ថ្មីៗនេះ ក្រុមហ៊ុនផលិតម៉ាស៊ីនកុំព្យូទ័រ Gaming Laptop ម៉ាកល្បីរបស់តៃវ៉ាន់ MSI បានប្រកាសយ៉ាងឱឡារឹកថា ខ្លួនបានចាប់ដៃគូសហការជាមួយក្រុមហ៊ុនបណ្តាញហ្គេមអនឡាញ ESL Pro League នៅក្នុងភាពជាដៃគូក្នុងការផ្គត់ផ្គង់នូវឧបករណ៍ហ្គេម និងម៉ាស៊ីនកុំព្យូទ័រសម្រាប់ព្រឹត្តិការណ៍ប្រកួត ESL Pro League 2018 នេះ ។ ESL Pro League គឺជាក្រុមហ៊ុនហ្គេមអនឡាញដ៏ធំបំផុត នៅក្នុងពិភពលោក ដែលមានជំនាញក្នុងការរៀបចំព្រឹត្តិការណ៍ប្រកួត CS:GO League។
សម្រាប់ការប្រគូត ESL Pro League 2018 នេះ គឺមានក្រុមកំពូលៗ មកពីទ្វីបអឺរ៉ុប អាមេរិកខាងជើង និងអាស៊ីដើម្បីធ្វើការប្រគូតគ្នាដណ្តើមយកប្រាក់រង្វាន់សរុបដល់ទៅ 2 លានដុល្លារអាមេរិក។ លោក Paul Brewer ដែលមានតួនាទីជា Global Vice President of Sponsorships របស់ ESL បានមានប្រសាសន៍ថា “យើងបន្តផ្តល់នូវបទពិសោធន៏ដ៏ល្អបំផុតមិនត្រឹមតែសម្រាប់អ្នកគាំទ្រប៉ុណ្ណោះទេថែមទាំងសម្រាប់គ្រប់ក្រុម និងកីឡាករដែលបានចូលរួមប្រកួតប្រជែងក្នុងព្រឹត្តិការណ៍របស់យើងផងដែរ។ លោកបន្ថែមទៀតថា “ភាពជាដៃគូរបស់យើងជាមួយក្រុមហ៊ុន MSI បាននាំមកនូវឧបករណ៍បច្ចេកវិទ្យាដែលមានគុណភាពខ្ពស់បំផុតសម្រាប់ព្រឹត្តិការណ៍ ESL One 2018 ហើយឥឡូវនេះពួកយើងបានបន្តសហការណ៍សម្រាប់ព្រឹត្តិការណ៍ ESL Pro League 2018 ជាថ្មីម្តងទៀត”។ ចំ
នែកលោក Sam Chern ដែលមានទូនាទី Global Marketing Assistant Vice President របស់ MSI បានមានប្រសាសន៍ដែរថា “ MSI គឺជាម៉ាកយីហោ Gaming Laptop ដែលផ្តល់នូវភាពជឿជាក់បំផុតដោយផ្តល់ជូននូវឧបករណ៍ និងម៉ាស៊ីនកុំព្យូទ័រ MSI Gaming Series ដែលមានគុណភាព និងសមត្ថភាពខ្ពស់បំផុតភ្ជាប់នូវបច្ចេកវិទ្យាទំនើបចុងក្រោយដែលទទួលស្គាល់យ៉ាងទូលំទូលាយ”។ ក្រុមកំពូលៗរបស់ eSport ដែលមានជំនាញខាងហ្គេមបានធ្វើការហ្វឹកហាត់ជារៀងរាល់ថ្ងៃនៅលើម៉ាស៊ីនកុំព្យូទ័រ MSI Gaming Laptop, Desktop និងឧបករណ៍ផ្សេងៗទៀតរបស់ MSI។ ដូច្នេះហើយទើបស្លាកយីហោ MSI ត្រូវបានគេទទួលស្គាល់កាន់តែខ្លាំងឡើងហើយបានក្លាយជាដៃគូសហការយ៉ាងជិតស្និតសម្រាប់ព្រឹតិ្តការណ៍ ESL Pro League 2018 ក្នុងការរៀបចំនូវម៉ាស៊ីនកុំព្យូទ័រហ្គេម និងឧបករណ៍ផ្សេងៗទៀត។ ក្នុងព្រឹត្តិការណ៍ ESL Pro League 2018 ក្រុមហ៊ុន MSI បានបញ្ចេញនូវផលិតថ្មីៗរបស់ខ្លួនជាច្រើនរួមមាន:
MSI Gaming Graphic Card
MSI GeForce® GTX 1070 Ti Titanium 8G និង GTX 1070 Ti GAMING 8G ជាក្រាហ្វិកាតដែលមានសមត្ថភាពខ្លាំងអស្ចារ្យបំផុតដោយពូកវាបានភ្ជាប់នូវបច្ចេកវិទ្យា TWIN FROZR VI Cooler ដែលជាបច្ចេកវិទ្យាជំនួយដល់កំលាំងម៉ាស៊ីនកុំព្យូទ័រអោយដំណើការបានកាន់តែរហ័សនៅពេលបើកប្រតិបត្តិការលេងហ្គេមគ្រប់ប្រភេទ។
MSI Gaming Motherboard
MSI បានផលិតចេញនូវ Gaming Motherboard ឬGaming Mainboard ដែលមានសមត្ថភាពខ្លាំងស៊េរី Z370 GAMING PRO CARBON AC។ Mainboard ស៊េរីថ្មីនេះត្រូវបានផលិតឡើងពីសារធាតុ Carbon និងមានការកំនត់ផ្លាស់ប្តូរការប្រើប្រាស់គ្មានដែនកំនត់ដោយប្រើនូវមុខងារ MSI Mystic Light។ វាមានសមត្ថភាពខ្លាំង ប្រតិបត្តិការបានលឿនរហ័សសម្រាប់ការអូសជាមួយកម្មវិធី និងហ្គេម។ វាភ្ជាប់មកជាមួយរន្ធភ្ជាប់ប្រភេទ MSI Turbo M.2 ដោយប្រើបបច្ចេកវិទ្យា M.2 Shield v2។ បច្ចេកវិទ្យានេះមានសមត្ថភាពក្នុងការទប់ស្កាត់ចរន្តភ្លើងខ្លាំង ការកើនកំដៅខ្លាំងនៅលើថាសរឹង NVMe-SSD និងជួយបង្កើនល្បឿនប្រតិបត្តិការរបស់ M.2 SSD នៅលើ Turbo M.2 និង M.2 Shield v2។
ម៉ាស៊ីនកុំព្យូទ័រ MSI Gaming Desktop
MSI Infinite X គឺជាកុំព្យូទ័រប្រភេទ Desktop ដែលត្រូវបង្កើតឡើងយ៉ាងពិសេសសម្រាប់អ្នកដែលនិយមលេងហ្គេម។ វាផលិតឡើងដោយស្របទៅតាមតម្រូវការចង់បានរបស់អ្នកប្រើប្រាស់ដែលនិយមការលេងហ្គេមម៉ាស៊ីន។ ម៉ាស៊ីនកុំព្យូទ័រ Gaming Desktop មួយនេះវាបំពាក់មកជាមួយនូវកំលាំងម៉ាស៊ីនខ្លាំងក្លាចុងក្រោយរបស់ក្រុមហ៊ុន Intel និងក្រាហ្វិកកាតចុងក្រោយរបស់ MSI។ ម៉ាស៊ីនរបស់វាដំណើរការលឿនរហស័ មានសំឡេងស្ងាត់ល្អ ដំណើរការយូរមិនងាយឡើងកំដៅដោយសារតែ MSI បានបំពាក់នូវបច្ចេកវិទ្យា Silent Storm Cooling 3។ ដូច្នេះនេះគឺជាម៉ាស៊ីនកុំព្យូទ័រ Gaming Desktop ដែល Gamer គ្រប់រូបប្រាថ្នាចង់បាន៕