រហូតមកដល់ពេលនេះ Apple មិនបានសម្តែងនូវការពេញចិត្ត ដូចអ្វីដែលខ្លួន បានសង្ឃឹមខ្ពស់ពីការលក់នៅក្នុងប្រទេសចិនដូចកាលពីមុននោះទេ ប៉ុន្តែទោះយ៉ាងណាក៏ដោយ ក៏ក្រុមហ៊ុននេះនៅតែមិនអាចបញ្ឈប់មហិច្ឆតារបស់បានឡើយ នៅក្នុងការឆ្ពោះទៅមុខជាមួយនឹងការចាប់ផ្តើមបង្ហាញផលិតផលថ្មីៗទៅកាន់ទីផ្សារអាស៊ីមួយនេះ។ ការមកដល់ចុងក្រោយបំផុតនៃផលិតផលរបស់ Apple នោះគឺ HomePod ដែលត្រូវបានគេឃើញថា បានចុះបញ្ជីនៅលើគេហទំព័ររបស់ក្រុមហ៊ុន Apple នៅពេលេនះ។ ឧបករណ៍បំពងសម្លេងម៉ូដែលថ្មីមួយនេះ ត្រូវបានលក់ក្នុងតម្លៃ CNY2,799 ឬប្រហែល 415 ដុល្លារអាមេរិក ដែលជាតម្លៃខ្ពស់ជាង 15% នៃតម្លៃ 349 ដុល្លារ នៅសហរដ្ឋអាមេរិក។
ក្រុមហ៊ុន Apple បានបង្កើត HomePod ដោយអំពាវនាវដល់អតិថិជនក្នុងស្រុក ដោយផ្តល់ការគាំទ្រ ដល់ភាសាចិនកុកងឺ និងកាតាំង រួមទាំងគ្រាមភាសា ហុងកុង ផងដែរ។ នៅក្នុងសេចក្តីប្រកាសព័ត៌មានខាងលើនេះ ក៏បានបញ្ជាក់ផងដែរថា អ្នកអាចស្ទ្រីមតន្ត្រី ពីសេវាក្នុងស្រុកចិនបាន ដែលរួមមានដូចជា QQ Music, DeDao ជាដើម ស្របពេលដែល អតិថិជននៅក្រុងហុងកុង ក៏ទទួលបាន Spotify, KKBOX និង JOOX ផងដែរ។ HomePod ត្រូវបានចុះបញ្ជីរួចហើយ ប៉ុន្តែប៊ូតុងទិញ គឺមានមិនទាន់បញ្ចេញនៅឡើយទេ។ ហើយវានឹងអាចរកទិញបាន នៅថ្ងៃទី 18 ខែមករា នៅពេលដែលជម្រើសពណ៌ស និងប្រផេះ អាចរកទិញបាន។ HomePod នេះ ក៏មានកម្មវិធីបន្ថែមដូចជា AppleCare +ផងដែរ៕
