ម្សិលមិញនេះ យើងបានដឹងអំពី SENA 30K ចំណែកថ្ងៃនេះ យើងនិយាយពី SENA 10Upad ដែលជាផលិតផលថ្មីមួយ មានសមត្ថភាពខ្ពស់ នៅក្នុងការបំពេញតម្រូវការប្រើប្រាស់របស់អ្នកបើកបរម៉ូតូ ពិសេសម៉ូតូធន់ធំ ដែលត្រូវការមួកដែលមានគុណភាព។
ផលិតផលមួយនេះ សម្រាប់ភ្ជាប់ជាមួយមួកផ្នែកខាងក្នុង សម្រាប់ការពារត្រចៀក និងត្រូវបានបំពាក់នូវបច្ចេកវិទ្យា Motorcycle Bluetooth Communication System ដោយភ្ជាប់ជាមួយបច្ចេកវិទ្យា Bluetooth 4.1 របស់ SENA ដែលមានមុខងារជាច្រើន នៅពេលបើកបរដូចជា ការស្តាប់តន្រ្តី ការស្តាប់ GPS, ហៅទូរស័ព្ទ ទទួលទូរស័ព្ទ និងអាចសន្ទនាជាមួយក្រុមអ្នកបើកបរ តាមរយះមុខងារ 4-way intercom ដោយអាចភ្ជាប់ជាមួយមួកការពារ HJC IS-17 and HJC IS-MAX2 helmets (Sizes S-XL) មានគុណភាព ងាយស្រួលពាក់ មិនធ្វើឲ្យឈឺត្រចៀកឡើយ ។
សមត្ថភាពថ្មរបស់ SENA 10U pad គឺអាចដំណើរការបានរហូតដល់ 10 ម៉ោង សម្រាប់ការសន្ទនា សម្រាប់ការភ្ជាប់គ្នាជាក្រុម និងទ្រទ្រង់ជាមួយកម្រិតសីតុណ្ហភាព Operating temperature: -10°C -55°C (14°F - 131°F) ធន់នឹងការប្រើប្រាស់ជាមួយមួកការពារ ផ្តល់ជូននូវកម្រិតសុវត្ថិភាពខ្ពស់ក្នុងការបើកបរម៉ូតូផងដែរ។