នៅក្នុងពេលបច្ចុប្បន្ននេះ យើងរស់នៅក្នុងពិភពឌីជីថល ប៉ុន្តែក្រុមហ៊ុន Fujifilm បែជាធ្វើការបង្ហាញនូវកាមេរ៉ា SQUARE SQ6 ដែលជាប្រភទេ analog Camera ទៅវិញ។ កាមេរ៉ានេះ គឺមានរូបរាងស្រដៀងគ្នាទៅនឹងកាមេរ៉ា SQUARE SQ10 ដែលប្រកាសចេញកាលពីខែមុននេះដែរ។ កាមេរ៉ាថ្មីនេះ គឺមិនមែនជាប្រភេទឌីជីថលនោះទេ វាគឺជាកាមេរ៉ាប្រភទេ analog Instax camera ថ្មីមួយទៀតរបស់ក្រុមហ៊ុន Fujifilm។
ភាពប្លែកគ្នាពីកាមេរ៉ា SQ10 នឹង SQ6 គឺប្រើប្រាស់នូវ Format តែមួយប៉ុណ្ណោះគឺ Square ។ លក្ខណៈពិសេសរបស់កាមេរ៉ា SQUARE SQ6 គឺជាប្រភេទ Instagram-oriented camera ដែលលោកអ្នកអាចធ្វើការថតរូបភាពជាមួយនឹងស្មាតហ្វូនរបស់អ្នក ឬធ្វើការស្កេនវា ហើយធ្វើការកាត់វា និងធ្វើការ Upload វាជាការស្រេច។
សម្រាប់កាមេរ៉ា instax SQUARE SQ6 គឺមានការខ្វះខាតទៅលើផ្នែក Connectivity ដូចជា Wireless ដោយវាមិនមានភ្ជាប់ជាមួយនឹង digital viewfinder និងមិនមាន Data Storage នោះទេ។ ប៉ុន្តែកាមេរ៉ាថ្មីនេះ គឺមាននូវ Filters ដែលលោកអ្នកអាចធ្វើការជ្រើសរើសនូវពណ៌ដូចជាពណ៌ទឹកក្រូច ពណ៌ស្វាយ ឬពណ៌បៃតងនៅលើរូបភាពបានយ៉ាងងាយស្រួល។ ក្នុងនោះ ក៏មានការប្រើប្រាស់នូវ Macro និង Landscape Modes ផងដែរ ប៉ុន្តែមិនមានតម្លៃថ្លៃដូចជា Digital Cameras នោះទេ។ វត្តមានរបស់ Fujifilm instax SQUARE SQ6 ដែលមានរូបរាងតូចស្អាតនេះ គឺកំពុងតែទាក់ទាញអារម្មណ៍ខ្លាំងមែនសំរាប់យុវវ័យ៕