ថ្មីៗនេះ ក្រុមហ៊ុន Sony បានង្ហាញចេញនូវវត្តមាននៃកាមេរ៉ាស៊េរីថ្មី α6400 របស់ខ្លួនស្ថិតនៅក្នុងត្រកូលនៃកាមេរ៉ា E-mount mirrorless ដែលនេះគឺជាកាមេរ៉ាដំបូងបំផុតក្នុងពិភពលោកដែលបំពាក់នូវមុខងារ autofocus (AF) លឿនបំផុតនៅក្នុងរយៈពេលត្រឹមតែ 0.02 វិនាទីតែប៉ុណ្ណោះ រួមនឹងមុខងារនៃការថតល្បឿនលឿន 11fps ជាមួយនឹងមុខងារ AF/AE tracking ជាដើម។ អ្វីដែលប្លែកនោះកាមេរ៉ានះ ក៏បាននាំយកនូវមុខងារថ្មីកម្រិតខ្ពស់ដូចជា “Real-time Eye AF” និង “Real-time Tracking” ផងដែរ។
ក្រុមហ៊ុន Sony បានបញ្ជាក់ថា កាមេរ៉ានេះគឺប្រើប្រាស់ជាមួយនឹងម៉ាស៊ីនប្រភេទ BIONZ X image processing engine ជំនាន់បន្ទាប់ ដែលអាចផលិតគុណភាពរូបភាពបានល្អឥតខ្ចោះ ការថតវីដេអូកម្រិត 4K អេក្រង់ 180-degree tilt able LCD touch screen និងជាច្រើនទៀត។ កាមេរ៉ា a6400 នេះ ភ្ជាប់ជាមួយនឹងមុខងារ 425 phase-detection AF points និង 425 contrast-detection AF points ដែលគ្របដណ្តប់ទៅលើទំហំនៃរូបភាពប្រហែលជា 84%។
Sony α6400 ក៏ភ្ជាប់មកជាមួយនឹងមុខងារ “Real-time Tracking.” ដែលជា Mode មួយប្រើប្រាស់នូវ algorithm ចុងក្រោយបំផុតរបស់ក្រុមហ៊ុន Sony រួមមានបច្ចេកវិទ្យាឆ្លាតវៃ artificial intelligence (AI) សម្រាប់ធ្វើការសម្គាល់ទៅលើវត្ថុអ្វីមួយដូចជាពណ៌ ចម្ងាយ កម្រិតពន្លឺ និងជាច្រើនទៀតជាមួយនឹងការផ្តិតរូបភាពស្រស់ស្អាតបំផុត។ Sony α6400 ភ្ជាប់ជាមួយនឹងសេនស័រទំហំ 24.2 MP APS-C ជាមួយនឹងបន្ទះឈីប upgraded BIONZ X។ សម្រាប់កម្រិតនៃ Standard ISO គឺរហូតទៅដល់ ISO-32000 ហើយសម្រាប់រូបភាព និងវីដេអូហើយវាអាចពង្រីកបន្ថែមដល់ទៅ ISO-102400 សម្រាប់រូបភាព។ ហើយកាមេរ៉ានេះ ក៏អាចធ្វើការថតវីដេអូនៅក្នុងកម្រិត 4K (QFHD: 3840x2160px) ថែមទៀត។
ក្រុមហ៊ុន Sony បានបន្ថែមថា ម៉ូដែលថ្មីនេះក៏មានភ្ជាប់ជាមួយនឹងមុខងារ HLG (Hybrid Log-Gamma) picture profile ដែលទ្រទ្រង់ទៅលើផ្នែកលំហូរការងារ Instant HDR ដែលអនុញ្ញាតឱ្យប្រើប្រាស់ជាមួយនឹងកម្រិត HDR (HLG) compatible TV ។ កាមេរ៉ានេះ ក៏អាចធ្វើការថតនៅក្នុងកម្រិត Full HD នៅក្នុងកម្រិត 120 fps ផងដែរ។ ចំពោះអេក្រង់ គឺ Sony ប្រើប្រាស់នូវទំហំ 3-inch LCF flip screen ជាមួយនឹងកម្រិតភាពច្បាស់ 921k-dots និងអាចដាក់បញ្ឈរនៅក្នុងកម្រិត 180- ដឺក្រេថែមទៀត។
កាមេរ៉ា Sony α6400 នឹងដាក់លក់ចាប់ពីខែកុម្ភៈឆ្នាំ 2019 នេះ នៅក្នុងតម្លៃ $900 (Rs. 63,975) ហើយសម្រាប់ Kits (16-50mm F3.5-5.6) គឺមានតម្លៃ $1,000។ រីឯKits (18-135mm F3.5-5.6) គឺមានតម្លៃ $1,300៕