រាល់ថ្ងៃនេះ ជឿជាក់ថា ផលិតផល ដែលនៅក្បែរលោកអ្នករាល់ថ្ងៃ ហើយលោកអ្នក ក៏ប្រើប្រាស់ផលិតផលនេះ គ្រប់ពេលដែរ ប៉ុន្តែលោកអ្នកប្រាកដជាមិនដឹងថា ផលិតផលទាំងនោះ មានសមត្ថភាពប្លែក និងអត្ថប្រយោជន៍ច្រើនបែបនោះទេ។ ដូច្នេះ ដើម្បីចូលរួមចែករំលែកនូវព័ត៌មានទាំងនេះ ក្រុមការងារ Electronic World សូមធ្វើការបង្ហាញជូនដូចតទៅ៖
ប្រិយមិត្តមួយចំនួនប្រហែលជាធ្លាប់តែឃើញក្រុមហ៊ុនមួយចំនួនផលិតនូវស្រោមឬហៅថា Case ឬកាតាបយួរ សម្រាប់ផលិតផលកុំព្យួទ័រយួរដែ ប្រភេទ Macbook តែសម្រាប់ពេលនេះ យើងខ្ញុំសូមបង្ហាញពីស្រោមថ្មីមួយ ឬហៅថាជាកាតាបយួរថ្មី ដែលត្រូវបានផលិតសម្រាប់កុំព្យួទ័រប្រភេទ iMac ជាមួយនឹងសោភ័ណ្ឌភាពស្រស់ស្អាតមិនគួរឲ្យជឿ អ្វីដែលកាន់តែពិសេស គឺវាមានខ្សែសម្រាប់យួរបានថែមទៀតផង។
ក្រឡេកមកមើលកាបូបស្ពាយក្រោយដ៏ប្រណីត ចំនួន៣ ដែលក្រុមហ៊ុន Brevite បានធ្វើការរចនាម៉ូតប្រកបដោយភាពស៊ីវីល័យបំផុតសម្រាប់បំពេញតម្រូវការប្រើប្រាស់បានគ្រប់កាលះទេសះតែម្តង។ Brevitē Ultimate Commuter Backpack Collection ត្រូវបានផលិតចេញពីស្បែកសុទ្ធ មានសភាពជាប់ធន់ល្អ និងមានភាពងាយស្រួលក្នុងការទុកដាក់របស់របរ ពិសេសគឺអាចដាក់កុំព្យួទ័រយួរដៃបានរហូតដល់ 15 អ៊ីងឯណ្ណោះ។
ដំណើរកម្សាន្តកាន់តែរីករាយ និងមានន័យបំផុត សម្រាប់ប្រិយមិត្តដែលនិយមទេសចរណ៍ ជាមួយនឹងសាក់កាដូ Incase NoviCon ដែលត្រូវបានផលិតឡើងប្រកបដោយភាពទាន់សម័យ និងផ្តល់ភាពងាយស្រួលបំផុតសម្រាប់ប្រើប្រាស់ និងត្រូវបានបំពាក់នូវលក្ខណះពិសេសមួយចំនួនដូចជា មានដៃសម្រាប់អូស និងមានបំពាក់នូវមុខងារសម្រាប់សាកថ្មទូរស័ព្ទបាន ជាមួយនឹងថាមពលថ្មទំហំ 10,050 mAh ដែលជាទំហំធំមួយ ងាយស្រួលសាកថ្មឆាប់ពេញ និងមានមុខងារ Bluetooth និងកម្មវិធីសម្រាប់បញ្ជានិងការសុវត្ថិភាព NoviConnected ថែមទៀតផង។
អស់បារម្មណ៍ដោយសារតែភ្លេងការបូប ឬបាត់កាបូបទៀតឡើយ ព្រោះនៅពេលដែលលោកអ្នកមានបន្ទះ Chipolo Card នៅក្នុងកាបូបនោះ។ បន្ទះ Chipolo Card ត្រូវបានផលិតឡើងយ៉ាងពិសេស សម្រាប់ភ្ជាប់ជាមួយទូរស័ព្ទ ដើម្បីស្វែងរកនូវរបស់ដែលអ្នកបានដាក់ផលិតផលនេះជាប់ជាមួយ ពិសេសគឺកាបូបដៃ កាបូបលុយជាដើម ព្រោះតែបន្ទះមួយនេះ វាអាចបង្ហាញទីតាំងនៅលើទូរស័ព្ទដៃបានយ៉ាងច្បាស់បំផុត។ កាន់តែពិសេសគឺវាមិនជ្រាបទឹក និងមានថាមពលថ្ម អាចប្រើប្រាស់បានរហូតដល់ 1 ឆ្នាំឯណ្ណោ។
គ្រាន់តែចង់បញ្ជាក់ថា វាជារូបភាពដែលបង្ហាញពីប៊ិច ដែលមើលទៅប្លែកអស្ចារ្យ ប្រៀបបានទៅនឹងគ្រឿងយន្តហោះចម្បាំងមួយប្រភេទអីុចឹង។ S.T. Dupont Star Wars X-Wing Rollerball Pen មានមុខនាទីរហូតដល់13ប្រភេទខុសៗគ្នា និងមានមុខអាចផ្លាស់ប្តូរពីខ្មៅដៅទៅជាប៊ិច និងប៊ិចទៅខ្មៅដៃបានថែមទៀតផង៕
ពិតជាពិសេសមែន សម្រាប់នាឡិកាភ្ជាប់ជញ្ជាំងដ៏ប្រណិតមួយនេះ ដែលត្រូវបានផលិតឡើងជាមួយនឹងភាពច្នៃប្រឌិតសម្រាប់គេហដ្ឋានដែលស៊ីវីល័យ និងពោរពេញដោយប្រណិតភាពតែម្តង។ Sander Mulder Contnue Time Clock គឺជានាឡិកាភ្ជាប់ជញ្ជាំងមួយប្រភេទ ដែលមានសោភ័ណ្ឌភាពបំផុតសម្រាប់ភ្ជាប់នឹងជញ្ជាំង ផលិតឡើងប្រកបដោយភាពរឹងមាំបំផុតផងដែរ។
ទូតាំងសៀវភៅសម្រាប់បន្ទប់រៀនឯកជន ឬតាំងនៅក្នុងការិយាល័យគឺពិតជាមានភាពសាកសមបំផុត ជាមួយទូរ Bricks Bookcase ដោយសារតែវាត្រូវបានកែច្នៃយ៉ាងប្រណីត ប្រកបដោយភាពទាក់ទាញបំផុត។ ជាពិសេសងាយស្រួលក្នុងការតាំងសៀវភៅ ធន់ រឹុងមាុំ អាចទ្រទម្ងន់បានធ្ងន់ដែមទៀតផង។
