កាលពីថ្ងៃទី 06 ធ្នូ 2016 ក្រុមហ៊ុន CITIZEN សហការជាមួយ មជ្ឈមណ្ឌលនាឡិកាស្វីស ដែលជាតំណាងចែកចាយផ្តាច់មុខនាឡិកា CITIZEN ប្រចាំនៅប្រទេសកម្ពុជាបានបើកសម្ពោធហាងលក់នាឡិកាដៃម៉ាក CITIZEN ជាផលិតផលរបស់ជប៉ុន និងជាដ៏ពេញនិយមបំផុតពីសំណាក់អ្នកប្រើប្រាស់នៅទូទាំងពិភពលោក នៅ Naga City Walk ដែលជាផ្សារទំនើបក្រោមដីដំបូងបំផុតនៅកម្ពុជា នៅស្ថិតនៅក្នុងសណ្ឋាគារណាហ្កាវើលរាជធានីភ្នំពេញ ។
ពិធីសម្ពោធហាងនាឡិកាដៃនេះ បានប្រារព្ធឡើងដោយមានការចូលរួមជាអធិបតីដ៏ខ្ពង់ខ្ពស់បំផុត ពីសំណាក់លោក Hosogaya San អគ្គនាយកក្រុមហ៊ុន CITIZEN មកពីប្រទេសជប៉ុន និងលោក គួច ណាវ នាយកប្រតិបត្តិមជ្ឈមណ្ឌលនាឡិកាស្វីស រួមជាមួយបវរកញ្ញាឯកទេសចរណ៍នៃព្រះរាជាណាចចក្រកម្ពុជា ហើយនឹងភ្ញៀវកិត្តិយសជាច្រើនរូបទៀតផងដែរ ។
លោក គួច ណាវ នាយកប្រតិបត្តិមជ្ឈមណ្ឌលនាឡិកាស្វីស បានមានប្រសាសន៍ថា ក្រុមហ៊ុននាឡិកាដៃម៉ាក CITIZEN របស់ក្រុមហ៊ុន CITIZEN ពីប្រទេសជប៉ុន បានផ្ដល់សិទ្ធិផ្ដាច់មុខអោយ មកមជ្ឈមណ្ឌលនាឡិកាស្វីស តាំងពីឆ្នាំ 2004 ហើយមកទល់ពេលនេះ ក្រុមហ៊ុន បានសហការបើកហាងជាបន្តបន្ទាប់ ដូចជាកាលពីថ្ងៃទី 05 សីហា 2014 បានបើកហាងនាឡិកា CITIZEN BOUTIQUE ស្ថិតនៅខាងកើតផ្សារថ្មី ។
លោកបានបន្តថា នាឡិកាដៃម៉ាក CITIZEN នេះ ក៏មានដាក់តាំងលក់នៅផ្សារទំនើប CITY MALL ផ្សារទំនើប AEON MALL ហើយក៏មានលក់នៅផ្សារទំនើប ឡាក់គី និងហាងទំនើប K.H EXPORT នៅខេត្តសៀមរាបផងដែរ។ សូមជំរាបថា CITIZEN គឺជាម៉ាកនាឡិកាដៃមានគុណភាពល្អ សក្តិសមនឹងការប្រើប្រាស់បានគ្រប់វ័យ និងធ្វើអោយជីវិតកាន់តែស៊ីវិល័យពោរពេញដោយកិតិ្តយស សោភណ្ឌភាពល្អឥតខ្ចោះ ដែលបានផលិតឡើងដោយក្រុមហ៊ុន CITIZEN ពីប្រទេសជប៉ុន ។
ជាមួយគ្នានេះ លោក Hosogaya San អគ្គនាយកក្រុមហ៊ុន CITIZEN មកពីប្រទេសជប៉ុន បានអោយដឹងថា ក្រុមហ៊ុន CITIZEN មានប្រវត្តិយូរមកហើយក្នុងការផលិតនាឡិកាដៃ ដែលមានគុណភាពខ្ពស់ ហើយក៏បានទទួលការគាំទ្រពីសំណាក់អតិថិជនទូទាំងពិភពលោកផងដែរ ។ ដោយសម្រា់ប CITIZENនៅក្នុងប្រទេសកម្ពុជា វិញ យើងបានផ្ដល់សិទ្ធិអោយក្រុមហ៊ុន LDI Enterprise Ltd ក្នុងការនាំចូលនិងចែកចាយផ្ដាច់មុខនូវផលិតផលនាឡិកាដៃម៉ាក CITIZEN នេះ ហើយក៏គ្មានក្រុមហ៊ុនណាមួយនៅក្នុងប្រទេសកម្ពុជា នាំចូលនិងចែកចាយឡើយ ។
លោកបន្តថា ផលិតផលម៉ាក CITIZEN បានចូលមកក្នុងប្រទេសកម្ពុជាជាង១០ឆ្នាំមកហើយ ។ នៅក្នុងទីផ្សារប្រទេសកម្ពុជា ត្រូវបានចាត់ទុកថាជាទីផ្សារសំខាន់មួយនៅក្នុងតំបន់អាស៊ី ហើយអ្វីដែលក្រុមហ៊ុនយើងផ្ដល់ជូនអតិថិជននោះគឺគុណភាព និងភាពល្អឥតខ្ចោះរបស់ខ្លួននេះហើយ ដែលធ្វើអោយអតិថិជននៅតែមានភាពជឿជាក់លើផលិតផលរបស់យើង។
នៅក្នុងឱកាសសម្ពោធហាងនាឡិកាដៃម៉ាក CITIZEN ថ្មីនេះផងដែរ ក្រុមហ៊ុននឹងបញ្ចុះតម្លៃ ពិសេសរហូតដល់៣០% ចាប់ពីថ្ងៃទី 6 ដល់ថ្ងៃទី 8 ខែធ្នូ ឆ្នាំ 2016 ហើយការបញ្ចុះតម្លៃនេះ មានតែក្នុងហាងCITIZEN BOUTIQUE នៅ NAGA CITY WALK ក្រោមដីប៉ុណ្ណោះ ៕