សព្វថ្ងៃនេះ ទីផ្សារកាមេរ៉ាកំពុងតែមានការខិតខំប្រកួតប្រជែងគ្នាយ៉ាងខ្លាំង បានធ្វើអោយក្រុមហ៊ុនធំៗជាច្រើនបាននាំយកនូវកាមេរ៉ា Mirrorless Camera របស់ខ្លួនជាច្រើនម៉ូដែលបញ្ចូលទៅក្នុងទីផ្សារ។ នាពេលថ្មីៗនេះ ក្រុមហ៊ុន Nikon ទើបតែបានបង្ហាញនូវកាមេរ៉ា Z6 និង Z7 full-frame mirrorless cameras របស់ខ្លួន ជាមួយនឹងការចាប់អារម្មណ៍ជាខ្លាំង។ កត្តានេះបានធ្វើអោយក្រុមហ៊ុនប្រកួតប្រជែងជាច្រើនក៏មិនអង្គុយនៅស្ងៀមដែរ។ នៅក្នុងសប្តាហ៍នេះ យើងគ្រប់គ្នា ប្រហែលជាបានឃើញវត្តមានរបស់កាមេរ៉ា Canon’s EOS R រួមនឹងកែវលែនជំនាន់ថ្មីចំនួន 4 ហើយនិង Fujifilm’s X-T3 ដែលជាប្រភេទកាមេរ៉ា Mirrorless មានការរចនារូបរាងប្រហាក់ប្រហែលគ្នាផងដែរនៅលើទីផ្សារ។
កាមេរ៉ា Canon EOS R គឺមានការរចនារូបរាងចេញពីកាមេរ៉ា DSLR របស់ក្រុមហ៊ុន Canon ប៉ុន្តែមានការផ្លាស់ប្តូរជាច្រើន ជាមួយនឹងការផ្លាស់ប្តូរទៅប្រើប្រាស់នូវបច្ចេកវិទ្យា Mirrorless Technology។ កាមេរ៉ា Canon EOS R ប្រើប្រាស់នូវកាមេរ៉ាដែលមានទំហំ 30.3MP និងមានអេក្រង់ LCD ដែលបើកបិទបានផងដែរ។ ស្របពេលដែលកាមេរ៉ា EOS R បង្ហាញខ្លួននោះ ភ្លាមៗនេះ គឺបានកាមេរ៉ា Nikon ដោយសារតែ Canon មានការប្រកាសបង្ហាញនូវ Lenses ថ្មីៗចំនួន 4 ផងដែរ ក្នុងនោះរួមមាន ដូចជា RF 35mm F1.8 Macro IS STM, RF 50 mm F 1.2 L USM, RF 28-70mm F2L USM និង RF 24-105 mm F4L IS USM ផងដែរ។ ក្រុមហ៊ុន Canon ក៏នឹងប្រើប្រាស់នូវ EOS Lens Adapters ផងដែរ។
រីឯក្រុមហ៊ុន Fujifilm វិញ ក៏នឹងធ្វើការបង្ហាញនូវកាមេរ៉ាស៊េរីថ្មីរបស់ខ្លួនជាប្រភេទ Mirrorless X-T3 ដែលមានការផ្លាស់ប្តូរជាច្រើនរវាងកាមេរ៉ា X-T2 និង X-T3 ជាមួយនឹងការប្រើប្រាស់នូវបន្ទះធំជាងមុន និងការប្រើប្រាស់នូវគ្រាប់ចុចស្តើងជាងមុន។ កាមេរ៉ានេះ នឹងបង្ហាញខ្លួននៅលើទីផ្សារនៅថ្ងៃទី 6 ខែកញ្ញាស្អែក នេះ។ គួរបញ្ជាក់ថា រយៈពេលថ្មីៗនេះ ក្រុមហ៊ុនផលិតកាមេរ៉ាជាច្រើន បានធ្វើការផ្លាស់ប្តូរទៅលើការរចនា ដែលធ្វើឱ្យកាមេរ៉ា Mirrorless Cameras មានភាពខុសគ្នាពីកាមេរ៉ា DSLR ៕
