no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ប្រសិនបើមាន Amazon Echo Companion ស៊េរីថ្មីចំនួនប្រាំនេះ លោកអ្នកនឹងមានភាពសប្បាយរីករាយគ្រប់ពេល

ជាមួយនឹងការបង្ហាញចេញនូវវត្តមានឧបករណ៍បំពងសំឡេងស៊េរីថ្មីម៉ាក Echo របស់ខ្លួនចំនួន 4 ស៊េរីដែលមានដូចជា Echo Dot, Echo Plus, Echo Show និង Echo Auto ក្រុមហ៊ុន Amazon ក៏បានបង្ហាញចេញនូវឧបករណ៍បំពងសំឡេងចំនួន 5 ស៊េរីបន្ថែមទៀតដែលមានដូចជា  Echo Sub, Echo Input, Echo Link, Echo Link Amp និង Echo Wall Clock ដែលមានលក្ខណះសម្បត្តិពិសេសរៀងៗខ្លួន និងមានតម្លៃទៅតាមសមត្ថភាពដែលពួកវាធ្វើបាន។

-Echo Sub ៖ គឺជាឧបករណ៍បំពងសំឡេងតូចមួយដែលត្រូវបានរចនាឡើងដើម្បីដំណើរការជាមួយឧបករណ៍ Echo ដែលមានស្រាប់របស់លោកអ្នក។ Echo Sub មានលក្ខណៈពិសេសជាsubwoofer ដែលមានទំហំ 6 អ៊ីញជាមួយកំលាំងថាមពល 100W និងអាចធ្វើការភ្ជាប់ទំនាក់ទំងទៅនឹងឧបករណ៍ Echo ឬ Echo Plus តាមរយះបច្ចេកវិទ្យាប្លូធូស។ Echo Sub មានតម្លៃប្រហែល $129.99។

-Echo Input ៖ មិនមែនជា Speaker បំពងសំឡេងនោះទេប៉ុន្តែវាជាឧបករណ៍ពិសេសមួយដែលទ្រទ្រងជាមួយបច្ចេកវិទ្យាសំឡេង Alexa ដោយវាមានរន្ធម៉ិចសម្រាប់ស្រូបសំឡេងបញ្ជារបស់យើង។ វាអាចធ្វើការតភ្ជាប់ទៅកាន់ឧបករណ៍បំពងសំឡេង Echo ឬ Echo Dot បានតាមរយះខ្សែ auxiliary និងតាមប្រព័ន្ធប្លូធូសបន្ទាប់មកវាទទួលការបញ្ជាដោយសំឡេងពីយើងរួចធ្វើការបន្តទៅកាន់ឧបករណ៍ Echo ទាំងនោះ។ Echo Input មានតម្លៃប្រហែល $129.99។

-Echo Link ៖ គឺសម្រាប់បន្ថែមកម្រិតសំឡេងនៅលើឧបករណ៍ស្តាប់តន្ត្រីផ្សេងទៀតដែលវាជួយបង្កើនសំឡេងបានកាន់តែខ្លាំងធ្វើអោយគុណភាពសំឡេងមានកម្រិតខ្ពស់។ លោកអ្នកអាចធ្វើការភ្ជាប់ Echo Link ទៅប្រព័ន្ធឧបករណ៍សំឡេងដែលមានស្រាប់នៅក្នុងគេហដ្ឋានរបស់លោកអ្នក និងអាចចាក់តន្ត្រីនៅលើវាបានតាមរយៈសេវាកម្មស្ទ្រីមថែមទៀតផង។ នេះមានន័យថាប្រសិនបើអ្នកមានប្រព័ន្ធឧករណ៍សំឡេងចាស់ប៉ុន្តែមានគុណភាពខ្ពស់នោះវានឹងអនុញ្ញាតឱ្យអ្នករីករាយជាមួយប្រភពតន្ត្រីបានកាន់តែច្រើន។ Echo Link មានតម្លៃប្រហែល $199.99។

-Echo Amp ៖ មិនខុសពី Echo Link នោះទេដោយវានឹងជួយបង្កើនការបំពងសំឡេងនៅលើឧបករណ៍បំពងសំឡេងរបស់លោកអ្នកអោយកាន់តែលឺខ្លាំងជាមួយគុណភាពសំឡេងខ្ពស់។ Echo Amp មានកម្រិតកំលាំង 60W និងមាន 2-channel amplifier  សម្រាប់ធ្វើការភ្ជាប់ទៅកាន់ឧបករណ៍ bookshelf speakers។ បន្ថែមពីនេះវាក៏ទ្រទ្រង់សំឡេង Alexa ដែលអាចធ្វើការភ្ជាប់ការបញ្ជាតាមរយះកម្មវិធី Alexa នៅលើទូរស័ព្ទដៃ និងឧបករណ៍ Echo ផ្សេងៗបានថែមទៀតផង។ Echo Link មានតម្លៃប្រហែល $299.99។

-Echo Wall Clock

សម្រាប់អាមួយចុងក្រោយនេះវាមិនត្រឹមតែជាឧបករណ៍បំពងសំឡេងសម្រាប់ចាក់តន្រ្តីស្តាប់នោះទេ តែវាក៏ជាអ្នកកំនត់ពេលវេលាដ៏ជាក់លាក់មួយសម្រាប់លោកអ្នកផងដែរ។ វាអាចអោយយើងធ្វើការកំនត់ពេលវេលានៅលើឧបករណ៍ Echo មួយផ្សេងទៀតរបស់លោកអ្នក កំនត់ម៉ោងរោទិ៍ និងកំនត់ការក្រើនរំលឹងផ្សេងៗដោយការប្រើប្រាស់អំពូលភ្លើង LED  ចំនួន 60 គ្រាប់ជុំវិញរង្វង់មុខរបស់វា។ Echo Wall Clock មានតម្លៃប្រហែល $29.99 ប៉ុណ្ណោះ។ សម្រាប់ Echo Sub នឹងបង្ហាញវត្តមាននៅថ្ងៃទី 11 ខែតុលា ប៉ុន្តែសម្រាប់កាលបរិច្ឆេទនៃឧបករណ៍អេកូផ្សេងៗទៀតនៅមិនទាន់ត្រូវបានបញ្ជាក់នៅឡើយទេ៕

no-alternative title
ព័ត៌មានពាណិជ្ជកម្ម