ស្របពេលដែរឆ្នាំ 2019 ជិតផុតហើយនោះ ថ្មីៗនេះមានព័ត៌មានពាក្យចចាមអារ៉ាមជាច្រើននៃកាមេរ៉ាស៊េរីថ្មីនឹងបង្ហាញខ្លួននៅក្នុងឆ្នាំ 2020។ ពាក្យចចាមអារ៉ាមមួយដែលអស្ចារ្យបំផុតនោះ គឺថា ក្រុមហ៊ុន Canon ត្រូវបានគេរាយការណ៍ថា នឹងបញ្ចេញនូវកាមេរ៉ាថ្មី EOS R-series របស់ខ្លួនដែលត្រូវគេហៅឈ្មោះថា Canon EOS Rs ។ ជាមួយនឹងវត្តមានរបស់កាមេរ៉ា Canon EOS R និងកាមេរ៉ា Canon EOS RP នេះ គឺបង្ហាញខ្លួនអស់រយៈពេលជាង 1 ឆ្នាំហើយ។
តាមការបញ្ជាក់នៅក្នុងគេហទំព័រ Canon Rumors បានអោយដឹងថា កាមេរ៉ា Canon EOS Rs ត្រូវគេដឹងថាមានទំហំសេនស័រ 75MP full frame CMOS sensor ដែលនេះគឺជាការបោះជំហានដ៏ធំចេញពីសេនស័រ 30.3MP sensor នៅលើកាមេរ៉ា Canon EOS R ។ សេនស័រនេះ គឺផ្តោតទៅលើ dynamic range ថែមទៀត។ ទោះជាយ៉ាងណាក៏ដោយនោះ សេនស័រនេះមិនមែនជាទិដ្ឋភាពសម្រាប់កាមេរ៉ា Canon EOS Rs នាពេលខាងមុខនោះទេ។ អ្នកថតរូបភាពអាជីពរបស់ក្រុមហ៊ុន Canon នៅគ្រប់ទីកន្លែងកំពុងតែរង់ចាំនូវកាមេរ៉ានេះ ខណៈពេលដែលកាមេរ៉ា Canon EOS Rs នេះ ត្រូវបានគេនិយាយថា នឹងមានរន្ធ dual card slots! ក្រុមហ៊ុន Canon អាចនឹងបញ្ចេញនូវកាមេរ៉ានេះសម្រាប់ត្រៀមថ្ងៃឈប់សម្រាកខាងមុខនេះ។
លក្ខណៈសម្បត្តិដែលគួរអោយចាប់អារម្មណ៍ជាច្រើនទៀត គឺមានភ្ជាប់ជាមួយនឹងបន្ទះឈីប DIGIC 9 processor, joystick ចេញពីកាមេរ៉ា EOS-1D X Mark III, កម្រិតភាពច្បាស់ EVF ធំជាង និងខ្ពស់ជាងកាមេរ៉ា EOS R ថែមទៀត។ កាមេរ៉ា Canon EOS Rs នឹងមានអេក្រង់ LCD និងសមត្ថភាពដូចទៅនឹងកាមេរ៉ា EOS R ថែមទៀត។ ទោះជាយ៉ាងណាក៏ដោយ អ្វីដែលយើងរំភើបបំផុតនោះគឺថាកាមេរ៉ា Canon EOS Rs នេះនឹងបង្ហាញខ្លួននៅក្នុងខែកុម្ភៈ ឆ្នាំ 2020 ខាងមុខនេះ។ កាលបរិច្ឆេទនេះ គឺល្អមែនទែនដោយសារតែវត្តមានរបស់វាគឺមុនព្រឹត្តិការណ៍ 2020 Olympics ។ នេះគឺមានន័យថា យើងនឹងឃើញអ្វីដែលថ្មីទៀតហើយនៅឆ្នាំក្រោយនេះ៕