ថ្មីៗនេះ ក្រុមហ៊ុន Nvidia ទើបតែបានបញ្ជាក់ថា ខ្លួននឹងរៀបចំនូវព្រឹត្តិការណ៍សន្និសីទមួយនៅថ្ងៃទី 20 ខែសីហាឆ្នាំ 2018 នេះ។ អ្វីដែលពិសេសនៅក្នុងព្រឹត្តិការណ៍នេះ ការបង្ហាញក្រាហ្វិកកាតជំនាន់ថ្មី GeForce graphics cards ដែលយើងទន្ទឹងរង់ចាំជាយូរមកហើយ។ ស្របពេលដែលមានការរង់ចាំសម្រាប់ក្រាហ្វិកកាតជំនាន់ថ្មីនេះ ក្រុមហ៊ុន Nvidia បានកំណត់រៀបចំនូវព្រឹត្តិការណ៍មួយនៅក្នុង Gamescom 2018 ដែលនឹងប្រព្រឹត្តទៅនៅថ្ងៃទី 20 ខែសីហានេះវេលាម៉ោង 1:00 pm Eastern Standard Time។
ក្រុមហ៊ុន Nvidia ក៏នឹងបង្ហាញនូវហ្គេមស៊េរីថ្មីជាច្រើនរួមជាមួយនឹងអ្វីដែលអស្ចារ្យបំផុតផងដែរសម្រាប់អ្នកគាំទ្រររបស់ខ្លួននោះ។ ពាក្យចចាមអារ៉ាមជាច្រើនកាលពីពេលមុននេះ បានបញ្ជាក់ថា ការប្រកាសបង្ហាញនេះ ប្រហែលជាក្រាហ្វិកកាត GeForce GTX 1180 រួមជាមួយនឹងក្រាហ្វិកកាតផ្សេងទៀតផងដែរ។ នៅក្នុងការពិពរណ៍នានៅក្នុងព្រឹត្តិការណ៍នេះ ក្រុមហ៊ុន Nvidia បានអះអាងថា “ព្រឹត្តិការណ៍នេះ នឹងមានការបង្ហាញនូវកុំព្យូទ័រលេងហ្គេមស៊េរីថ្មីដ៏អស្ចារ្យដែលដំណើរការនូវ GeForce hardware ចុងក្រោយបំផុតនោះ។” នេះប្រហែលជាការធ្វើទីផ្សារ ប៉ុន្តែក៏ប្រហែលជាបង្ហាញនូវអ្វីដែលថ្មីត្រៀមប្រកាសផងដែរ។
សម្រាប់អ្នកដែលចាប់អារម្មណ៍នៅក្នុងការចូលរួមនៅក្នុងព្រឹត្តិការណ៍នេះ អាចធ្វើការ sign up ដើម្បីចូលរួមស្របពេលដែលកៅអី គឺមានកំណត់នោះ។ សម្រាប់ពេលនេះ អ្វីដែលយើងដឹងនោះគឺថាវាគឺស្ថិតនៅក្នុងទីក្រុង Cologne នៃប្រទេសអាល្លឺម៉ង់។ ប្រសិនបើអ្នកមិនអាចចូលរួម ឬមិនចង់ធ្វើដំណើរទៅទីនោះអ្នកអាចទស្សនាតាម Live Stream បានផងដែរសម្រាប់ព្រឹត្តិការណ៍នេះ។ ក្រុមហ៊ុន Nvidia នឹងបើកនូវកន្លែងរបស់ខ្លួនសារឡើងវិញនៅថ្ងៃទី 21 ខែសីហានេះ ចាប់ពីម៉ោង 10:00 am ដល់ម៉ោង 5:00 pm CET ដូចនេះ អ្នកគាំទ្រនៅតែអាចទៅចូលសាកល្បងនូវហ្គេមថ្មីៗ ជាច្រើនជាមួយនឹង Hardware ថ្មីនេះ។ រហូតដល់ចុងខែសីហានេះ ទំនងជាមានការបានបញ្ជាក់ជាច្រើនទៀតផងដែរ អំពីព័ត៌មាននេះ ប៉ុន្តែពាក្យចចាមអារ៉ាមជាច្រើនក៏ទម្លាយជាបន្តបន្ទាប់ផងដែរ៕