កាលពីថ្ងៃទី 20 តុលា 2016 នេះ ក្រុមហ៊ុន អិន.ស៊ី.អិច ហុងដា ដែលជាក្រុមហ៊ុនទទួលបានសិទ្ធិចែកចាយផ្តាច់មុខម៉ូតូម៉ាក HONDA នៅក្នុងព្រះរាជាណាចក្រកម្ពុជា និងជាក្រុមហ៊ុនឈានមុខគេបានបើក ទំព័រថ្មីមួយទៀតសម្រាប់ឧស្សាហកម្មម៉ូតូ Honda ដោយធ្វើការសម្ពោធជាផ្លូវការម៉ូតូម៉ាក ហុងដាឌ្រីម ស៊េរីថ្មីឆ្នាំ 2017 ក្រោមគោលគំនិត “តារារះថ្មី”។ ហុងដាឌ្រីម 2017 នាំមកនូវលក្ខណៈពិសេសៗជាច្រើនដើម្បីឆ្លើយតបទៅនឹងតម្រូវការជាក់ស្តែងរបស់អតិថិជនដែលទន្ទឹងរង់ចាំជាយូរមកហើយ។ ជាមួយនឹងការរចនាទំនើបចុងក្រោយ ម៉ូតូស៊េរីថ្មីនេះមានភ្លើងចង្កៀងក្រោយរចនាម៉ូដស័ក្តិសមឥតខ្ចោះ កុងតាក់ភ្លើងដែលធានាសុវត្ថិភាព និងផ្តល់ទំនុកចិត្តខ្ពស់ ផ្ទៃកុងទ័រទំនើបទាន់សម័យ និង កុងតាក់បញ្ឆេះងាយស្រួលប្រើ ដែលទាំងនេះបង្ហាញពីសករាជថ្មីនៃបច្ចេកវិទ្យាទំនើបឈានមុខគេ។
Honda Dream 2017 ត្រូវបានរចនាឡើងប្រៀបបានទៅនឹងតារារះថ្មីដោយមាន ស្លាក.កពណ៌ក្រហមថ្មី តែមរចនាបែប 3D ផុសលេចធ្លោ រស់រវើកចែងចាំងប្រៀបដូចកញ្ចុំ Galaxy និងនាំមកនូវភាពទាន់សម័យជាមួយពណ៌ថ្មីមួយទៀតគឺ ពណ៌មាសដែលយើងអោយឈ្មោះថា Golden Moon ដែលស្ថិតក្នុងចំនួនផលិតកម្មមានកំណត់។ បន្ថែមលើលក្ខណៈសម្បត្តិថ្មីពិសេសៗខាងលើ ហុងដាឌ្រីមស៊េរីថ្មីឆ្នាំ 2017 នៅមានគុណប្រយោជន៍ជាច្រើនទៀតដែលនាំមកនូវផាសុកភាព និងភាពងាយស្រួលសម្រាប់ការធ្វើដំណើរដូចជា ម៉ាស៊ីនខ្លាំង ការសន្សំសំចៃសាំង និងភាពជាប់ធន់លើគ្រប់ស្ថានភាពផ្លូវដែលធ្វើឱ្យ ហុងដាឌ្រីម ក្លាយជាម៉ូតូដែលមានប្រជាប្រិយភាពខ្ពស់ជាងគេបំផុតនៅលើទីផ្សារ និងបន្តរក្សាកេរ្តិ៍ឈ្មោះរបស់ខ្លួនរហូតមកដល់បច្ចុប្បន្ននេះ។
លោក បេន គាស្រ៊ីថាណាកន ដែលជាប្រធានក្រុមហ៊ុន អិន.ស៊ី.អិច ហុងដា បានមានប្រសាសន៍ថា យើងកំពុងនាំអតិថិជនទៅកាន់សករាជថ្មីនៃការធ្វើដំណើរដោយម៉ូតូពោរពេញដោយភាពរីករាយ សន្សំសំចៃសាំង មានភាពជឿជាក់ និងមិនប៉ះពាល់បរិស្ថាន។ ហុងដាឌ្រីម ស៊េរីថ្មីឆ្នាំ2017 នឹងធ្វើឱ្យអតិថិជនក្លាយជាតារារះថ្មីជាមួយមោទនភាពក្នុងការក្លាយជាម្ចាស់របស់វា។ ហុងដាឌ្រីមស៊េរីថ្មីឆ្នាំ 2017 នឹងបង្ហាញខ្លួនលើទីផ្សារចាប់ពីថ្ងៃ 21 តុលា 2016 តទៅនៅហាងលក់ម៉ូតូហុងដាទូទាំងប្រទេស។ ជម្រើសពណ៌សម្រាប់ឆ្នាំនេះរួមមាន៖ ពណ៌ខ្មៅ ពណ៌មាស និង ពណ៌ក្រហម។ លោកអ្នកអាចស្វែងរកព័ត៌មានបន្ថែម និងសកម្មភាពផ្សេងៗទាក់ទងនឹងម៉ូតូម៉ាក ហុងដាឌ្រីម 2017 បានតាមរយៈ វេបសាយ៖ www.ncxhonda.com.kh / Facebook: Honda Cambodia-NCX និងហាងម៉ូតូលក់ហុងដាទូទាំងប្រទេស ឬ ទាក់ទងអ្នកស្រី ធីតា (012 935 955) ឬ រង់ចាំទស្សនាវីដេអូពាណិជ្ជកម្មថ្មីដែលនឹងចាក់ផ្សាយក្នុងពេលឆាប់ៗនេះ!