ថ្មីៗនេះ ក្រុមហ៊ុន Canon Singapore ទើបតែបានប្រកាសចេញម៉ាស៊ីនព្រីធ័រស៊េរីថ្មីរបស់ខ្លួនម៉ូដែល Canon PIXMA INK Efficient E4270 ដែលជាម៉ាស៊ីនព្រីធ័រផលិតឡើងយ៉ាងពិសេសសម្រាប់សិស្សនិសិត្ស និងការិយាល័យខ្នាតតូចជាវយកទៅប្រើប្រាស់សម្រាប់កិច្ចការងារប្រចាំថ្ងៃក៏ដូចជាការសិក្សារបស់ពួកគេ។
ព្រីធ័រស៊េរីថ្មីនេះ ជាផលិតផលមានគុណភាពខ្ពស់ និងមានមុខងារពិសេសៗដែលជួយសន្សំសំចៃពេលវេលា និងការចំណាយលើការប្រើប្រាស់បានកាន់តែប្រសើរដូចជាវាមានមុខងារ automatic two-slide ដែលអាចព្រីនឯកសារលើក្រដាសបានទាំងសងខាង និង automatic document feeder ផ្តល់នូវភាពងាយស្រួល និងរហ័សសម្រាប់ការស្កែន និងការថតចម្លងឯកសារផ្សេងៗ។ ក្រៅពីមុខងារចម្បងទាំងពីរនេះទៅ PIXMA INK Efficient E4270 នៅមានមុខងារពិសេសៗមួយចំនួនទៀតសម្រាប់ប្រើប្រាស់ដូចជា៖
-ប្រព័ន្ធបាញ់ទឹកថ្នាំ FINETM ink cartridges ជួយសន្សំសំចៃខ្ពស់
E4270 ប្រើប្រាស់ប្រព័ន្ធបាញ់ទឹកថ្នាំ FINETM ink cartridges ចំនួនពីរគឺមួយជាប្រព័ន្ធបាញ់ទឹកថ្នាំពណ៌ខ្មៅ និងមួយទៀតសម្រាប់បាញ់ទឹកថ្នាំពណ៌ធម្មជាតិដែលមានបីពណ៌ (Triple colour Cartridge) ។ ជាមួយទឹកថ្នាំពណ៌ខ្មៅគឺវាអាចធ្វើការព្រីនឯកសារសខ្មៅបានដល់ទៅ 400 ទំព័រដែលវាពិតជាជួយសន្សំសំចៃការចំនាយបានច្រើនដល់សិស្សនិសិត្ស ការិយាល័យខ្នាតតូច និងអាជីវកម្មខ្នាតតូចក្នុងការព្រីននូវឯកសាររបស់ពួកគេក្នុងកិច្ចការប្រចាំថ្ងៃ កិច្ចធ្វើបទបង្ហាញ និងកិច្ចការងារសាលាជាដើម។ បន្ថែមពីនេះ E4270 មានមុខងារ 20-sheet Auto Document Feeder ដែលផ្តល់នូវភាពងាយស្រួលនៅពេលប្រើ Fax, ថតចម្លង និងស្កែនឯកសារដើមច្រើនទំព័រ។
-មុខងាថតចម្លង ID Card ងាយស្រួលប្រើ
ព្រីនធ័រស៊េរីថ្មីនេះមានមុខងារសម្រាប់ថតចម្លង ID Card ដែលផ្តល់នូវភាពងាយស្រួលបំផុតក្នុងការថតចម្លងផ្នែកខាងមុខ និងខាងក្រោយនៃអត្តសញ្ញាណប័ណ្ណ, ប័ណ្ណបុគ្គលិកដោយរក្សាបាននូវទំហំ និងរូបភាពដើម។ ជាមួយមុខងារ Removable Document វានឹងបន្លឺជាសំឡេងអោយយើងបានដឹងនូវមួយនាទីបន្ទាប់ពីការងារថតចម្លងរួចរាល់ហើយយើងភ្លេចយកឯកចេញពីលើកញ្ចក់ស្កែនរបស់វា។
-មុខងារតភ្ជាប់ជាមួយកម្មវិធីប្រើប្រាស់កាន់តែមានភាពងាយស្រួលបំផុត
PIXMA Ink Efficient E4270 ត្រូវបានធ្វើការរចនាឡើងដើម្បីផ្តល់នូវភាពងាយស្រួលក្នុងការប្រើប្រាស់។ សម្រាប់ការតភ្ជាប់គឺមានភាពងាយស្រួលដោយយើងអាចធ្វើការភ្ជាប់តាមរយះរន្ធ Ethernet Network, USB និងតាមរយះ Wi-Fi សម្រាប់ស្មាតហ្វូន ថេបប្លែត និង Laptop ដែលប្រើប្រាស់ wireless router ក្នុងផ្ទះ និងការិយាល័យធ្វើការដែលផ្តល់នូវភាពងាយស្រួលដល់ការព្រីន ឬក៏ស្កែនចេញពីឧបករណ៍ទាំងនោះបានភ្លាមៗតែម្តងជាមួយកម្មវិធី Canon Print Inkjet/SELPHY mobile app ដែលអាចទាញយកមកដំឡើងដោយឥតគិតថ្លៃពីក្នុង iOS AppStore និង Android PlayStore។
យើងអាចធ្វើការព្រីនរូបភាព និងឯកសារផ្សេងៗចេញពីបណ្តាញសេវាកម្ម (web services) ដែលមានដូចជា facebook, Evernote, Google Drive និងសេវាកម្មផ្សេងៗទៀតដែលអ្នកប្រើប្រាស់បានចុះឈ្មោះប្រើប្រាស់ម៉ាស៊ីនព្រីនធ័រជាមួយសេវាកម្ម PIXMA Cloud Link service។ ជាងនេះទៅទៀត PIXMA INK E4270 ក៏ទ្រទ្រង់បានជាមួយនឹង Apple AirPrint, Mopria និង Canon Print Service (Android Plugin) សម្រាប់ការព្រីនដោយផ្ទាល់ផងដែរ។
ជាមួយកម្មវិធីថ្មី Easy-Photo Print Editor app (EPP Editor) ដែលអាចទាញយកមកដំឡើងបាននៅលើឧបករណ៍ iOS, Android OS, Windows និង MacOS platform វាបានបន្ថែមនូវបទពិសោធន៍ប្រើប្រាស់ថ្មីជាមួយការព្រីនរាល់ឯកសារទូទៅជាមួយម៉ាស៊ីនព្រីនធ័រស៊េរីថ្មីនេះដូចជាព្រីនរូបថត រចនាទំរងរូបថត (design custom photo layout), ប្រតិទិន (Calendar), Postcards និង fridge magnets ជាមួយរូបភាព stamp និង frame មានស្រាប់រាប់រយដែលអាចជ្រើសរើសបានតាមការស្រឡាញ់។
កម្មវិធី Message in Print App ផ្តល់នូវការចង់ក្រងកម្រងរូបភាពអនុស្សាវរីទាំងឡាយបានដោយការស្កែនរូបភាពទាំងនោះតាមរយះកាមេរ៉ាស្មាតហ្វូនរួចធ្វើការព្រីនរូបថតចេញបានភ្លាមៗតែម្តងពីឧបករណ៍ iOS និង Android OS។ ជារួមមកវិញម៉ាស៊ីនព្រីនធ័រស៊េរីថ្មី Canon PIXMA INK Efficient E4270 គឺជាជម្រើសម៉ាស៊ីនព្រីនធ័រដ៏ល្អមួយសម្រាប់ប្រើប្រាស់ក្នុងកិច្ចការងារទូទៅប្រចំាថ្ងៃទាំងការងារជំនូញ និងការសិក្សាជាមួយលទ្ធភាពសន្សំសំចៃពេលវេលា និងការចំនាយបានកាន់តែប្រសើរបំផុត៕
