no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung Galaxy J4 រូបរាងស៊ីវិល័យ កាន់ពេញដៃ និងមានអេក្រង់ភ្លឺច្បាស់ងាយស្រួលនៅក្នុងការទស្សនា

Samsung Galaxy J4 គឺជាស្មាតហ្វូនស៊េរីថ្មីរបស់ក្រុមហ៊ុនបច្ចេកវិទ្យា Samsung ដែលទើបតែប្រកាសបង្ហាញខ្លួនថ្មីៗនេះនៅលើទីផ្សារ។ ស្មាតហ្វូននេះមានទម្ងន់ស្រាលងាយស្រួលកាន់ត្រឹមតែ 175g ហើយវាមានកម្រាស់ស្តើង 8.1mm តែប៉ុណ្ណោះ។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.0 ជាមួយនឹងការនាំយកនូវមុខងារសំខាន់ៗជាច្រើន ហើយអ្វីដែលកាន់តែពិសេសនោះស្មាតហ្វូននេះប្រើប្រាស់នូវថាមពលថ្មដល់ទៅ 3000mAh ប្រើប្រាស់បានតាមតម្រូវការរបស់អ្នកថែមទៀត។ ស្មាតហ្វននេះមានរូបរាងស្រស់ស្អាតជាមួយនឹងអេក្រង់ទំហំ 5.5 អ៊ីញ កាមេរ៉ាទំហំកាន់តែធំដល់ទៅ 13MP និងមុខងារសំខាន់ៗជាច្រើនទៀត។

ការរចនារូបរាងសាមញ្ញ ប៉ុន្តែទាក់ទាញ

Samsung Galaxy J4 មានការរក្សានូវការរចនារូបរាងមិនស្រស់ស្អាតខ្លាំងដូចស្មាតហ្វូនថ្នាក់ប្រណិតនោះទេ ប៉ុន្តែស្មាតហ្វូននេះមានភាពទាក់ទាញមែនទែន ។ បើធ្វើការក្រឡេកមើលទៅលើផ្នែកខាងមុខរបស់ស្មាតហ្វូននេះ គេសង្កេតឃើញថាស្មាតហ្វូននេះមានអេក្រង់ទំហំ 5.5 អ៊ីញរាបស្មើ ខណៈពេលដែលផ្នែកខាងលើនៃអេក្រង់គេសង្កេតឃើញមានភ្លើង Flash ឧបាល័របំពងសំលេង សេនស័រ និងកាមេរ៉ាខាងមុខនៅលើអក្សរថា SAMSUNG ។ នៅផ្នែកខាងក្រោមរបស់អេក្រង់នេះគេសង្កេតឃើញមានប៊ូតុង Multi-tasking ប៊ូតុង Home និងប៊ូតុងថយក្រោយផងដែរ។ ស្មាតហ្វូននេះមានគែមកោងនៅគ្រប់ជ្រុងទាំង 4 របស់វាតែម្តង។ 

ផ្នែកខាងក្រោយរបស់ស្មាតហ្វូននេះគឺជាសម្បកផ្លាស្ទិកដែលអាចធ្វើការដោះចេញបាន។ គេសង្កេតឃើញមានកាមេរ៉ារាងមូលទ្រវែងអមជាមួយនឹងភ្លើង Flash ហើយវាក៏មានរន្ធបំពងសំលេងនៅជាប់ទន្ទឹមនឹងកាមេរ៉ានេះផងដែរ។ ស្មាតហ្វូននេះក៏មានឡូហ្គូ SAMSUNG នៅខាងក្រោយថែមទៀត។ នៅគែមខាងស្តាំ គេសង្កេតឃើញមានប៊ូតុង Power សម្រាប់បិទបើកទូរស័ព្ទ ខណៈពេលដែលគែមខាងឆ្វេងគេសង្កេតឃើញមានប៊ូតុងឡើងចុះសំលេងថែមទៀត។ នៅផ្នែកបាតរបស់ស្មាតហ្វូននេះគឺមានការប្រើប្រាស់នូវរន្ធដោត microUSB 2.0 ។

អេក្រង់ភ្លឺច្បាស់ទាក់ទាញ និងកាមេរ៉ាស្រស់ស្អាត

ស្មាតហ្វូននេះមានវិមាត្រ 151.7 x 77.2 x 8.1 mm (5.97 x 3.04 x 0.32 in) ជាមួយនឹងទំងន់ 175 g (6.17 oz) និងតួខ្លួនធ្វើពីលោហធាតុ ហើយវាប្រើប្រាស់នូវស៊ីមពីរផងដែរ។ ស្មាតហ្វូននេះមានអេក្រង់ភ្លឺច្បាស់ Super AMOLED capacitive touchscreen ដែលមានការទ្រទ្រង់ដល់ទៅ 16 លានពណ៌។ អេក្រង់នេះមានទំហំ 5.5 inches ដែលស្មើនឹងទំហំ 71.2%  ធៀបទៅនឹងតួខ្លួនរបស់វា។ ស្មាតហ្វូននេះមានកម្រិតភាពច្បាស់ 720 x 1280 pixels ជាមួយនឹងកម្រិត 16:9 ratio ។

បើក្រឡេកទៅមើលប្រព័ន្ធកាមេរ៉ាស្មាតហ្វូននេះ ផ្នែកខាងក្រោយស្មាតហ្វូននេះមានទំហំ 13 MP (f/1.9, 28mm), AF, LED flash ហើយវាក៏មានការប្រើប្រាស់នូវប្រព័ន្ធជាច្រើនទៀតដូចជា Geo-tagging, touch focus, face detection, panorama, HDR ជាមួយនឹងការថតវីដេអូកម្រិត [email protected] ហើយកាមេរ៉ាខាងមុខរបស់ស្មាតហ្វូននេះមានទំហំ 5 MP, f/2.2, LED flash ។

កម្លាំងម៉ាស៊ីនខ្លាំងក្លា និងការតភ្ជាប់កាន់តែសម្បូរបែប

ស្មាតហ្វូនស៊េរីថ្មី Samsung Galaxy J4 នេះប្រើប្រាស់នូវប្រព័ន្ធប្រតិបត្តិការចុងក្រោយ Android 8.0 (Oreo) បន្ទះឈីប Exynos 7570 Quad ជាមួយនឹងអង្គគណនា Quad-core 1.4 GHz Cortex-A53 និងក្រាហ្វិកកាតប្រភេទ Mali-T720 MP2 ។ ស្មាតហ្វូននេះប្រើប្រាស់នូវរ៉េមទំហំ 2GB ម៉េមូរីទំហំ 16GB និងការបន្ថែមជាមួយនឹង microSD ទំហំ 256GB បានថែមទៀត។ ស្មាតហ្វូននេះមានការទ្រទ្រង់ទៅលើប្រព័ន្ធ Wi-Fi 802.11 b/g/n, Wi-Fi Direct, hotspot ប្រព័ន្ធ Bluetooth 4.2, A2DP, LE ប្រព័ន្ធ GPS និងរន្ធដោត microUSB 2.0 សម្រាប់ការបញ្ចូលថាមពលថ្ម និងការប្រើប្រាស់សេនស័រជាច្រើនដូចជា Accelerometer, proximity ។ ស្មាតហ្វូននេះ មានថាមពលថ្មទំហំ Li-Ion 3000 mAh ហើយវាមាន 3 ពណ៌សម្រាប់ធ្វើការជ្រើសរើសគឺពណ៌ខ្មៅ ពណ៌មាស និងពណ៌ Orchid Gray ៕

 

 

 

no-alternative title
ព័ត៌មានពាណិជ្ជកម្ម