MSI ដែលជាក្រុមហ៊ុនឈានមុខគេនៅក្នុងផ្នែក Gaming Hardware នៅថ្ងៃនេះ បាននាំមកនូវកាបូបស្ពាយលេងហ្គេមដ៏ស្រស់ស្អាតចំនួន 2 ស៊េរីម៉ូដែលគឺ Mystic Knight និង Urban Raider។ កាបូបស្ពាយលេងហ្គេមថ្មីទាំងពីរនេះ
គឺប្រើប្រាស់នូវបច្ចេកវិទ្យាទំនើបកម្រិតខ្ពស់ ដែលមានទំហំធំទូលាយសម្រាប់ទុកដាក់កុំព្យូទ័រ ឧបករណ៍លេងហ្គេម និងវត្ថុសំខាន់ៗជាច្រើនទៀតសម្រាប់ការធ្វើដំណើរប្រចាំថ្ងៃ និងលំហូរនៃការងាររបស់ពួកគេ។
1.កាបូបស្ពាយ MYSTIC KNIGHT
កាបូបស្ពាយ MSI Mystic Knight នេះ បំពាក់នូវអ្វីគ្រប់យ៉ាងដែលអ្នកធ្វើដំណើរចង់បានចេញពីកាបូបស្ពាយមួយនេះ ជាពិសេសកាបូបស្ពាយនេះ មានពូកសម្រាប់ការពារទៅលើឧបករណ៍ដែលអ្នកដាក់នៅក្នុងកាបូបនេះ បន្ទះខ្សែកាបូបដែលងាយស្រួលក្នុងការស្ពាយពេញមួយថ្ងៃ និងផ្ទៃខាងលើដែលមិនជ្រាបទឹកភ្លៀងថែមទៀតមិនថាអាកាសធាតុភ្លៀងខ្លាំងកម្រិតណានោះទេ។ វាងាយស្រួលក្នុងការរួចស្ពាយចំហៀងនៅស្មាថែមទៀតផង។ ផ្នែកខាងក្រោយនៃកាបូបស្ពាយនេះក៏មានដៃកាន់ងាយស្រួលសម្រាប់ការធ្វើដំណើរផងដែរ។
កាបូបនេះ មានទម្ងន់ស្រាលដោយសារតែវាផលិតពីជ័រស្វិត ហើយវាការពារដោយ IPX-2 ដែលមិនជ្រាបទឹកនោះទេ។ សម្រាប់ផ្នែកខាងក្នុងរបស់កាបូបស្ពាយខាងក្រោយនេះគឺមានភាពធំទូលាយសម្រាប់ដាក់នូវកុំព្យូទ័រទំហំ 17 អ៊ីង ជាមួយនឹងកន្លែងសម្រាប់បន្ថែមនូវឧបករណ៍ជំនួយ និងវត្ថុជាច្រើនទៀតទៅតាមតម្រូវការ។ សម្រាប់កាបូប 25L នេះ ត្រូវបានប្រើប្រាស់សម្រាប់ពង្រីកទៅលើទំហំនៃការផ្ទុកនៅក្នុងក្នុងផងដែរ។ បើនិយាយអំពីការរចនាផ្នែកខាងក្រៅរបស់កាបូបស្ពាយនេះវិញ វាមានឆ្នូតពណ៌ក្រហមសម្រាប់ជួយទៅលើសុត្ថិភាពសម្រាប់អ្នកធ្វើដំណើរតាមកង់ រួតរឹងមាំប្រើប្រាស់បានយូរជាមួយនឹងឡួហ្គោ MSI dragon ហើយនៅពេលដែលអ្នកស្ពាយកាបូបនេះទៅមិនមានអារម្មណ៍ក្តៅស្អុះ ឬធប់ដណ្តើមនោះទេ។
2.កាបូបស្ពាយ URBAN RAIDER
សម្រាប់កាបូបស្ពាយ MSI Urban Raider នេះ វិញគឺជាកាបូបដែលរចនាឡើងសម្រាប់ការធ្វើដំណើរក្នុងទីក្រុង។ ការរចនាទៅលើកាបូបនេះគឺសក្តិសមបំផុតសម្រាប់ប្រើប្រាស់នៅការិយាល័យ ប៉ុន្តែវាក៏ជួយអ្នកធ្វើដំណើរសម្រាប់ការស្ពាយនៅក្នុងដំណើរកម្សាន្តរបស់ពួកគេផងដែរ។ សម្រាប់កាបូប 25L នេះមានផ្ទៃខាងក្នុងធំទូលាយដែលងាយស្រួលក្នុងការដាក់កុំព្យូទ័រទំហំ 17-inch ហើយវាថែមទាំងប្រើប្រាស់នូវជ័រស្វិតសម្រាប់ការពារទៅលើការជ្រាបទឹកថែមទៀត។ សម្រាប់ផ្នែកខាងក្នុងរបស់វាមានថតជាច្រើនសម្រាប់ដាក់ថេប្លេត Mouse និងឆ្នាំងសាក ហើយវាក៏មានកន្លែងសម្រាប់ដាក់កាសផងដែរ។
កាបូបស្ពាយ Urban Raider នេះមានមុខងារជាច្រើនដែលមានលក្ខណៈស្រដៀងគ្នាទៅនឹងកាបូបស្ពាយ Mystic Knight ដែលរួមមានប្រព័ន្ធ IPX-2 ការពារការជ្រាបទឹក រួតដែលមានភាពរឹងមាំ ដៃកាន់កាបូប ខ្សែឆ្នូតពណ៌ក្រហមសម្រាប់សុវត្ថិភាពក្នុងការធ្វើដំណើរតាមផ្លូវ ងាយស្រួលក្នុងការដាក់វត្ថុតូចៗ និងមានផ្នែកធំទូលាយផ្សេងទៀតសម្រាប់រក្សាទុកនូវអាវភ្លៀងជាដើម។