សព្វថ្ងៃនេះ បច្ចេកវិទ្យា Bluetooth និង Wireless ត្រូវបានបំពាក់មកជាមួយនូវកាសស្តាប់ត្រចៀកម៉ូដែលថ្មីៗ ជាច្រើនរបស់ក្រុមហ៊ុន JBL ជាក់ស្តែងសម្រាប់កាសស្តាប់ម៉ូដែល JBL EVEREST™ 310 ក៏ត្រូវបានបំពាក់នូវបច្ចេកវិទ្យា Bluetooth សម្រាប់ភ្ជាប់ទៅកាន់ទូរស័ព្ទ ដើម្បីស្តាប់ការទំនាក់ទំនង និងស្តាប់តន្ត្រីកម្សាន្តអារម្មណ៍បានយ៉ាងរំភើយ ព្រោះតែ JBL EVEREST™ 310 បានបំពាក់មកជាមួយបច្ចេកវិទ្យាសម្លេង Legendary JBL Pro Audio Sound ដែលមានភាពល្បីល្បាញអស់ជាង 70 ឆ្នាំមកហើយនោះ មួយវិញទៀត គឺពាក់ព័ន្ធនឹងការសន្ទនា ដោយបានបំពាក់នូវបច្ចេកវិទ្យា Echo cancelling microphone ផ្តល់ជូននូវការសន្ទនាបានយ៉ាងច្បាស់ ដោយកាត់សម្លេងរំខានពីខាងក្រៅបានទាំងស្រុងតែម្តង។
និយាយជារួម សម្រាប់ JBL EVEREST™ 310 ក៏ត្រូវបានផលិតរូបរាងឲ្យកាន់តែមានភាពងាយស្រួលក្នុងការពាក់ជាប់នឹងត្រចៀក និងងាយស្រួលក្នុងការចុចបញ្ជាថែមទៀតផង ពិសេស JBL EVEREST™ 310 ក៏ត្រូវបានបំពាក់នូវបច្ចេកវិទ្យា ShareMe 2.0 technology ដែលអាចភ្ជាប់ទៅកាន់កាសមួយផ្សេងទៀត ដើម្បីស្តាប់កម្សាន្តជាមួយគ្នាបានថែមទៀតផង និងថែមទាំងមានថាមពលថ្មដែលគ្រាន់តែចំណាយពេលសាកថ្មត្រឹមតែ2ម៉ោង អាចស្តាប់បានរហូតដល់ 20 ម៉ោង ឯណ្ណោះ។