MSI ដែលជាក្រុមហ៊ុន កំពុងតែនាំមុខគេនៅក្នុងការផលិតកុំព្យូទ័រលេងហ្គេម នៅលើពិភពលោក បានចូលរួមបង្ហាញវត្តមាននៅក្នុងព្រឹត្តិការណ៍ Technology Fair 2018 ដែលប្រារព្ធនៅផ្សារទំនើបអ៊ីអន (មាត់ទន្លេ)។ កម្មវិធីនេះ គឺមានរយៈពេល 3 ថ្ងៃ គឺចាប់ពីថ្ងៃទី 17 ដល់ថ្ងៃទី 19 ខែសីហា ឆ្នាំ 2018 នេះ ដែលមានក្រុមហ៊ុនផ្នែកបច្ចេកវិទ្យា ឧបករណ៍អេឡិចត្រូនិក ហើយនិងក្រុមហ៊ុនផ្តល់ដំណោះស្រាយផ្នែកព័ត៌មានវិទ្យាជាច្រើន បានចូលរួមដាក់តាំងបង្ហាញផលិតផល និងសេវាកម្មថ្មីៗរបស់ខ្លួនជាច្រើនប្រភទេ។
តាមការបញ្ជាក់ពីក្រុមហ៊ុន MSI បានអោយដឹងថា នៅក្នុងកម្មវិធីនេះ ក្រុមហ៊ុន បានដាក់តាំងបង្ហាញជូននូវផលិតកុំព្យូទ័រស៊េរីថ្មីៗ រួមមានដូចជា MSI GS65, GF63 និង PS42 ជាដើម ដើម្បីអោយអតិថិជនទាំងអស់ ដែលបានចូលរួមនៅក្នុងកម្មវិធីនេះ បានធ្វើតេស្ត៍សាកល្បង និងស្វែងយល់ពីអត្ថប្រយោជន៍ជាច្រើនទៀត ដែលមាននៅក្នុងផលិតផល MSI និមួយៗ។ ក្រៅពីនេះ អតិថិជនទាំងអស់ ក៏អាចធ្វើការសាកសួរព័ត៌មានផ្សេងៗ ហើយនិងឆ្លើយសំណួរនានា ដែលទាក់ទងជាមួយនឹងផលិតផល MSI ទាំងនេះ ដើម្បីឈ្នះរង្វាន់អនុស្សាវរីយ៍ជាច្រើនផងដែរ។
សូមអញ្ជើញចូលរួមទស្សនាស្តង់ MSI អោយបានគ្រប់ៗគ្នា! ពេលវេលានៅសល់តែ 2 ថ្ងៃទៀតប៉ុណ្ណោះ! រួសរាន់មកទទួលយកព័ត៌មានល្អៗ និងរង្វាន់ៗច្រើនៗ ពី MSI។