ក្រុមហ៊ុន Canon ទើបតែបានប្រកាសចេញម៉ាស៊ីនព្រីនធ័រខ្នាតតូចស៊េរីថ្មីម៉ូដែល PIXMA TS707 សម្រាប់បំពេញតម្រូវការក្នុងការប្រើប្រាស់នៅក្នុងការិយាខ្នាតតូច។ ម៉ាស៊ីនព្រីនធ័រស៊េរីថ្មីនេះមានទំហំតូចងាយស្រួលក្នុងការទុកដាក់ និងការដំឡើង។ ម៉ាស៊ីនថ្មីនេះ មានសមត្ថភាពធ្វើការបានលឿនរហ័សដែលជួយពន្លឿនដល់កិច្ចការងារការិយាល័យបានកាន់តែរហ័សជាមួយការសន្សំសំចៃកម្រិតខ្ពស់។ PIXMA TS707 ផ្តល់ភាពងាយស្រួលក្នុងការតភ្ជាប់ជាមួយប្រព័ន្ធបណ្តាញ Network នៅក្នុងការិយាល័យរបស់លោកអ្នក, មានលទ្ធភាពអាចធ្វើការព្រីនត្រឡប់សងខាងដោយស្វ័យប្រវិត្ត (2-side automatic print) និងមានថតសម្រាប់ផ្ទុកក្រដាសដែលមានលទ្ធភាពផ្ទុកបានចំនួន 350 សន្លឹក។
-ទំហំតូចជាមួយលទ្ធភាពងាយស្រួលក្នុងការប្រើប្រាស់
Canon PIXMA TS707 គឺជាម៉ាស៊ីនព្រីនធ័រខ្នាតតូច ឬហៅថា “Compact Printer” ដែលមានលទ្ធភាពប្រើការបានលឿនរហ័ស។ វាមានអេក្រង់បង្ហាញនៅខាងមុខប្រភេទ 2-Line LCD Display សម្រាប់បង្ហាញនូវរាល់ព័ត៌មានប្រើប្រាស់ទាំងឡាយដូចជាកម្រិតទឹកថ្នាំ និងសម្រាប់ធ្វើការដំឡើងតភា្ជប់បណ្តាញ Network ដោយផ្ទាល់នៅលើវាតែម្តងដោយមិនត្រូវការដំឡើងកម្មវិធីលើទូរស័ព្ទ ឬកុំព្យូទ័រជំនួយឡើយ។
-ផលិតឡើងដើម្បីសម្រួលដល់កិច្ចការងារការិយាល័យប្រចាំថ្ងៃ
ម៉ាស៊ីនព្រីនធ័រខ្នាតតូចមួយនេះមានសមត្ថភាពព្រីនឯកសារបានលឿនរហ័សដោយការព្រីនលើកដំបូងគឺប្រើពេល 21 វិនាទីប៉ុណ្ណោះ។ សម្រាប់ការព្រីនឯកសារសខ្មៅគឺបានចំនួន 15 សន្លឹកក្នុងមួយនាទី និងឯកសារពណ៌ធម្មជាតិ ឬរូបថតបានចំនួន 10 សន្លឹងក្នុងមួយនាទី។ PIXMA TS707 ប្រើប្រាស់ទឹកថ្នាំ 4 ពណ៌ប្រភេទ XL-Ink ដែលអាចធ្វើការព្រីនបានដល់ទៅ 800 ទំព័រសម្រាប់ឯកសារពណ៌ ដូច្នេះវាជួយសន្សំសំចៃបានកាន់តែប្រសើរបំផុតសម្រាប់អាជីវកម្មរបស់លោកអ្នក។
-ប្រព័ន្ធបាញ់ទឹកថ្នាំកម្រិតខ្ពស់ធ្វើអោយការព្រីនឯកសារបានដិតច្បាស់
សម្រាប់គុណភាពឯកសារដែលព្រីនចេញមកគឺមានភាពច្បាស់ល្អទាំងឯកសារសខ្មៅ និងឯកសារពណ៌។ វាប្រើប្រាស់ប្រព័ន្ធបាញ់ទឹកថ្នាំចំនួន 5 ដែលមានពីរជាប្រព័ន្ធទឹកថ្នាំពណ៌ខ្មៅ។ ចំពោះការព្រីនឯកសារពណ៌សខ្មៅគឺមានភាពច្បាស់ដិតល្អបំផុត ហើយសម្រាប់ការព្រីនឯកសារពណ៌ ឬរូបថតវិញគឺមានពណ៌ច្បាស់រស់រវ៉ើកបែបធម្មជាតិពិតៗពិសេសនៅពេលព្រីននៅលើក្រដាសរលោងភ្លឺ (Glossy)។
-ងាយស្រួលក្នុងការតំឡើង និងការតភា្ជប់
ក្រៅតែពីការតភ្ជាប់តាមរយះរន្ធដោត USB Virtual Print Port ទៅនៅលើ Canon PIXMA TS707 ផ្តល់នូវជម្រើសតភ្ជាប់កាន់តែងាយស្រួលតាមរយះរន្ធដោត Ethernet Network port (Wire LAN) និង Wireless LAN (Wi-Fi)។ បន្ថែមពីនេះវាក៏ភ្ជាប់នូវបច្ចេកវិទ្យា Wireless Direct ដែលអនុញាតិអោយយើងអាចធ្វើការតភ្ជាប់ និងព្រីនឯកសារចេញពីស្មាតហ្វូនបានយ៉ាងស្រួលដោយមិនចាំបាច់ភ្ជាប់បណ្តាញ Wireless Router ដែលប្រើក្នុងការិយាល័យធ្វើការរបស់យើងទៀតផង។
-ផ្តល់ជម្រើសកាន់តែងាយស្រួលក្នុងការព្រីនឯកសារបានតាមតម្រូវការ
លក្ខណះពិសេសមួយទៀតសម្រាប់ការប្រើប្រាស់ជាមួយម៉ាស៊ីនព្រីនធ័រ PIXMA TS707 គឺជាកម្មវិធី Easy-Photo Print Editor (EPP Editor) ដែលវាផ្តល់នូវជម្រើសដ៏ប្រសើរបំផុតក្នុងលេងនៅលើរូបថតជាមួយគំរូ Layouts, គំរូប្រតិទិន, នាមប័ណ្ឌ (Postcards) ស្អាតៗជាមួយជម្រើសពណ៌ដ៏ស្រស់ស្អាតជាច្រើនដែលធ្វើអោយការព្រីនកាន់តែមានភាពងាយស្រួលក្នុងការកែប្រែបន្ថែមនៅលើរូបថតតាមអ្វីដែលយើងចង់បាន។ កម្មវិធី EPP Editor នេះគឺវាអាចដំឡើងបាននៅលើប្រព័ន្ធប្រតិបត្តិការ Windows, MacOS ហើយជាពិសេសបំផុតសម្រាប់ឧបករណ៍ដែលដំណើរការលើ iOS និង Android។ Canon PIXMA TS707 ម៉ាស៊ីនព្រីនធ័រខ្នាតតូចស៊េរីថ្មី ជម្រើសថ្មី សមត្ថភាពប្រើការលឿនរហ័ស និងជួយសន្សំសំចៃបានកាន់តែប្រសើរបំផុតសម្រាប់អាជីវកម្មរបស់លោកអ្នក៕
