ដោយសារតែតម្រូវការនៃការប្រើប្រាស់មានការកើនឡើងហើយស្របពេល ដែលជាផលិតផលរបស់ចិន បាននឹងកំពុងតែដណ្តើមយកទីផ្សារជាមួយនឹងតម្លៃធូថ្លៃនោះ ថ្ងៃនេះ ក្រុមហ៊ុនបច្ចេកវិទ្យា DJI បានបង្ហាញនូវឧបករណ៍ទម្ររស្មាតហ្វូន Osmo ជំនាន់បន្ទាប់របស់ខ្លួនមួយទៀត ដែលមានឈ្មោះថា Osmo Mobile 2 ដែលបនះ គឺជាជើងទម្ររថ្មី stabilizers សម្រាប់ប្រើប្រាស់នៅលើស្មាតហ្វូនបំពាក់នូវមុខងារថ្មីៗ ជាមួយនឹងតម្លៃថោកជាងមុន ថែមទៀតផង។ សម្រាប់ជើងទម្ររថ្មី stabilizers ដែលគ្រប់គ្នាតែងតែហៅថា Osmo នេះ គឺអាចជួយលោកអ្នក នៅក្នុងការកាត់បន្ថយនូវការថតវីដេអូរង្គើរ ហើយវាភ្ជាប់មកជាមួយនឹងលក្ខណៈសម្បត្តិថ្មីជាអាជីពតែម្តង។
DJI Osmo Mobile 2 គឺមានសមត្ថភាពខ្ពស់ នៅក្នុងការជួយលោកអ្នកថតរូបនៅក្នុងទម្រង់ portrait mode បានតែម្តង។ Osmo Mobile 2 ក៏ភ្ជាប់ជាមួយនឹងថាមពលថ្ម 2600mAh (18650 LiPo) ដែលអាចប្រើប្រាស់បានរយៈពេលដល់ទៅ 15 ម៉ោង នៅក្នុងការបញ្ចូលថាមពលថ្មម្តងនោះ។ សម្រាប់ឧបករណ៍ជំនាន់មុននេះ គឺមានថាមពលថ្មត្រឹមតែ 1225mAh និងអាចប្រើប្រាស់បានតែ 4.5 ម៉ោងប៉ុណ្ណោះ។. សម្រាប់ជំនាន់ថ្មីនេះ ដែរ គឺអាចបញ្ចូលថាមពលថ្មលឿនត្រឹមតែ 2 ម៉ោងតាមរយៈ micro USB ហើយវាមានទំងន់ស្រាលត្រឹមតែ 485g ប៉ុណ្ណោះ។ Osmo Mobile 2 នឹងដាក់លក់នៅក្នុងតម្លៃត្រឹមតែ $129 ខណៈពេលដែលជំនាន់ដំបូងរបស់វាមានតម្លៃ $299 ហើយពេលនេះ មានតម្លៃចុះមកត្រឹម $199 ។
សម្រាប់មុខងារសំខាន់ៗ ដែលអ្នកប្រើប្រាស់អាចប្រើបានមានដូចជា timelapse, motionlapse, hyperlapse, slow mo (still only iOS) និង active tracking & live broadcasting ដែលពិតជាមិនធម្មតានោះទេ សម្រាប់ DJI Osmo Mobile 2 នោះ។ DJI ក៏មានបន្ថែមនូវមុខងារ Zoom Slider នៅផ្នែកខាងឆ្វេងនៃជើងទម្ររ Stabilizer ដើម្បីធ្វើការ Zoom កាន់តែងាយស្រួល។ Osmo Mobile 2 នឹងដាក់លក់នៅខែក្រោយនេះ ប៉ុន្តែការកម្មង់ទិញមុន នឹងចាប់ផ្តើមនៅថ្ងៃទី 23 ខែមករាខាងមុខនេះ៕
