នៅពេលដែលអ្នកគិតដល់ក្រុមហ៊ុន MSI ជឿជាក់ថា លោកអ្នកប្រហែលជាគិតអំពីកុំព្យូទ័រលេងហ្គេម ជាក់ជាមិនខាន ដោយសារតែផលិតផលរបស់ក្រុមហ៊ុននេះ ភាគច្រើន គឺផ្តោតលើតែ Game។ ថ្មីៗនេះ បន្ទាប់ពីមានការបង្ហាញខ្លួនរបស់កុំព្យូទ័រស៊េរីថ្មី MSI Prestige PS42 ឃើញថា គឺពិតជាប្លែក ព្រោះថា នេះគឺជាកុំព្យូទ័រដែលមានទំងន់ស្រាល ដែលគេហៅថា គឺជាប្រភេទកុំព្យូទ័រសម្រាប់អ្នកជំនួញដែលមានអេក្រង់ទំហំ 14-inch បង្កើតឡើងសម្រាប់ការសម្រេចជោគជ័យក្នុងការប្រើប្រាស់។
កុំព្យូទ័រថ្មីនេះ គឺមានរូបរាងធ្វើពីអាលុយមីញ៉ូមពណ៌ទឹកប្រាក់ ដែលមានកម្រាស់ស្តើងត្រឹមតែ 0.62-inch មើលទៅធ្ងន់ ប៉ុន្តែនៅពេលដែលអ្នកចាប់កាន់នោះ គឺពិតជាមិនធ្ងន់ដូចការគិតនោះទេ។ Prestige PS42 Ultrabook មានទំងន់ត្រឹមតែ 2.64 poundsប៉ុណ្ណោះ។ សម្រាប់ Keyboard នៅលើកុំព្យូទ័រ Prestige PS42 Ultrabook ថ្មីនេះ គឺជាពិតជាស្រស់ស្អាតណាស់ ហើយគ្រាប់ Keys នេះវិញ គឺវាយបានលឿនរហ័សមែនទែនក្នុងការប្រើប្រាស់។ នៅលើកុំព្យូទ័រនេះ មានការប្រើប្រាស់នូវ Touchpad ធ្វើពីទឹកប្រាក់ជាមួយនឹងប្រព័ន្ធ fingerprint reader របស់វាផងដែរ។ កុំព្យូទ័រនេះ ពិតជាមានទំងន់ស្រាលមែនទែនក្នុងការប្រើប្រាស់បើធៀបជាមួយនឹងកុំព្យូទ័រសព្វថ្ងៃដែលមានទំងន់ធ្ងន់នោះ។
Prestige PS42 Ultrabook ប្រើប្រាស់នូវរន្ធសម្រាប់តភ្ជាប់ទំនាក់ទំនងច្រើនដូចជាការប្រើប្រាស់នូវ USB Type-A ports ចំនួន 2 រន្ធដោត HDMI-out រន្ធដោត microSD card slot និងរន្ធដោត USB Type-C ports ចំនួន 2 ផងដែរ។ ក្រុមហ៊ុន MSI បានបញ្ជាក់ថា លោកអ្នកមិនអាចធ្វើការបញ្ចូលថាមពលថ្មទៅកាន់កុំព្យូទ័រនេះ បានទេតាមរយៈរន្ធដោត Type-C ports នោះ ប៉ុន្តែអ្នកអាចប្រើប្រាស់នូវខ្សែ AC adapter បាន។
កុំព្យូទ័រ PS42 ប្រើប្រាស់នូវបន្ទះឈីប Core i7 Intel U series CPU និងមានក្រាហ្វិកកាតប្រភេទ Nvidia MX150 ល្បឿនលឿន ព្រមទាំងមានអេក្រង់អាចទ្រទ្រង់នូវកម្រិតភាពច្បាស់ 1920x1080 IPS display ដែលមានការប្រើប្រាស់នូវពណ៌ sRGB color gamut 100% ហើយជាពិសេសវាក៏ប្រើប្រាស់ជាមួយនឹងបច្ចេកវិទ្យា Cooler Boost 3 thermal technology ដើម្បីកុំអោយកុំព្យូទ័រនេះ ឡើងក្តៅផងដែរ។ ក្រុមហ៊ុន MSI បានបញ្ជាក់យ៉ាងច្បាស់ថា កុំព្យូទ័រនេះ អាចប្រើប្រាស់បានរយៈពេលច្រើនជាង 10 ម៉ោងសម្រាប់ការបញ្ចូលថាមពលថ្មម្តង៕