នៅថ្ងៃនេះ ក្រុមហ៊ុន Canon បានបង្ហាញអំពីលទ្ធផលដ៏ត្រចះត្រចង់ជាមួយនឹងការឧបត្ថម្ភ ហើយនឹងការចូលរួមរបស់ខ្លួននៅក្នុងព្រឹត្តិការណ៍ 18th Asian Games 2018 ដែលរៀបចំឡើងដោយក្រុមប្រឹក្សាអូឡាំពិកអាស៊ី កាលពីពេលថ្មីៗនេះ។ សកម្មភាពនៃការឧបត្ថម្ភរបស់ក្រុមហ៊ុន Canon ត្រូវបានបង្កើតឡើងជាមួយនឹងគំនិតជម្រុញអោយអ្នកគាំទ្រ និងអ្នកជំនាញអាជីពធ្វើការនៅពីក្រោយឈុតឆាកជាច្រើនជាមួយនឹងការផ្តិតយកនូវរូបភាពដ៏សប្បាយរីករាយ និងការទទួលនូវជ័យជំនះនៅក្នុងព្រឹត្តិការណ៍ Asian Games 2018 នោះ។
ការផ្តិតយកនូវព្រឹត្តិការណ៍នៃការទទួលបានជ័យជំនះជាមួយនឹងសេវាកម្មជំនាញរបស់ក្រុមហ៊ុន Canon
នៅក្នុងការផ្តិតរូបភាពដ៏ស្រស់ស្អាតនៃអត្តពលិកលំដាប់ថ្នាក់កំពូលនៅក្នុងការប្រកួតរបស់ពួកគេនោះ ក្រុមហ៊ុន Canon គឺស្ថិតនៅក្នុងជ្រុងម្ខាងក្នុងការផ្តល់នូវការទ្រទ្រង់ផ្នែកបច្ចេកទេសនៅពីក្រោយឆាក ការផ្តល់នូវដំបូន្មាន និងសេវាកម្មក្នុងការថែទាំងកាមេរ៉ា និង Lenses ទៅកាន់សមាជិក ដែលចូលរួមនៅក្នុងព្រឹត្តិការណ៍ Asian Games 2018 នេះ។
សេវាកម្មរបស់អ្នកជំនាញរបស់ក្រុមហ៊ុន Canon ត្រូវបានដាក់ពង្រាយនៅខាងក្នុង និងស្ថិតនៅក្នុងចំណុចកណ្តាលនៃមជ្ឈមណ្ឌល Jakarta Convention Center នៅក្នុងការផ្តល់នូវការទ្រទ្រង់ផ្នែកបច្ចេកទេស និងការថែទាំងទៅលើផ្នែកសម្ភារៈទៅកាន់អ្នកថតរូបច្រើនជាង 600 នាក់នៅក្នុងព្រឹត្តិការណ៍ Asian Games នេះ។
ក្រុមហ៊ុន Canon នាំយកនូវភាពរីករាយសម្រាប់អ្នកគាំទ្រជាច្រើន
នៅក្នុងព្រឹត្តិការណ៍ Asian Games នេះ ក្រុមហ៊ុន Canon ក៏បានចូលរូមជាមួយនឹងអ្នកទស្សនាច្រើនជាង 20,000 នាក់ ជាមួយនឹងការប្រើប្រាស់នូវ #bringingyoucloser និង #CanonAsianGames18។ នៅក្នុងស្តង់របស់ក្រុមហ៊ុន Canon នៅក្នុង Kaka Zone គឺមានការពេញនិយមខ្លាំង ហើយវាមានអ្នកចូលរួមច្រើនជាង 9,000 នាក់ចូលទៅក្នុងស្តង់របស់ Canon នៅក្នុងព្រឹត្តិការណ៍ Asian Games នេះ។
នៅក្នុងស្តង់របស់ Canon Touch និង Trial Booths នៅក្នុង Istora (badminton), Aquatic និង Basketball Venue សម្រាប់អ្នកគាំទ្រ និងអ្នកចូលរួមក្នុងការមើលឃើញកាន់តែច្បាស់អំពីការប្រកួតប្រជែងនេះ។ អ្នកចូលរួមនៅក្នុង Istora (Badminton) គឺមានការភ្ញាក់ផ្អើលជាមួយនឹងការប្រើប្រាស់នូវផលិតផល Canon។ នៅក្នុងកម្មវិធី Canon Day Program ពិតជាផ្តល់នូវភាពរីករាយបំផុត។
ការចូលរួមក្នុងការប្រកួតប្រជែងការថតរូប
សម្រាប់អ្នកគាំទ្រ ដែលមិនអាចចូលរួមនៅក្នុងកម្មវិធីប្រកួត Games នេះ ក៏នឹងទទួលបាននូវរូបភាព និងវីដេអូដ៏អស្ចារ្យគួរអោយរីករាយបំផុត។ ដើម្បីធ្វើការអបអរក្នុងស្មារតីជាអ្នកកីឡានៅក្នុងព្រឹត្តិការណ៍ 18th Asian Games ក្រុមហ៊ុន Canon ក៏បានអញ្ជើញអ្នកគ្រប់គ្នាអោយចូលរួមនៅក្នុងសកម្មភាពនេះ ជាមួយនឹងការប្រកួតប្រជែងនៅក្នុងកម្មវិធី Instagram ជាមួយនឹងការប្រើប្រាស់នូវ #CanonAsianGames18 ដែលរៀបចំឡើងដោយ @CanonAsia នោះផងដែរ។
សម្រាប់រង្វាន់រួមមាន Canon EOS 80D kit, Canon EOS M50 kit និង PowerShot G7 X Mark II ។ សម្រាប់រូបភាព ដែលមានការពេញនិយមបំផុតនឹងទទួលបាននូវម៉ាស៊ីនព្រីន Canon SELPHY CP1300 printer ផងដែរ៕
