បើយើងក្រឡេកទៅមើលបច្ចេកវិទ្យានាពេលនេះ គឺកាន់តែធ្វើអោយមនុស្សកាន់តែងប់ងល់ នឹងកាន់តែងាយស្រួលពីមួយថ្ងៃទៅមួយថ្ងៃ។ ជាមួយនឹងវត្តមានកុំព្យូទ័រស៊េរីថ្មី ZenBook Flip 14 គឺពិតអស្ចារ្យបំផុត ព្រោះថា វាមានការរចនារូបរាងមិនមែនសាមញ្ញនោះទេ។ កុំព្យូទ័រនេះជាប្រភេទកុំព្យូទ័រយួរដៃ 2-in-1 ស្តើងបំផុតនៅក្នុងពិភពលោកដែលមានក្រាហ្វិកភ្លឺច្បាស់ ហើយអ្វីដែលកាន់តែពិសេសជាងនេះទៀតនោះវាមានទំងន់ស្រាល និងស្តើងដែលទាក់ទាញគួរឱ្យចង់ប្រើប្រាស់ជាទីបំផុត។ កុំព្យូទ័រស៊េរីថ្មីនេះអាចបត់បានកម្រិតដល់ទៅ 360 ដឺក្រេហើយវាជាប្រភេទ Touchscreen និងការទ្រទ្រង់ជាមួយនឹងប៊ិក ASUS Pen ថែមទៀត។
កុំព្យូទ័រយួរដៃស៊េរីថ្មីនេះ ប្រើប្រាស់នូវបន្ទះឈីប Intel Core i7 Quad-Core Processor ជំនាន់ទី 8 ក្រាហ្វិកកាតប្រភេទ NVIDIA GeForce MX150 ដែលផ្តល់នូវល្បឿនលឿនក្នុងការប្រើប្រាស់ទៅតាមតម្រូវការរបស់អ្នក។ លោកអ្នកអាចប្រើប្រាស់កុំព្យូទ័រនេះជាប្រភេទ Tablet Mode ដែលពិតជាទាក់ទាញខ្លាំងមិនធម្មតា និងស្ទាយ៍ទាន់សម័យបំផុតថែមទៀត។
ការរចនារូបរាងស្តើង ទាន់សម័យ និងបំពេញតម្រូវការរបស់អ្នកប្រើប្រាស់
កុំព្យូទ័រស៊េរីថ្មី ZenFone Flip 14 នេះមានកម្រាស់ស្តើង ទំងន់ស្រាល និងទាន់សម័យថែមទៀតផង។ វាប្រើប្រាស់នូវការរចនាពីលោហធាតុអាលុយមីញ៉ូមដែលមានកម្រាស់ត្រឹមតែ 13.9mm និងទំងន់ 1.4 គីឡូក្រាម ហើយវាមានអេក្រង់ទំហំដល់ទៅ 14 អ៊ីញសម្រាប់ការទស្សនាកម្រិតច្បាស់បំផុតថែមទៀត។ កុំព្យូទ័រនេះមានភាពទាក់ទាញ ទាន់សម័យ និងប្រណិតបំផុតជាមួយនឹងពីរពណ៌សម្រាប់ជ្រើសរើសគឺពណ៌មាស (Icicle Gold) និងពណ៌ប្រផេះ (Slate Grey) ផងដែរ។
កុំព្យូទ័រ ZenBook Flip 14 អាចធ្វើការកាច់បត់ដល់កម្រិត 360 ដឺក្រេហើយវាថែមទាំងអាចកាច់បត់ទៅតាមចំណង់ចំណូលចិត្តរបស់អ្នកប្រើប្រាស់ថែមទៀត។ លោកអ្នកអាចបត់កុំព្យូទ័រយួរដៃនេះទៅជា Tablets Mode បានថែមទៀត។ កុំព្យូទ័រនេះអាចធ្វើការកាច់បត់បើកបិទបានដល់ទៅ 20,000 ដងដោយគ្មានបញ្ហានោះទេ វាពិតជាធន់មែនទែនក្នុងការប្រើប្រាស់។
អេក្រង់ភ្លឺច្បាស់ជាមួយនឹងកញ្ចក់ NanoEdge Display
ជាមួយនឹងការប្រើប្រាស់អេក្រង់ទំហំ 14 អ៊ីញ NanoEdge Display នៅលើកុំព្យូទ័រ ZenBook Flip 14 ដែលមានស៊ុមព័ទ្ធអេក្រង់ស្តើង Ultrathin Bezel ដែលមានន័យថាវាមានទំហំធំក្នុងការទស្សនា។ កុំព្យូទ័រ ZenBook Flip 14 មានអេក្រង់ទំហំដល់ទៅ 80% ធៀបទៅនឹងតួខ្លួនរបស់វា ដូច្នេះលោកអ្នកអាចធ្វើការទស្សនាកាន់តែមានភាពជឿជាក់ និងសប្បាយរីករាយបំផុត។ អេក្រង់ NanoEdge Display នេះមានកម្រិតក្នុងការទស្សនា 178 ដឺក្រេ កម្រិតពណ៌ 100% sRGB និងបច្ចេកវិទ្យា ASUS Eye Care និងបច្ចេកវិទ្យា ASUS Tru2Life Video Technology ថែមទៀតផងដែលផ្តល់នូវភាពងាយស្រួលក្នុងការទស្សនា និងការកម្សាន្តដ៏អស្ចារ្យថែមទៀត។ មិនថាលោកអ្នកនៅខាងក្រៅក៏ដោយ បច្ចេកវិទ្យា ASUS TruVivid Technology នេះមានការពង្រឹងទៅលើកម្រិតនៃ Contrast និងការកាត់បន្ថយទៅលើពន្លឺផ្លាតនៅលើអេក្រង់ថែមទៀត។ ដូចនេះរូបភាពដែលអ្នកទទួលបានពិតជាស្រស់ស្អាត និងភ្លឺច្បាស់អស្ចារ្យជាទីបំផុត។
កម្លាំងម៉ាស៊ីនខ្លាំងក្លាក្នុងការប្រើប្រាស់គ្មានគូប្រៀប
កុំព្យូទ័រ ZenBook Flip 14 មានកម្លាំងម៉ាស៊ីនខ្លាំងក្លាជាមួយប្រព័ន្ធប្រតិបត្តិការ Windows 10 Pro នឹងបន្ទះឈីប Intel Core i7 Quad-Core Processor ជំនាន់ទី 8 ល្បឿន 3.7GHz ក្រាហិ្វកកាតកម្រិតខ្ពស់ NVIDIA GeForce MX150 ដែលមានល្បឿនលឿនជាងមុនដល់ទៅ 4 ដង រ៉េមផ្ទុកទិន្នន័យបណ្តោះអាសន្នទំហំ 16GB និងម៉េមូរីទំហំ 512GB PCle SSD ថែមទៀត។ នេះគឺជាកុំព្យូទ័រយួរដៃដែលមនុស្សជាច្រើនកំពុងទន្ទឹងរង់ចាំជានិច្ច។ មិនថាលោកអ្នកធ្វើការនៅលើឯកសារស្មុគស្មាញ ការកែប្រែទៅលើរូបភាព ការកែទៅលើវីដេអូ ឬការលេងហ្គេមនោះ កុំព្យូទ័រ ZenBook Flip 14 គឺជាជម្រើសដ៏ល្អបំផុតហើយលោកអ្នកអាចធ្វើកិច្ចការងារជាច្រើនដែលអ្នកនឹកស្មានមិនដល់ថែមទៀត។
អេក្រង់ Touchscreen រហ័សទាន់ចិត្ត
កុំព្យូទ័រ ZenBook Flip 14 ត្រូវរចនាយ៉ាងពិសេសជាមួយនឹងអេក្រង់កម្រិត 10-Point Multitouch Display ជាមួយនឹងកម្រិតសេនស័រខ្ពស់បំផុត។ ZenBook Flip 14 ទ្រទ្រង់នូវប៊ិក ASUS Pen ដែលលោកអ្នកអាចប្រើប្រាស់នៅក្នុងកម្រិត 1024 Pressure Levels ។ លោកអ្នកអាចប្រើប្រាស់ប៊ិក ASUS Pen ជាមួយនឹង Windows Ink Workspace ថែមទៀត។
ថាមពលថ្មខ្លាំងដែលអាចប្រើប្រាស់ពេញមួយថ្ងៃ
កុំព្យូទ័រ ZenBook Flip 14 មានកម្លាំងថាមពលខ្លាំងដល់ទៅ 57Whr Li-Polymer ដែលអាចប្រើប្រាស់បានរយៈពេលដល់ទៅ 13 ម៉ោងថែមទៀត។ កាន់តែពិសេសជាងនេះទៀត សម្រាប់ការបញ្ចូលថាមពលថ្មម្តងគឺមានរយៈពេល 60% ដោយចំណាយពេលវេលាត្រឹមតែ 49 នាទីប៉ុណ្ណោះ។ ការបញ្ចូលថាមពលថ្មនេះប្រើប្រាស់បច្ចេកវិទ្យា Fast Charging ថែមទៀត។
ក្តារចុច Keyboard & Touchpad និងប្រព័ន្ធស្កេនក្រយ៉ៅដៃ Fingerprint Scanner
កុំព្យូទ័រ ZenBook Flip 14 ប្រើប្រាស់នូវក្តារចុច Keyboard ដែលជាប្រភេទ Backlit Keyboard ដែលមានគម្លាត 1.4mm Key ដែលផ្តល់នូវភាពងាយស្រួលក្នុងការវាយតួអក្សរថែមទៀត។ កាន់តែពិសេសអស្ចារ្យជាងនេះថែមទៀត កុំព្យូទ័រនេះធ្វើការធានាសុវត្ថិភាពជាមួយនឹងបច្ចេកវិទ្យា Windows Hello Technology ហើយប្រព័ន្ធស្កេនក្រយ៉ៅដៃរបស់វាគឺនៅត្រង់ Touchpad តែម្តង។ លោកអ្នកមិនចាំបាច់ធ្វើការវាយបញ្ចូលនូវលេខសម្ងាត់ Password គ្រប់ពេលវេលានៅពេលធ្វើការ Login ថែមទៀត។ កុំព្យូទ័រនេះមានរន្ធដោតជាច្រើនដូចជា MicroSD Card Slot, 2 x USB 3.1 Gen 1, HDMI និង USB-C ថែមទៀត៕