កាលពីថ្ងៃទី 16 ខែកក្តដា ក្រុមហ៊ុន Borofone ដែលជាក្រុមហ៊ុន Hoco Group បានបើកសម្ពោធន៍ហាងលក់ដ៏ធំទំនើបរបស់ខ្លួននៅក្នុងខេត្តក្វាងចូវប្រទេសចិន។ លោក Gavin អគ្គនាយក Hoco Group, លោក Guo Bin អ្នកចាត់ការទូទៅនៃក្រុមហ៊ុន Borofone និងបុគ្គលិក Borofone ទាំងអស់បានត្រៀមខ្លួនរួចជាស្រេចដើម្បីទទួលស្វាមគមន៍ភ្ញៀវកិត្តិយសដែលបានអញ្ចើញចូលរួមជាមួយនឹងការបង្ហាញនូវផលិតផលល្អបំផុត និងម៉ាកថ្មីៗ។
នៅក្នុងពិធីសម្ពោធន៍ហាងដ៏អស្ចារ្យនេះគេឃើញមានបណ្តាក្រុមហ៊ុនល្បីៗ ជាច្រើនបានបញ្ជូនកន្ត្រកផ្កា និងភ្ជាប់ដោយពិដារពាក្យជូនពរជ័យដើម្បីអបអរសាទរដល់ក្រុមហ៊ុន Borofone។
នៅក្នុងពីធីសម្ពោធនេះ គឺមានអញ្ជើញបណ្តាដៃគូដែលជាតំណាងចែកចាយផលិតរបស់ Borofone (HOCO) មកពីបណ្តាប្រទេសដូចជា ប្រទេស ថៃ អ៊ុយក្រែន ម៉ាឡេស៊ី ភីលីពិន មីយ៉ាន់ម៉ា រ៉ុស្ស៊ី និងបណ្តាក្រុមហ៊ុនសហគ្រាសមួយចំនួនបានចូលរួមជាភ្ញៀវកិត្តិយស ហើយក្នុងនោះក៏មានតំណាងពីប្រទេសកម្ពុជាផងដែរ។ ពួកគេបានសរសេរឈ្មោះរបស់ពួកគេនៅពិដារភ្ជាប់លើជញ្ច្រាំងព្រមទាំងបានថតរូបជុំគ្នាទុកជាអនុស្សាវរីក្នុងថ្ងៃដ៏អស្ចារ្យនេះថែមទៀតផង។
នៅក្នុងព្រឹត្តិការណ៍នេះ លោក Gavin និងលោក Gou Bin បានបើកវាំងននក្រហម ដើម្បីសម្ពោធ Showroom របស់ខ្លួនជាផ្លូវការណ៍ក្រោមការអបអរសារទរពីសំណាក់ភ្ញៀវដែលបានចូលរួម។ ក្រោយមក Gavin និង Guo Bin រួមជាមួយតំណាងភ្ញៀវបរទេសបានធ្វើពិធីកាត់នំខួបកំណើតរបស់ Borofone រួមគ្នាទៀតផង។
ក្រុមហ៊ុន Borofone បានសម្តែងនូវអំណរគុណដល់ភ្ញៀវកិត្តិយសដែលបានចូលរួមក្នុងពិធីនេះ។ លោក Gavin និង Guo Bin បានថ្លែងអំណរគុណចំពោះការគាំទ្រ និងជំនួយរបស់អ្នកគ្រប់ៗគ្នា ដែលបានធ្វើអោយ Borofone អាចសម្រេចបាននូវលទ្ធផលដ៏គាប់ប្រសើរបំផុតដល់ថ្ងៃនេះ។ បច្ចុប្បន្នក្រុមហ៊ុន Borofone បានចុះបញ្ជីពាណិជ្ជសញ្ញានៅក្នុងប្រទេសជាង 100 នៅជុំវិញពិភពលោកបន្ទាប់ពីបានធ្វើប្រតិបត្តិការទីផ្សារអស់រយៈពេល 7 ឆ្នាំមកនេះ។
Borofone បានធ្វើការវិវត្តន៍ផលិតផលិតផលការពារពីស្បែកដែលមានគុណភាពល្អបំផុតមកគ្រឿងបរិក្ខាប្រើប្រាស់កម្រិតមធ្យមសម្រាប់ស្មាតហ្វូនដែលមានដូចជាឧបករណ៍សំឡេង (កាស), ឆ្នាំងសាក, ឆ្នាំងសាកក្នុងរថយន្ត, ខ្សែចម្លង, ឧបករណ៍ Power Bank និងស្រោមការពារជាដើម។ រាល់ផលិតផលរបស់ Borofone គឺមានការរចនាឡើងប្រកបដោយភាពច្នៃប្រឌិតខ្ពស់ មានភាពទំនើប និងមានគុណភាពខ្ពស់ ហើយតម្លៃទៀតសោធក៏សមរម្យអាចទទួលយកបាន។
នៅក្នុងទីផ្សារមជ្ឍឹមប្រទេស និងអឺរ៉ុបខាងកើត ហើយនិងអាស៊ីអាគ្នេយ៍ម៉ាកផលិតផលរបស់ Borofone ទទួលបាននូវការគាំទ្រខ្លាំងបំផុតពីសំណាក់អតិថិជន។ ជាមួយនឹងការបង្កើតឡើងនៃម៉ាកសញ្ញាផលិតផលដែលទទួលបានការគាំទ្រ និងការកោតសរសើរដ៏ច្រើនលើសលប់ពីអតិថិជនក្រុមហ៊ុន Borofone មានការជឿជាក់យ៉ាងខ្លាំងថានៅពេលអនាគតដ៏ខ្លីនេះ ទីផ្សារគ្រឿងបរិក្ខា 3C Digital របស់ Borofone នឹងមានកើនឡើងឥតឈប់ឈរពីមួយថ្ងៃទៅមួយថ្ងៃ ហើយនឹងក្លាយជាម៉ាកយីហោគ្រឿងបរិក្ខាឈានមុខគេនៅលើទីផ្សារ។
លោក Guo Bin បាននិយាយនៅក្នុងសេចក្តីថ្លែងសុន្ទរកថារបស់លោកថា "ថ្ងៃនេះ យើងសូមថ្លែងអំណរគុណចំពោះភ្ញៀវកិត្តិយសទាំងអស់ដែលបានមកដល់ក្រុមហ៊ុន Borofone យើងមានមោទនភាពក្រៃលែងចំពោះការវត្តមានរបស់អ្នកទាំងអស់គ្នា។ ហើយចាប់ពីថ្ងៃស្អែកទៅម៉ាកយីហោ Borofone នឹងធ្វើឱ្យលោកអ្នកមានមោទនភាពបំផុត!"៕