ថ្ងៃនេះ ក្រុមហ៊ុន Samsung Display បានបង្ហាញនូវអេក្រង់ប្រភេទ OLED panel ស៊េរីថ្មីចុងក្រោយបំផុត របស់ខ្លួនគឺអេក្រង់ 15.6-inch Ultra HD screen ដែល អេក្រង់នេះ គឺជាអេក្រង់ UHD display សម្រាប់ទីផ្សារ Notebook ដែលមានសមត្ថភាពដូចអ្វី ដែលយើងឃើញនៅលើស្មាតហ្វូន និងថេប្លេតជាច្រើននោះ អេក្រង់ OLED គឺមានលក្ខណៈសម្បត្តិជាច្រើនសម្រាប់ស្មាតហ្វូន។
ក្រុមហ៊ុន Samsung Display បានប្រើអេក្រង់ទំហំ 15.6-inch screen គឺពិតជាអស្ចារ្យមែនទែនដោយសារតែវាប្រើប្រាស់នូវបច្ចេកវិទ្យា DisplayHDR True Black ដែលធ្វើការអភិវឌ្ឍដោយ VESA ។ វាមានពណ៌ខ្មៅដែលច្បាស់ជាងស្តង់ដារ HDR នឹងកម្រិត high-contrast ជិតស្មើទៅនឹងកម្រិតនៃភ្នែករបស់មនុស្សផងដែរ។ បើធ្វើការប្រៀបធៀបជាមួយនឹងអេក្រង់ LCD Panels នោះសម្រាប់អេក្រង់ Samsung Display screen ស៊េរីថ្មីនេះគឺមានពណ៌ច្បាស់ជាងមុនដល់ទៅ 1.7x ។ វាមានន័យថា អេក្រង់នេះច្បាស់សម្រាប់ការទស្សនានៅខាងក្រៅជាពិសេសនៅពេលដែលមានការចាំងពន្លឺព្រះអាទិត្យក៏នៅតែច្បាស់ដដែល។
ក្រុមហ៊ុន Samsung Display បានបញ្ជាក់ថា អេក្រង់ OLED screens ទាំងអស់ គឺមានកម្រិតពន្លឺដល់ទៅ 600 nits ស្របពេលដែលកម្រិតនៃ dynamic contrast ratio គឺដល់ទៅ 120,000:1។ ពណ៌ខ្មៅនេះ គឺមានកម្រិតពណ៌ខ្មៅខ្លាំងជាងអេក្រង់ LCD panel ដែលច្បាស់ជាងមុនដល់ទៅ 200x សម្រាប់សម្រាប់ពណ៌សគឺច្បាស់ជាងមុនដល់ទៅទ្វេរដងថែមទៀត។ ពណ៌អេក្រង់នៃកុំព្យូទ័រនេះ គឺមានការទ្រទ្រង់ដល់ទៅ 3.4 លានពណ៌ដែលខ្ពស់ជាងអេក្រង់ LCD Panel ទ្វេរដងថែមទៀត។ វាប្រើប្រាស់នូវស្តង់ដារនៃពណ៌ DCI-P3 color standard ដែលមិនជះឥទ្ធិពលអាក្រក់ដល់ភ្នែកនៅពេលដែលសម្លឹងយូរនោះទេ។ អេក្រង់នេះមានគោលដៅសម្រាប់ការប្រើប្រាស់នៅលើ Notebooks ថ្នាក់ប្រណិត។ ការប្រើប្រាស់នូវកម្រិតពណ៌ច្បាស់ និងអេក្រង់ពេញគែមនេះពិតជាធ្វើអោយតម្រូវការរបស់វាកើនឡើងខ្លាំងបំផុត។
ក្រុមហ៊ុន Samsung Display មិនទាន់បញ្ជាក់ថា ខ្លួននឹងធ្វើការជាមួយនឹងក្រុមហ៊ុនបច្ចេកវិទ្យាណានោះទេ សម្រាប់ការប្រើប្រាស់នូវអេក្រង់ 15.6-inch OLED screen នេះ សម្រាប់កុំព្យូទ័រ Notebooks នោះ។ ទោះជាយ៉ាងណាក៏ដោយ វាក៏មានកិច្ចព្រមព្រៀងជាច្រើនរបស់ក្រុមហ៊ុននេះ ជាមួយនឹងក្រុមហ៊ុនបច្ចេកវិទ្យាជាច្រើន ហើយការផលិតទ្រង់ទ្រាយធំទៅលើអេក្រង់នេះត្រូវគេរំពឹងថាប្រហែលជានៅពាក់កណ្តាលខែកុម្ភៈខាងមុខនេះ។ វានឹងផ្តោតសំខាន់ទៅលើការលេងហ្គេម ការរចនាក្រាហ្វិក និងការទស្សនាវីដេអូ៕
