យោងតាមការចេញផ្សាយរបស់ Engadget.com បាននិយាយថា Razer Blade បានវិលត្រឡប់មកវិញហើយ ហើយមានថែមទាំងបំពាក់នូវមុខងារថ្មីៗជាច្រើនដែលអ្នកពិតជាចង់ដឹងអំពីកុំព្យូទ័រលេងហ្គេម Gaming ថNotebook ស៊េរីថ្មីឆ្នាំ 2018 នេះ។ ក្រុមហ៊ុននេះ មានការកែប្រែទៅលើការរចនារូបរាងរបស់កុំព្យូទ័រយួរដៃនេះ កាន់តែប្រសើរថែមទៀត។ Notebook នេះ មានអេក្រង់គែមស្តើងនៅលើអេក្រង់ទំហំ 14-inch screen ដែលបង្ហាញខ្លួនកាលពីពេលមុននេះ។ ពេលនេះ អេក្រង់របស់កុំព្យូទ័រនេះ មានទំហំដល់ទៅ 15.6-inch display ជាមួយនឹងស៊ុមព័ទ្ធអេក្រង់ស្តើងបំផុត។
សម្រាប់កុំព្យូទ័រ Razer Blade គឺជាប្រភេទកុំព្យូទ័រលេងហ្គេមដែលមានទម្ងន់ស្រាលនៅក្នុងឆ្នាំនេះ ដូចគ្នាទៅនឹងកុំព្យូទ័រ Gigabyte Aero 15X និង MSI's GS65 Stealth Thin ផងដែរ។ ដូចអ្វីដែលអ្នកបានរំពឹងទុកនោះ ក្រុមហ៊ុន Razer ប្រើប្រាស់នូវបន្ទះឈីប Core i7-8750H CPU ជំនាន់ទី 8 ជាមួយនឹងក្រាហ្វិកកាតប្រភេទ NVIDIA GTX 1060 ឬ 1070 Max-Q GPUs ។ សម្រាប់អេក្រង់របស់វា គឺមានជាប្រភេទ 1080p 60Hz or 144Hz panel ឬប្រភទ 4K multi-touch ។ នេះគឺជាលើកទីមួយហើយដែលក្រុមហ៊ុន Razer ធ្វើការប្រើប្រាស់នូវអេក្រង់ទំហំធំបែបនេះ ហើយវាមានទំងន់ 4.56 pounds សម្រាប់ប្រភេទ 1080p និងទម្ងន់ 4.73 pounds សម្រាប់ប្រភេទ 4K នោះ។
ក្រុមហ៊ុន Razer ក៏ធ្វើការប្រើប្រាស់នូវប្រព័ន្ធ vapor chamber cooler សម្រាប់ពង្រឹងទៅលើ GPU និង CPU ផងដែរ។ វាក៏មានការប្រើប្រាស់នូវកង្ហារដែលកាត់បន្ថយនូវសំឡេងរំខានថែមទៀត។ កុំព្យូទ័រស៊េរីថ្មីនេះមានការប្រើប្រាស់នូវតួខ្លួនធ្វើពីអាលុយមីញ៉ូម ហើយអេក្រង់របស់វាគឺជាប្រភេទ 100 % Adobe RGB និងការប្រើប្រាស់នូវក្តារចុច Blade's anti-ghosting keyboard ថែមទៀត។ កុំព្យូទ័រ Blade នេះមានតម្លៃ $1,899 នៅលើវេបសាយរបស់ក្រុមហ៊ុន Razer និងហាងលក់រាយផ្សេងនោះ។ សម្រាប់ម៉ូដែលនេះប្រើប្រាស់អេក្រង់ 60Hz 1080p screen និងក្រាហ្វិកកាតប្រភេទ GTX 1060 GPU ដែលមានកម្រិត 144Hz display និងក្រាហ្វិកកាន់តែលឿននោះ៕
