ថ្ងៃនេះក្រុមហ៊ុន Sony បានប្រកាសដាក់លក់ស្មាតហ្វូន Xperia X ជូនអតិថិជននៅក្នុងតម្លៃត្រឹមតែ 499 ដុល្លាប៉ុណ្ណោះ នឹងមានថែមជូន Bluetooth Speaker ម៉ូដែល Sony SRS-XB2 ដែលជា Speaker ស៊េរីថ្មីដ៏ស្រស់ស្អាត មានតម្លៃរហូតដល់ $99 មួយគ្រឿងទៀតផង ដែលការថែមជូននេះ គឺធ្វើឡើងនៅគ្រប់បណ្តាងហាងលក់ទូរស័ព្ទដៃទាំងអស់នៅទូទាំងព្រះរាជាណាចក្រកម្ពុជា អតិថិជនអាចរកជាបានគ្រប់ៗគ្នា។
ស្មាតហ្វូនជំនាន់ថ្មី Sony Xperia X គឺត្រូវបានក្រុមហ៊ុនបំពាក់ដោយអេក្រង់ទំហំ 5 អ៊ីង ប្រភេទ IPS LCD មានរីសូលូស្សិនទំហំ 1080X1920 ភិចសែល និងមានដង់ស៊ីតេរូបភាពទំហំ 441ppi រួមជាមួយនឹងបច្ចេកវិទ្យាការពារកញ្ជក់ប្រភេទ Scratch-Resistant Glass, Oleo phobic Coating ក៏ដូចជាបច្ចេកវិទ្យា Triluminos display និង X-Reality Engine ផងដែរ។ Xperia X មានកាមេរ៉ាក្រោយទំហំ 23 មេហ្គាភិចសែលដែលមានកំរិត Aperture ទំហំ f/2.4 និងកាមេរ៉ាមុខទំហំ 13មេហ្គាភិចដែល ដែលមានកំរឹត Aperture ទំហំ f/2.0។
Sony Xperia X គឺត្រូវបានប្រើប្រាស់បន្ទះឈីបរបស់ Qualcomm សេ៑រី Snapdragon 650 ដែលមានអង្គគណនា ចំនួន 8 គ្រាប់ ដែល 4 គ្រាប់ជាប្រភេទ Cortex A72 មានល្បឿន 1.8 GHz និង 4 គ្រាប់ទៀតជាប្រភេទ Cortex A53 មានល្បឿន 1.4 GHz រួមជាមួយនឹងអង្គចងចាំ 64GB RAM ទំហំ 3GB, អង្គក្រាហ្វិក ប្រភេទ Adreno 510 និងថ្មប្រភេទ Non-removable Li-Ion ទំហំ 2620 mAh ផងដែរ។ កាន់តែពិសេសជាងនេះទៅទៀតនោះ Sony Xperia X គឺត្រូវបានដាក់អោយដំណើរការជាមួយនឹងប្រព័ន្ធប្រត្តិបត្តិការ Android Marshmallow 6.0.1 ដែលជាប្រត្តិបត្តិការចុងក្រោយបំផុត ជាមួយនឹងបទពិសោធន៍ថ្មី ដែលផ្តល់ដោយកម្មវិធី និងមុខងារថ្មីៗកាន់តេសម្បូរបែប។