MSI ដែលជាក្រុមហ៊ុនឈានមុខគេនៅក្នុងផ្នែក Hardware សម្រាប់ការលេងហ្គេមនោះ បានធ្វើការបង្ហាញនូវកុំព្យូទ័រស៊េរីថ្មីរបស់ខ្លួនចំនួនពីរម៉ូដែលនៅក្នុងព្រឹត្តិការណ៍ Computex 2018 នោះគឺម៉ូដែល GF63 និង PS42 ។ សម្រាប់កុំព្យូទ័រស៊េរីថ្មីទាំងពីរនេះ គឺជាកុំព្យូទ័រយួដៃ មានគែមយ៉ាងស្រស់ស្អាតប្រភេទ edge-to-edge aesthetics ដែលធ្វើឱ្យវាមើលទៅគឺតូច និងមានទំងន់ស្រាលថែមទៀតផង។ សម្រាប់កុំព្យូទ័រ GS65 ជំនាន់មុននេះ ក្រុមហ៊ុនបច្ចេកវិទ្យា MSI ក៏បន្ថែមនូវស្តង់ដារថ្មីសម្រាប់កុំព្យូទ័រជំនាន់ថ្មីនេះជាប្រភេទ "Thin Bezel Gaming" ផងដែរ។ រហូតមកដល់ពេលនេះ MSI GF63 និង PS42 បានក្លាយជាផលិតផល ដែលមានការចាប់អារម្មណ៍នៅក្នុងព្រឹត្តិការណ៍ Computex 2018។
GF63: កុំព្យូទ័រលេងហ្គេមដែលមានទំងន់ស្រាលបំផុតក្នុងការប្រើប្រាស់
សម្រាប់ម៉ូដែលនៃកុំព្យូទ័រស៊េរីថ្មី GF63 ដែលធ្វើការប្រកាសបង្ហាញនៅក្នុងព្រឹត្តិការណ៍ Computex គឺមានអេក្រង់ទំហំ 15.6" ultra slim footprint ដែលមានគែមស្តើង និងមានទំងន់តិចជាង 2 Kg ។ នៅក្នុងការពង្រឹងទៅលើល្បឿនដំណើរការ និង DNA របស់ក្រុមហ៊ុន MSI នេះ កុំព្យូទ័រស៊េរីថ្មី GF63 ប្រើប្រាស់នូវបន្ទះឈីប Intel® Core™ i7 processor ជំនាន់ទី 8 និងក្រាហ្វិកកាតប្រភេទ NVIDIA® GeForce® GTX 1050 Ti graphics និងការប្រើប្រាស់ថាមពលថ្មបានរយៈពេល 7 ម៉ោងថែមទៀត។ កុំព្យុទ័រ GF63 ផ្តល់នូវបទពិសោធន៍ថ្មីសម្រាប់អ្នកលេងហ្គេមកាន់តែអស្ចារ្យថែមទៀត។
កុំព្យូទ័រស៊េរីថ្មីនេះប្រើប្រាស់នូវតួខ្លួនដែលមានអាលុយមីញ៉ូមជាមួយនឹងការប្រើប្រាស់ម៉ាកសញ្ញានាគក្រហម signature red dragon shield ហើយវាក៏ប្រើប្រាស់នូវប្រព័ន្ធ MSI Dragon Center 2.0 ដែលផ្តល់នូវការលេងហ្គេមកាន់តែអស្ចារ្យបំផុត។ កុំព្យូទ័រ GF63 នេះផ្តល់នូវល្បឿននៃការលេងហ្គេមមិនធម្មតានោះទេ។
PS42: កុំព្យូទ័រស៊េរីថ្មីដែលមានតួខ្លួនស្រស់ឆើតឆាយបំផុត
PS42 គឺជាកុំព្យូទ័រស៊េរីថ្មីដែលដាក់តាំងបង្ហាញនៅក្នុងស្តង់នៃក្រុមហ៊ុន MSI Computex ដែលមានតួខ្លួនពណ៌ប្រផេះយ៉ាងទាក់ទាញ។ វាស្ថិតនៅក្នុងប្រភេទនៃ “Prestige” Series ហើយកុំព្យូទ័រ PS42 នេះបង្ហាញអំពីលក្ខណៈពិសេសសម្រាប់កុំព្យូទ័រលេងហ្គេមត្រកូល MSI នោះ។ កុំព្យូទ័រនេះគឺមានទំងន់ 1.19 kg និងកម្រាស់ 15.9mm ខណៈពេលដែលវាអាចប្រើប្រាស់នូវថាមពលថ្មបានចំនួនច្រើនជាង 10 ម៉ោងថែមទៀត។ PS42 គឺប្រើប្រាស់នូវប្រព័ន្ធស្កេនក្រយ៉ៅដៃ fingerprint sensor សម្រាប់ប្រព័ន្ធសុវត្ថិភាព ក្រាហ្វិកកាតប្រភេទ NVIDIA® GeForce® discrete graphics និងបន្ទះឈីប Intel® Core™ i7 processor ជំនាន់ទី 8 ។ កុំព្យូទ័រ MSI PS42 គឺមានរូបរាងស្រស់ឆើតឆាយបំផុតក្នុងការប្រើប្រាស់។
ការពង្រីកសមត្ថភាពខ្លាំងជាងកុំព្យូទ័រលេងហ្គេម
ក្រុមហ៊ុន MSI ក៏មានការពង្រឹងទៅលើកម្មវិធី Software ថ្មីដែលមានឈ្មោះថា MSI APP Player ។ វាក៏មានការសហការជាមួយនឹង BlueStacks ខណៈពេលដែលកម្មវិធី MSI APP Player អាចធ្វើឱ្យការលេងហ្គេមកាន់តែអស្ចារ្យ និងភាពរីករាយបំផុត។ សម្រាប់អ្នកលេងហ្គេមតាមទូរស័ព្ទនឹងរីករាយជាមួយនឹងការលេងហ្គេមកាន់តែប្រសើរជាមួយអេក្រង់ទំហំធំ និងការគ្រប់គ្រងកាន់តែងាយស្រួលជាមួយនឹងការប្រើប្រាស់នូវក្តារចុច RGB keyboard lighting ថែមទៀត។ កុំព្យូទ័រលេងហ្គេមរបស់ក្រុមហ៊ុន MSI នេះនឹងប្រើប្រាស់នូវបច្ចេកវិទ្យា Killer Wireless xTend Technology ចុងក្រោយបំផុតដែលពង្រឹងទៅលើបណ្តាញ Network និងការលេងហ្គេមអនឡាញកាន់តែពិសេសថែមទៀត៕