមដោយអំពូលភ្លើងជំនួយប្រភេទ Auto Focus។ ចំពោះកាមេរ៉ាមុខវិញគឺមានទំហំ 8 មេហ្គាភិចសែលមានអាប់ផាច់ឆ័រ f/1.9 និងអាចថតរូបបានកម្រិត HD ជាពិសេសវាក៏នៅមានភ្ចាប់មកជាមួយនូវមុខងារសម្រាប់បន្ថែមឲ្យការចាប់យករូបភាពកាន់តែមានភាពជឿជាក់បន្ថែមទៀត ពិសេសគឺការថតវីដេអូតែម្តង កាមេរ៉ាទាំងមុខទាំងក្រោយរបស់ Galaxy បង មានសមត្ថភាពអាចថតវិដេអូបានយ៉ាងច្បាស់ត្រជាក់ភ្នែកតែម្តងកម្រិត Full HD
កំលាំងម៉ាស៊ីន
Galaxy បង 7 ដំណើរការលើបន្ទះឈីប Exynos 7870 Octa ផ្ទាល់ខ្លួនតែម្តង ជាមួយនឹងបន្ទះឈីបស៊េរីខ្ពស់ហើយនោះវាក៏មានភ្ជាប់មកជាមួយនូវអង្គគណនាចំនួនប្រាំបីគ្រាប់ Octa-core Cortex-A53 មានល្បឿន 1.6 GHz ក៏ដូចជាមានអង្គក្រាហ្វិចប្រភេទ Mali-T830MP2 ដែលធ្វើឲ្យការដំណើរការស្ទើតែទាំងស្រុងក្នុងទូរស័ព្ទទាំងមូលបានយ៉ាងរហ័សទាន់ចិត្តតែម្តង។ ជាងនេះទៅទៀត Galaxy បង ភ្ជាប់មកជាមួយអង្គផ្ទុកទិន្នន័យបណ្តោះអាសន្ន RAM ទំហំ 3GB មានម៉េមូរីផ្ទុកទិន្នន័យស្រាប់ក្នុងម៉ាស៊ីន ទំហំ 16 GB និងមានថ្មទំហំ Li-Ion 3300 mAh ភ្ជាប់ជាមួយបច្ចេកវិទ្យាសាកថ្មល្បឿនលឿននិងប្រើប្រាស់បានកាន់តែយូរជាងមុន។
ប្រតិបត្តិការ
ដោយសារតែបច្ចេកវិទ្យាកាន់តែទំនើប ហើយប្រព័ន្ធប្រតិបត្តិការកាន់តែមានការអភិវឌ្ឈន៌ឈ្ពោះទៅមុខពីជំនាន់មួយទៅជំនាន់មួយ ដើម្បីផ្តល់ភាពងាយស្រួលក្នុងការប្រើប្រាស់ក៏ដូចជាបន្ថែមនូវមុខងារថ្មីៗ ដើម្បីបំពេញតម្រូវការប្រើប្រាស់ក្នុងទូរស័ព្ទស្មាតហ្វូនឲ្យកាន់តែមានភាពពេញលេញ យ៉ាងណាមិញ Galaxy បង 7 ត្រូវបានបំពាក់នូវប្រព័ន្ធប្រតិបត្តិការ Android ជំនាន់ថ្មី Marshmallow v6.0 និងមានការរចនាម៉ូតយួស័រអិុនធើហ្វេសផ្ទាល់ខ្លួន។ ជាមួយគ្នានេះដែរ ក្រុមហ៊ុនក៏បានបំពាក់បន្ថែមនូវកម្មវិធីក៏ដូ័ចជាមុខងារពិសេសៗសម្រាប់ប្រើប្រាស់ជាទូទៅប្រចាំងថ្ងៃ ទាំងការទំនាក់ទំនង និងការកម្សាន្តផ្សេងៗយ៉ាងសំបូរបែបផងដែរ។ សរុបមក Galaxy បង 7 គឺជាទូរស័ព្ទស្មាតហ្វូនជំនាន់ថ្មីមួយ ដែលត្រូវបានផលិតឡើងសម្រាប់បំពេញតាមតម្រូវការអ្នកប្រើប្រាស់ ដោយសារវាត្រូវបានបំពាក់មកជាមួយមុខងារល្អៗសម្រាប់ប្រាស់ និងព្រមទាំងមានតម្លៃក៏សមរម្យ ដែលអាចឲ្យលោកអ្នកមានសមត្ថភាពជាវយកទៅប្រើប្រាស់បានផងដែរ។
Galaxy បង អាចរកជាវបាននៅគ្រប់បណ្តាហាងទូទាំងព្រះរាជាណាចក្រកម្ពុជា!
