no-alternative title
no-alternative title
no-alternative title
no-alternative title
no-alternative title
no-alternative title
no-alternative title

EPSON បង្ហាញនូវម៉ាស៊ីនបញ្ចាំងរូបភាពស៊េរីថ្មីប្រភេទ 4K 3LCD Laser Projector ជាលើកដំបូងបំផុត ដែលមានកម្រិតពន្លឺ 20000 Lumens

កាលពីថ្ងៃទី 08 ខែមករា ឆ្នាំ 2019 កន្លងទៅថ្មីៗនេះEPSON ដែលជាក្រុមហ៊ុនផលិតម៉ាស៊ីនពបញ្ចាំងរូបភាព Projector ទទទួលបានចំណាត់ថ្នាក់លេខ 1 បានប្រកាសចេញនូវម៉ាស៊ីនបញ្ចាំងរូបភាព 3LCD Laser Projectors ថ្មីរបស់ខ្លួនចំនួន 2 ម៉ូដែលគឺ EB-L12000Q ដែលជាម៉ាស៊ីនបញ្ចាំងដំបូងបំផុត 12,000 Lumen Native 4K 3LCD Laser Projectors និងម៉ាស៊ីនចាក់បញ្ចាំងដែលស្រាលបំផុត គឺម៉ូដែល EB-L20000U ដែលជាម៉ូដែលដំបូងបំផុតរបស់ក្រុមហ៊ុន Epson ដែលប្រើប្រាស់នូវ 20,000 Lumen WUXGA។ ព្រឹត្តិការណ៍នេះ ត្រូវបានប្រារព្ធធ្វើឡើងនៅសណ្ឋាគារ Sangri-La ទីក្រុមបាងកក ប្រទេសថៃ ជាមួយនឹងវត្តមានភ្ញៀវកត្តិយស និងអ្នកសារព័ត៌មានមកពីបណ្តាប្រទេសជាច្រើននៅក្នុងតំបន់អាស៊ាន ដោយបូករួមទាំងកម្ពុជាយើងផងដែរ។ 

ក្រុមហ៊ុន Epson បានបញ្ជាក់ថា ម៉ាស៊ីនបញ្ចាំងស៊េរីថ្មី EB-L12000Q Projector ថ្មីនេះ ត្រូវបានភ្ជាប់ជាមួយនឹងបន្ទះអេក្រង់ Native 4K Panel ដែលអភិវឌ្ឍដោយក្រុមហ៊ុន Epson ជាមួយនឹងបញ្ចេញនូវរូបភាពក្នុងកម្រិតភាពច្បាស់ដល់ទៅ 4K 3840x2160 ភិចសែល ច្បាស់ល្អជាងម៉ាស៊ីនចាក់បញ្ចាំងកម្រិត Ultra-High ថែមទៀតផង។ ម៉ាស៊ីនចាក់បញ្ចាំងរូបភាព Projectors ទាំងនេះ ត្រូវបានរចនាឡើង ដើម្បីពង្រីកនូវវិសាលភាពរបស់ក្រុមហ៊ុន Epson នៅក្នុងការរៀបចំនូវក្នុងវិស័យ High-End EV និងស្ថានភាពនៃការប្រើប្រាស់នៅក្នុងបរិយាកាសជាច្រើន ដូចជាការរៀបចំព្រឹត្តិការណ៍ឆាកនាៗ និងការធ្វើកម្មវិធីសន្និសីទធំៗ និងការតម្លើងអេក្រង់ឌីជីថលផ្សព្វផ្សាយជាដើម។ ជាមួយនឹងការបំពាក់នូវពន្លឺ Laser Light របស់ក្រុមហ៊ុន Epson នេះ កាន់តែមានសមត្ថភាពថែមទៀតនៅក្នុងការបញ្ចាំងរូបភាព។ 

EB-L12000Q និង EB-L20000U មានទម្ងន់ស្រាល នៅក្នុងការប្រើប្រាស់ ហើយនិងមានការរចនារូបរាងសមល្មម ងាយស្រួលទុកដាក់ថែមទៀតផង ដូចនេះ អ្នកអាចធ្វើការផ្លាស់ប្តូរទៅលើម៉ាស៊ីនចាក់បញ្ចាំង ពីមុនរបស់អ្នកបានយ៉ាងងាយស្រួលមិនមានការរុះរើអ្វីនោះទេ ដោយសារតែទំហំរបស់វា គឺមិនធំជាងម៉ាស៊ីនចាស់ៗទាំងនោះទេ។ ជាមួយនឹងការប្រើប្រាស់នូវរចនាសម្ព័ន្ធនៃពន្លឺ Laser Light របស់ក្រុមហ៊ុន Epson និង Electrostatic Filter កម្រិតខ្ពស់នោះ ម៉ាស៊ីនចាក់បញ្ចាំងរូបភាពទាំងនេះអាចប្រើប្រាស់បានរយៈពេលដល់ទៅ 20,000 ម៉ោងជាមួយនឹងការថែទាំឥតគិតថ្លៃថែមទៀត។

ម៉ាស៊ីនចាក់បញ្ចាំងរូបភាព Projectors ទាំងនេះ ភ្ជាប់ជាមួយនឹងស្រទាប់នៃការការពារធូលីដល់ទៅ 3 ជាន់ធន់ក្នុងការប្រើប្រាស់ ហើយវាថែមទាំងរឹងមាំថែមទៀត ហើយវាថែមទាំងកាត់បន្ថយនូវលំហូរនៃខ្យល់បានដល់ទៅ 86% បើធៀបជាមួយនឹងម៉ូដែលជំនាន់មុនៗថែមទៀតផង។ វាពិតជាអស្ចារ្យមែនទែនក្នុងការកាត់បន្ថយនូវគ្រោះថ្នាក់ដែលចេញពីធូលី និងផ្សេងនៅលើម៉ាស៊ីននេះ។ នៅក្នុងការអភិវឌ្ឍទៅលើប្រព័ន្ធត្រជាក់ Liquid Cooling System គឺរក្សានូវកំដៅបានយ៉ាងល្អ ហើយវាគឺជាលក្ខណៈពិសេសមួយដែលធ្វើអោយម៉ាស៊ីនរបស់អ្នកមិនក្តៅនោះទេ។ បន្ថែមពីនេះទៀត ម៉ាស៊ីនចាក់បញ្ចាំងរូបភាព Projectors នេះភ្ជាប់ជាមួយនឹង Shutter ដែលអាចធ្វើការការពារទៅលើ Lens ចេញពីភ្លើង Laser Light បានថែមទៀតផង។

ម៉ាស៊ីនចាក់បញ្ចាំងរូបភាព Projectors ទាំងពីរម៉ូដែលនេះ ត្រូវរចនាឡើងដើម្បីធានាទៅលើការប្រើប្រាស់កម្រិតអតិបរមា ហើយវាអាចធ្វើការបង្វិលរូបភាពបានដល់ទៅ 360 ដឺក្រេថែមទៀតដោយមិនមានការបាត់បង់ទៅលើកម្រិតពន្លឺរូបភាពដែលប្រើប្រាស់នេះទេ។ សម្រាប់កាមេរ៉ាដែលភ្ជាប់មកជាស្រេចនៅក្នុងម៉ាស៊ីននេះគឺសម្រាប់ធ្វើការវិភាគ និងតម្លើងពីចម្ងាយបានយ៉ាងងាយស្រួល។

កម្មវិធីថ្មី Professional Projector Tool Software របស់ក្រុមហ៊ុន Epson នេះគឺពិតជាមានភាពងាយស្រួលក្នុងការតម្លើងទៅលើម៉ាស៊ីនចាក់បញ្ចាំងរូបភាពច្រើន Multi-Projectors និងការផ្តល់នូវ Tools សម្រាប់កែដូចជា Edge-Blending, Curve Correction និងការគូសផ្គងពណ៌អោយស៊ីគ្នាថែមទៀត។ បន្ថែមពីនេះទៀត វាក៏មានការប្រើប្រាស់នូវ Interface Boards ថ្មីដែលមិនស្មុគស្មាញក្នុងការប្រើប្រាស់ ឬគ្រប់គ្រងនោះទេ ហើយក្រុមហ៊ុនក៏នឹងអាប់ដេតនូវ Interface ថ្មីកាន់តែងាយស្រួលប្រើប្រាស់ជាងនេះទៀតនៅក្នុងពេលខាងមុខផងដែរ។

សម្រាប់ម៉ូដែលទាំងពីរនេះ ក៏មានការប្រើប្រាស់នូវ 4K Lens ដូចគ្នា ដែលប្រើប្រាស់ដោយម៉ាស៊ីនចាក់បញ្ចាំងរូបភាព EB-L1000 Series របស់ក្រុមហ៊ុន Epson សម្រាប់ការប្រើប្រាស់ផ្លាស់ប្តូរគ្នាទៅវិញទៅមកបានផងដែរ។ ម៉ាស៊ីនចាក់បញ្ចាំងរូបភាពទាំងពីរម៉ូដែលនេះអាចប្រើប្រាស់ជាមួយនឹង Zero Lens Offset Ultra-Short តាមរយៈ Lens ELPLX02 ដែលមានការផ្លាស់ប្តូរនូវ Lens ធំជាងមុនដែលពិតជាមានប្រយោជន៍មែនទែននៅក្នុងការប្រើប្រាស់នៅលើស្ថានភាពជាច្រើនជាមួយនឹងចម្ងាយនៃ Lens ទៅកាន់អេក្រង់នោះ។ ម៉ាស៊ីន Projectors ថ្មីនេះ ក៏ទ្រទ្រងនូវមុខងារ Hybrid Log Gamma និង HDR10 ផងដែរ។

លោក Ng Ngee Khiang ប្រធានផ្នែកតំបន់នៃអង្គភាព Visual Products & Robotics Solution Division របស់ក្រុមហ៊ុន Epson ប្រចាំប្រទេសសិង្ហបុរីនិយាយថា “យើងសម្រេចបាននូវជោគជ័យថ្មីជាមួយនឹងម៉ាស៊ីនចាក់បញ្ចាំងរូបភាព EB-L12000Q ជាមួយនឹង 4K Native ដែលនាំយកនូវកម្រិតភាពច្បាស់អស្ចារ្យសម្រាប់ម៉ាស៊ីន Projectors ជាច្រើនរបស់យើង។

សម្រាប់ម៉ាស៊ីន Projectors ទាំងពីរនេះផ្តល់នូវមុខងារកាន់តែធំទូលំទូលាយជាងមុន និងមានភាពងាយស្រួលក្នុងការផ្លាស់ប្តូរទៅលើរចនាសម្ព័ន្ធពីមុនដែលមានស្រាប់សម្រាប់វិស័យនៃការជួលបញ្ចាំងនៅតាមឆាកធំៗជាមួយនឹងពន្លឺ Lens ច្បាស់ និងការគ្រប់គ្រង Interfaces កាន់តែងាយស្រួលទំនាក់ទំនងហើយអ្វីដែលសំខាន់នោះ គឺកម្រិតពន្លឺខ្ពស់របស់ម៉ាស៊ីននេះតែម្តង។”

ម៉ាស៊ីនបញ្ចាំងស៊េរីថ្មី EB-L12000Q នេះក៏ទទួលបាននូវពានរង្វាន់ Good Design Awards 2018 សម្រាប់ការរចនារូបរាងដ៏ស្រស់ស្អាតរបស់វាផងដែរ។ ពានរង្វាន់ជាច្រើន គឺផ្តល់អោយជារៀងរាល់ឆ្នាំសម្រាប់ការរចនារូបរាងដែលពិតជាសំខាន់ណាស់ក្នុងជីវិតរស់នៅប្រចាំថ្ងៃ និងទិដ្ឋភាពសង្គមទូទៅថែមទៀត។ ម៉ាស៊ីនចាក់បញ្ចាំងរូបភាព EB-L12000Q និង EB-L20000U Projectors នឹងដាក់លក់ជាផ្លូវការនៅក្នុងតំបន់ជាច្រើននៅក្នុងឆមាសទី 2 ឆ្នាំ 2109ខាងមុខនេះ៕

no-alternative title
ព័ត៌មានពាណិជ្ជកម្ម