Fitbit ionic មិនត្រឹមតែជានាឡិកាដៃសម្រាប់ពាក់លម្អខ្លួនប៉ុណ្តោះទេ ប៉ុន្តែវាមានភ្ជាប់នូវលក្ខណះសម្បត្តិល្អៗទំនើបៗជាច្រើនសម្រាប់ការប្រើប្រាស់កំសាន្ត និងតាមដានសុខភាពរាងកាយរបស់យើងផងដែរ។ រូបរាងរបស់វារចនាឡើងយ៉ាងប្រណិតជាមួយដៃស្បែក ឬប្រភេទជ័រស្វិតជាមួយក្បាលនាឡិការាងចតុកោណដែលមានបីពណ៌គឺប្រផេះ (Smoke-Gray), ទឹកក្រូច (Burnt-Orange) និងទឹកប្រាក់ក្រម៉ៅ (Silver-Gray)។ ចំពោះផ្ទៃមុខរបស់វាស្រោបដោយកញ្ចក់ Corning Gorilla Glass 3 Touchscreen ធន់នឹងការកូសឆ្កូតជាមួយកម្រិតពន្លឺដល់ទៅ 1,000 nits និងមានស៊ុមជុំវិញជាលោហៈប្រភេទអាលុយមីញ៉ូម 6000 series។
Fitbit ionic មានថ្មប្រភេទ Lithium-polymer ដែលកាន់ប្រើប្រាស់ធម្មតាបានជិត 5 ថ្ងៃ និងភ្ជាប់ការប្រើជាមួយប្រព័ន្ធ GPS បានប្រហែល 10 ម៉ោង។ នាឡិកាដៃដ៏ស្រស់ស្អាតមួយនេះដំណើរការដោយ Fitbit’s OS ដែលមានដំឡើងមកជាមួយកម្មវិធីប្រើប្រាស់មានអត្ថប្រយោជន៍ជាច្រើនដូចជាកម្មវីធីវាស់ចង្វាក់បេះដូង (Heart rate), កម្មវិធីទូទាត់ការចំនាយ (Wallet-Free Payment) ដោយប្រើប្រាប់បច្ចេកវិទ្យា NFC, ប្រព័ន្ធ GPS កម្រិត 1Hz, ប្រព័ន្ធការពារទឹកដែលទ្រទ្រង់បានជម្រៅដល់ទៅ 50 ម៉ែត្រ, ជាមួយមុខងារ Swimming Tracker ហើយជាពិសេសគឺវាអាចធ្វើការភ្ជាប់ប្រើជាមួយកម្មវិធី iOS, Android និង Windows បានដល់ទៅជាង 200 កម្មវិធីតាមរយះការ Sync ដោយប្រើប្រព័ន្ធប្លូធូស 4.0 របស់វា។
បន្ថែមពីនេះវាក៏អាចភ្ជាប់ជាមួយស្មាតហ្វូន និងឧបករណ៍ iOS, Android ឬ Windows ដើម្បីចាក់ចម្រៀងស្តាប់ និងទទួលការហៅទូរស័ព្ទចូល-ចេញបានថែមទៀតផង។ ម្យ៉ាងវិញទៀតវាមានលទ្ធភាពអាចផ្ទុកនូវបទចម្រៀងបានដល់ទៅ 300 បទសម្រាប់ចាក់ស្តាប់កំសាន្តដោយផ្ទាល់នៅលើវា ឬភ្ជាប់ការស្តាប់ទៅកាន់កាស Bluetooth Headphones បានផងដែររួមនឹងកម្មវិធីកំសាន្តដ៏សម្បូរបែបផ្សេងៗទៀត៕
អាចរកជាវបាននៅហាង៖ អប្សរ៉ា ម៉ូបែល (ខាងជើងផ្សារធំថ្មី) ទូរស័ព្ទលេខ៖ 023 6666 189
https://www.facebook.com/apsaramobile168/
