និយាយទៅ ការប្រើប្រាស់របស់របរាល់ដែលលោកអ្នកគ្រប់ធ្លាប់ឃើញនោះ មានតែរូបភាពដដែល ពេលខ្លះយងគ្រប់មិនដឹងថា នៅមានផលិតផលថ្មីៗជាច្រើនទៀត ត្រូវបានគេច្នៃប្រឌិតឡើងជារៀងរាល់ថ្ងៃ ដើម្បីបំពេញតម្រូវការមនុស្សមួយចំនួណ ដែលចូលចិត្តអ្វីដែលប្លែក និងមានសមត្ថភាពខ្ពស់មិនគួរអោយជឿនោះទេ។ ពេលនេះ ក្រុមការងារ ទស្សានាវដ្តី ពិភពអេឡិចត្រូនិក សូមលើកយកផលិតផលមួយចំនួនមកង្ហាញ ដោយជឿជាក់ថា ផលិតផលខ្លះ គឺលោកអ្នក មិនធ្លាប់បានឃើញនាពេលកន្លងមកនោះទេ។
1. Parrot Swing
Parrot Swing គឺជាប្រភេទយន្តហៅ Drone ដ៏តូចច្រឡឹងតែមានដងស្លាបវែង ដែលមើលទៅខុសប្លែកពីប្រភេទផ្សេងៗ និងមានសមត្ថភាពមិនចាញ់គេឡើយ។ ជាមួយនឹងរូបរាងតូចបំផុត Parrot Swing មានសមត្ថភាពក្នុងការហោះហើរបានយ៉ាងល្អ ងាយស្រួលភ្ជាប់ជាមួយកាមេរ៉ា និងងាយស្រួលភ្ជាប់បញ្ជាថែមទៀតផង។
ប្រភព ៖ GearHungry
2 .Trek Camera Slider
សម្រាប់ប្រិយមិត្តដែលជាអ្នកជំនាញខាងកាមេរ៉ា និងចូលចិត្តការថតវិដេអូបែបខ្លី ឬមានស្តាយប្លែកដូចក្នុងរឿងកុន ដូចជា ថតវិលជុំ ថតវិដេអូខ្លីបែប One Shoot ជាដើម ជាមួយនឹងឧបករណ៍ Trek Camera Slider ដែលមានសមត្ថភាពក្នុងការបត់បែនបានគ្រប់ស្ថានភាព ផ្តល់ភាពងាយស្រួលបំផុតក្នុងការថត អូសកាមេរ៉ាបានស្រួល មានលំនឹង មិនញរ ព្រោះមានជើងសម្រាប់ចាប់ភ្ជាប់រឹងមាំល្អ។
ប្រភព ៖ GearHungry
3. Halo Smart Security Camera
សូមងាកមកចាប់អារម្មណ៍ជាមួយនឹងកាមេរ៉ាសុវត្ថិភាពថ្មីមួយនេះវិញ ដែលត្រូវបានផលិតឡើងប្រកបដោយភាពទាក់ទាញ តែមនុស្សមួយចំនួនពេលបានឃើញប្រាកដជាមិនចាប់អារម្មណ៍ថា វាជាកាមេរ៉ាសុវត្ថិភាពទេ អាចនិយាយថាវារបស់មួយផ្សេងទៅវិញ តែកុំច្រឡំ Halo Smart Security Camera ជាកាមេរ៉ាសុវត្ថិភាពដ៏ពិសេសមួយណា ដែលវាមានថាមពលថ្មប្រើបានរហូតដល់៦ខែ ដោយមិនមានការសាកថ្មឡើយ។
4. Bosch Flexiclick
ប្រិយមិត្តដែលជាមានជំនាញនិងចូលចិត្តផ្នែកជាង មិនថាជាឈើ ជាងដែក និយាយរួមឲ្យតែផ្នែកសិប្បកម្ម គឺពិតជាមានចំណាប់អារម្មណ៍ជាមួយនឹងរូបរាងរបស់ម៉ូទ័រស្វានប្រភេទប្រើថ្មសាកម៉ូដែលថ្មីពីក្រុមហ៊ុន Bosch ដែលត្រូវបានផលិតឡើងយ៉ាងប្រណិត និងមានសមត្ថភាពខ្ពស់ក្នុងការបំពេញកិច្ចការងារស្វានផ្ទាល់តែម្តង។
ប្រភព ៖ GearHungry
5. Oxx Coffeeboxx
ជាមួយនឹងម៉ាស៊ីនចម្រោះកាហ្វេដ៏ប្រណីតមួយនេះ គឺពិតជាផ្តល់ភាពងាយស្រួលបំផុតសម្រាប់លោកអ្នកដែលមមាញឹកជាមួយនឹងការងារដែលនៅឆ្ងាយពីហាងកាហ្វេនានា ។ សម្រាប់ម៉ាស៊ីនចម្រោះកាហ្វេ Oxx Coffeeboxx នេះ គឺមានសមត្ថភាពគ្រប់គ្រាន់សម្រាប់ផលិតកាហ្វេក្តៅសម្រាប់បំបាត់ភាពនឿយហត់ នៅពេលដែលអ្នកទើបសម្រាកពីការងារ មិនថានៅទីណា មានតែផលិតផលមួយនេះ គឺមានកាហ្វេទទួលទានបានគ្រប់គ្រាន់ជានិច្ច។
6 . Logitech Craft
នេះគឺជាក្តាចុច ឬហៅថា Keyboard ម៉ូដែលថ្មីដែលត្រូវបានក្រុមហ៊ុន Logitech ធ្វើការផលិតឡើងយ៉ាងវិសេសវិសាលបំផុត សម្រាប់តម្រូវតាមការចង់បានរបស់អតិថិជន ដែលត្រូវការក្តាចុចដែលមានសមត្ថភាព និងសោភ័ណ្ឌភាពស្រស់ស្អាត ទាន់សម័យ ពិសេសងាយស្រួលក្នុងការវាយអក្ស និងបញ្ជាបានរហ័សទាន់ចិត្តតែម្តង។
ប្រភព ៖ GearHungry
7. JBL Nebula Mars Portable Cinema
ពិតជាអស្ចារ្យបំផុត សម្រាប់ក្រុមហ៊ុន JBL ដែលបានផលិតចេញនូវឧបរកណ៍បញ្ចាំងរូបភាពដ៏តូចច្រឡឹង តែមានសមត្ថភាពខ្ពស់បំផុត ក្នុងការបង្ហាញចេញនូវទស្សន័យភាពដ៏ល្អប្រណីតជាមួយនឹងកម្រិតភាពច្បាស់រហូតដល់កម្រិត 4K ឯណ្ណោះ និងអាចបង្ហាញរីហ្សូលូសិន 15k អីុង ។ មិនតែប៉ុណ្ណោះ JBL Nebula Mars Portable Cinema មានថាមពលថ្ម ដែលអាចប្រើប្រាស់បញ្ចាំងបានរហូតដល់3ម៉ោង និងអាចភ្ជាប់បានជាមួយនឹងកម្មវិធីសម្រាប់បញ្ជា ទាំងនៅលើ Android និង iOS ផងដែរ។
ប្រភព ៖ Amazon
8 . Victorinox Swiss Army Wine Master
សូមបង្ហាញកូនកាំបិតតូចមួយ ដែលត្រូវបានគេហៅឈ្មោះថា Victorinox Swiss Army Wine Master ក៏ព្រោះតែវាមានមុខងារភ្ជាប់មកជាមួយយ៉ាងច្រើន និងមានរូបរាងតូចច្រឡឹង ងាយស្រួលបំផុតក្នុងការដាក់ហោប៉ាវយកទៅតាមខ្លួន ដោយវាអាចធ្វើការងារ ដូច្នេះ វាក៏ជាផ្នែកសម្រាប់ការរស់នៅប្រចាំថ្ងៃរបស់យើងផងដែរ។
ប្រភព ៖ GearHungry