បច្ចុប្បន្ននេះ ទូរស័ព្ទស្មាតហ្វូន ដែលមានបំពាក់កាមេរ៉ាផ្នែកខាងក្រោយចំនួនពីរ ហាក់កំពុងតែធ្វើឲ្យប្រិយមិត្តមួយចំនួនចាប់អារម្មណ៍ ហើយនៅក្នុងទីផ្សារស្មាតហ្វូនសព្វថ្ងៃនេះ ក៏មានការចាប់អារម្មណ៍ខ្លាំងដែរ អញ្ចឹងហើយបានជា ក្រុមហ៊ុន OUKITEL ធ្វើការផលិតបន្ថែមនូវទូរស័ព្ទស្មាតហ្វូនកាមេរ៉ាពីរជំនាន់ថ្មី សម្រាប់ឆ្នាំថ្មី ឆ្នាំ 2017 នេះ គឺ OUKITEL U20 Plus ដែលមានលក្ខណះពិសេសៗជាច្រើន សម្រាប់បំពេញអារម្មណ៍ត្រូវការរបស់អ្នកប្រើប្រាស់។
1. រូបរាងនិងការរចនា
ជាមួយនឹងរូបរាងដ៏ស្រស់ស្អាត ត្រូវបានរចនាឡើងយ៉ាងសម្រិតសម្រាំង ចេញជារូបរាងដ៏ទាន់សម័យបំផុត ធ្វើឲ្យ OUKITEL U20 Plus កាន់តែមានភាពទាក់ទាញបំផុតក្នុងការប្រើប្រាស់។ ពេលនេះយើងមកមើលពីរូបរាងផ្នែកខាងមុខរបស់ OUKITEL U20 Plus ដែលត្រូវបានលាតសន្ធឹងដោយកញ្ចក់អេក្រង់យ៉ាងរលើបរលោង ដោយខាងលើអេក្រង់មានបង្កប់នូវ កាមេរ៉ាខាងមុច ស៊ែនស័រ និងឧបាល័រស្តាប់ការសន្ទនា ចំែនកខាងក្រោមវិញមានប៊ូតុងថាច់ស៊ិនស័រធីវទាំងបីគឺប៊ូតហ៊ូមនៅកណ្តាល ដែលអមដោយប៊ូតុងត្រឡប់ក្រោយនៅខាងឆ្វេង និងប៊ូតុងកំណត់មុខងារមួយចំនួន។
យើងមកមើលពីការរចនាវ័ន្តជុំវិញរបស់វាវិញ ដោយសារតែរូបរាងរបស់វាមានរចនាបទ Unibody បន្ស៊ីគ្នាខាងមុខខាងក្រោយយ៉ាងជាប់ល្អ និងផ្សំគ្នាពីលោធាតុ អាលុយមីញ៉ូមកាន់តែចែងចាំង និងទាក់ទាញបំផុត ហើយនៅផ្នែកឆ្វេងមានប៊ូតុងឡើងចុះសម្លេង និងប៊ូតុងចាក់សោរអេក្រង់ និងបិតបើកទូរស័ព្ទ ខាងលើវិញមានរន្ធដោតកាសខ្នាត 3.5 មម និងរន្ធមិុចស័រតូចមួយ ចំណែកខាងស្តាំមានរន្ធស៊ីមកាតទាំងពីរ និងមេម៉ូរីកាត មកដល់ខាងក្រោមមានរន្ធដោត USB សម្រាប់សាកថ្ម ក៏ដូចជាការចំលេងទិន្ន័យ និងរន្ធឧបាល័របំពងសម្លេងតូចៗនៅអមសងខាងផងដែរ។ យើងងាកមកចាប់អារម្មណ៍ផ្នែកខាងក្រោយរបស់វាវិញ កាន់តែពិសេសត្រង់កន្លែងកាមេរ៉ា ដោយសារតែវាមានការចនារាងកាមេរ៉ាយ៉ាងស្រស់ស្អាត និងមានកាមេរ៉ាដល់ទៅពីរជាប់គ្នា និងអំពូល LED ដែលបន្ថែមភាពទាក់ទាញបំផុត មកខាងក្រោមបន្តិចមានផតស្គែនក្រយ៉ៅដៃរាងជារង្វង់មូលមួយផងដែរ។
2. កញ្ចក់អេក្រង់
OUKITEL U20 Plus ត្រូវបានបំពាក់ដោយកញ្ចក់អេក្រង់ទំហំ 5.5 អីុង ប្រភេទ FHD Sharp Glass 2.5D រាងផុសឡើង ដែលវាជាបច្ចេកវិទ្យាថ្មីមានសមត្ថភាពខ្ពស់អាចបង្ហាញចេញបានភ្លឺច្បាស់ និងអាចការពារចំណាំងផ្លាតពីពន្លឺថ្ងៃខ្លាំងបានយ៉ាងល្អ ដែលអាចបង្ហាញចេញនូវកម្រិតរីសូលូហ្សិន Full HD 1080p ដែលមានសមត្ថភាពពេញលេញក្នុងការបង្ហាញចេញនូវរូបភាព និងវិដេអូនៅលើកញ្ចក់អេក្រង់បានយ៉ាងច្បាស់ត្រជាក់ភ្នែកតែម្តង ជាពិសេសជាមួយនឹងហ្គេមដែលមានក្រាហ្វិចធំៗល្មមគឺអាចលេងបានយ៉ាងងាយស្រួលនិងរហ័សទាន់ចិត្តផងដែរ។
3. កាមេរ៉ាថតរូប
OUKITEL U20 Plus បំពាក់កាមេរ៉ាក្រោយទាំងពីររួមគ្នាទំហំ 13 មេហ្គាភិចសែល ជាមួយនឹងស៊ិនស័ររបស់ Sony IMX135 Sensor ផ្តល់ជូននូវការថតរូបបានយ៉ាងច្បាស់ឥតខ្ចោះ ប្រើបានទៅនឹងកាមេរ៉ាអាជីប SLR តែម្តង និងមានសមត្ថភាពក្នុងការចាប់យកវិដេអូបានច្បាស់ឥតខ្ចោះតែម្តង។ កាមេរ៉ាខាងមុខទំហំ 5.0 មេហ្គាភិចសែល ដែលមានសមត្ថភាពក្នុងការចាប់យករូបភាពបានយ៉ាងច្បាស់ ពិសេសសម្រាប់អ្នកចូលចិត្ត Selfie តែម្តង។ ជាងនេះទៅទៀត កាមេរ៉ាមុខក៏អាច ថតវីដេអូកម្រិត 1080p បានថែមទៀតផង។
4. កំលាំងម៉ាស៊ីន
ការដំណើរការទៅបានដោយរលូនរបស់ OUKITEL U20 Plus គឺត្រូវពឹងលើបន្ទះឈីបប្រភេទ MTK6737T អមដោយអង្គគណនាបួនគ្រាប់ Quad-Core Cortex-A53 ល្បឿន 1.5 GHz ជាងនេះទៅទៀត OUKITEL U20 Plus ក៏មាន RAM ទំហំ 2GB និងប្រើប្រាស់អង្គក្រាហ្វិច Mali T720MP ដែលធ្វើឲ្យសមត្ថភាពក្នុងការធ្វើកិច្ចការរបស់ស្មាតហ្វូនមួយនេះ ហាក់ខាំ្លងក្លា ដែលអាចនិយាយបានថា គ្មានការរអាក់រអួលអ្វីសោះឡើយ ។ សម្រាប់ទំហំផ្ទុុកទិន្នន័យក្នុងម៉ាស៊ីនវិញមានទំហំ 16GB និងអាចដាក់បន្ថែមបានរហូតដល់ 32GB ប្រភេទ microSD ។ OUKITEL U20 Plus ក៏ត្រូវបានភ្ជាប់មកជាមួយថ្មខ្នាត Lithium 3300 mAh SCUD Big Battery ដែលអាចផ្តល់ជូននូវការប្រើប្រាស់បានកាន់តែយូរជាងមុនទ្វេរដង។
5. ប្រតិបត្តិការ
OUKITEL U20 Plus ត្រូវបានដាក់ឲ្យដំណើរការដោយប្រព័ន្ធប្រតិបត្តិការ Android ជំនាន់ 6.0 Marshmallow អមដោយផ្ទៃយួស័រអិុនធើហ្វេសផ្ទាល់ខ្លួន ដែលផ្តល់នូវភាពទាក់ទាញសម្រាប់ការរៀបចំកម្មវិធីលើផ្ទៃអេក្រង់។ ហើយអ្វីដែលកាន់តែពិសេសនោះគឺទូរស័ព្ទស្មាតហ្វូនជំនាន់ថ្មីមួយនេះត្រូវបានភ្ជាប់មកជាមួយទ្រនាប់ស្គ៊ែនក្រយ៉ៅដៃ FingerPrint ដែលមានសមត្ថភាពសំគាល់ក្រយ៉ៅដៃបានយ៉ាងរហ័សទាន់ចិត្ត ជាពិសេសវាមាននាទីអាចបញ្ជាកម្មវិធី និងមុខងារមួយចំនួនផ្ទាល់បានថែមទៀងផង។ ហើយវាក៏មានមុខងារពិសេសមួយទៀត ដែលអ្នកទាំងអស់គ្នាត្រូវការគឺគ្រាន់តែគូសវាសលើអេក្រង់ដែលចាក់សោរជាអក្សរតំណាងឲ្យកម្មវិធី នោះវា នឹងចូលទៅបើកកម្មវិធីនោះបាន ដោយមិនចាំបាច់ដោះសោរអេក្រង់ឡើយ ដែលមានឈ្មោះថា Smart Wake ។
អាចរកជាវបាននៅក្រុមហ៊ុន៖ Polaris Mobile International ដែលមានលេខទូរស័ព្ទ 078 266 168