ថ្មីៗនេះ ក្រុមហ៊ុន MSI ទើបតែបង្ហាញនូវកុំព្យូទ័រលេងហ្គេម 17-inch gaming notebook ដំបូងបំផុតរបស់ខ្លួន ដែលមានការរចនារូបរាងយ៉ាងស្រស់ស្អាតបំផុត។ ជាមួយនឹងការប្រើប្រាស់នូវតួខ្លួនពីលោហធាតុអាលុយមីញ៉ូមជាមួយនឹងការប្រើប្រាស់នូវ Texture យ៉ាងស្រស់ស្អាតសម្រាប់គំរប និង Keyboard របស់វាពិតជាស្រស់ស្អាតទាក់ភ្នែកបំផុត។
លោក Derek Chen ដែលជាប្រធានផ្នែកទីផ្សាររបស់ក្រុមហ៊ុន MSI សម្រាប់ Notebook នេះនិយាយថា “ សម្រាប់អ្នកលេងហ្គេមជាច្រើនចង់បាននូវម៉ាស៊ីនកុំព្យូទ័រដែលមានអេក្រង់ធំ ប៉ុន្តែមិនមែនចង់បានទម្ងន់ធ្ងន់នោះទេ។ នេះគឺជាហេតុផលដែលក្រុមហ៊ុន MSI ក៏ផ្តល់នូវដំណោះស្រាយល្អបំផុតជាមួយនឹងវត្តមាននៃកុំព្យូទ័រ GF75 Thin ផងដែរ។ វាគឺជាអ្វីដែលជាការចង់បានរបស់អ្នកលេងហ្គេមជាច្រើន។”
ម៉ាស៊ីនកុំព្យូទ័រនេះមានទម្ងន់ 2.2Kg ហើយវាមានកម្រាស់ស្តើងត្រឹមតែ 22mm ។ ម៉ាស៊ីនកុំព្យូទ័រ MSI GF75 Thin នេះគឺជាប្រភេទ 17” laptop ដ៏ស្រស់ស្អាត។ បន្ថែមពីនេះទៀតនោះ ជាមួយនឹងការរចនាអេក្រង់ដែលមានគែមស្តើងព័ទ្ធនៅជុំវិញអេក្រង់នោះ វាមានកម្រិតអេក្រង់ដល់ទៅ 88% បើធៀបជាមួយនឹងតួខ្លួនរបស់វានោះ។ សម្រាប់កុំព្យូទ័រលេងហ្គេមគែមពេញដែលមានទំហំ 17-inch thin bezel gaming laptop នេះគឺពិតជាផ្តល់នូវបទពិសោធន៍ដ៏អស្ចារ្យសម្រាប់ការលេងហ្គេមមិនធម្មតានោះទេ។ វាគឺមានការរចនារូបរាងយ៉ាងប្រណិតជាមួយនឹងអេក្រង់ full-frame thin display ហើយវាក៏ផ្តល់នូវ Keyboard ដ៏ល្អបំផុតសម្រាប់អ្នកលេងហ្គេមជាច្រើនថែមទៀត។
កម្លាំងម៉ាស៊ីនខ្លាំង ស្ងាត់បំផុត
កុំព្យូទ័រលេងហ្គេមនេះ មានកង្ហារ 2 គ្រាប់ និងរន្ធបំភាយកម្តៅដល់ទៅ 4 ជាមួយនឹងបច្ចេកវិទ្យា Cooler Boost 3 technology ដែលធ្វើឱ្យកុំព្យូទ័រស៊េរីថ្មី MSI GF75 Thin នេះ ដំណើរការការងារជាច្រើននៅលើ CPU និងGPU ដោយគ្មានការរំខាននោះទេ។ វាក៏មាន Options ជាច្រើនសម្រាប់ធ្វើការផ្លាស់ប្តូរទៅលើល្បឿននៃកង្ហារតាមរយៈការចូលទៅកាន់ MSI Dragon Center ។
ការលេងហ្គេមយ៉ាងរលូន
ជាមួយនឹងការប្រើប្រាស់នូវក្រាហ្វិកកាតប្រភេទ NVDIA® GeForce® GTX 1050 Ti និងបន្ទះឈីប Intel® Core™ i7-8750H processor នោះ កុំព្យូទ័រស៊េរីថ្មី MSI GF75 Thin មានល្បឿនលឿន និងបទពិសោធន៍នៃការលេងហ្គេមយ៉ាងរលូនបំផុត។វាមិនត្រឹមតែមានកម្លាំងម៉ាស៊ីនខ្លាំងក្លានោះទេ ប៉ុន្តែថាមពលថ្មរបស់វាក៏អាចបំពេញនូវតម្រូវការជាទីពេញចិត្តសម្រាប់អ្នកលេងហ្គេមជាច្រើន។
អ្នកលេងហ្គេមនឹងទទួលបាននូវអារម្មណ៍រីករាយជាមួយនឹងថាមពលថ្មដែលប្រើប្រាស់បានរហូតដល់ទៅ 7 ម៉ោងសម្រាប់ការងារ និងការកម្សាន្តរបស់អ្នក។ នេះគឺជាកុំព្យូទ័រលេងហ្គេមដ៏ល្អបំផុត 17" inches gaming laptop ដែលមានការរចនារូបរាងយ៉ាងប្រណិត ហើយកុំព្យូទ័រ MSI GF75 Thin នេះគឺមានទម្ងន់ស្រាល ហើយវាផ្តល់នូវជម្រើសល្អបំផុតសម្រាប់អ្នកដែលកំពុងតែស្វែងរកនូវកុំព្យូទ័រលេងហ្គេមថែមទៀត៕
