ថ្មីៗនេះ ក្រុមហ៊ុន ASUS បានបង្ហាញនូវ ZenScreen ដែលជាម៉ូនីទ័រនៅក្នុងស៊េរីដែលលក់ដាច់បំផុតរបស់ពិភពលោក។ ការប្រកាសនេះ គឺផ្អែកទៅលើរបាយការណ៍មួយរបស់ក្រុមហ៊ុនវិភាគនាំមុខគេ IHS Markit ដែលរកឃើញថា ម៉ូនីទ័រ ASUS នេះគឺមានប្រហែលជា 64% នៃការនាំចេញរបស់ពិភពលោកនៅក្នុងរយៈពេល 3 ត្រីមាសនៅក្នុងឆ្នាំ 2019 នេះ។
ការនាំមុខនៅក្នុងទីផ្សារម៉ូនីទ័រដែលកំពុងតែមានការកើនឡើងខ្លាំង ៖ តាមការបញ្ជាក់របស់ក្រុមហ៊ុន IHS Markit នោះ អ្នកប្រើប្រាស់ជាច្រើនបានដឹងអំពីសារៈសំខាន់នៃម៉ូនីទ័រ ការនាំចេញសរុបរបស់ពិភពលោក គឺមានការកើនឡើង 46% នៅក្នុងឆ្នាំ 2019 នេះ។ នៅក្នុងឆ្នាំ 2020 នេះ ការនាំចេញនេះគឺត្រូវបានគេព្យាករណ៍ថានឹងមានការកើនឡើងដល់ទៅ 27% ។ នៅក្នុងពេលដែលទីផ្សារនេះ មានការកើនឡើងដែលគួរអោយកត់សម្គាល់នោះ ក្រុមហ៊ុន ASUS នៅតែនាំមុខគេសម្រាប់ទីផ្សារម៉ូនីទ័រនេះ។ តាមការបញ្ជាក់របស់ក្រុមហ៊ុន លក់រាយអនឡាញជាច្រើនដ៏កំពូលនៅក្នុងសហរដ្ឋអាមេរិក អ៊ឺរ៉ុប មជ្ឈឹមបូព៌ា និងអាហ្វិ្រកនោះ ក្រុមហ៊ុន ASUS គឺទទួលបាននូវចំណាត់ថ្នាក់លេខ 1 នៅក្នុងការលក់ម៉ូនីទ័រដែលចាប់ផ្តើមតាំងពីឆ្នាំ 2013 ជាមួយនឹងការបង្ហាញនូវម៉ូនីទ័រដែលមានរន្ធ USB ដំបូងបំផុតនោះគឺ MB168B ។
នៅក្នុងឆ្នាំ 2016 នេះ ក្រុមហ៊ុន ASUS ក៏បញ្ចេញនូវ MB169C+ ដែលជាម៉ូនីទ័រដំបូងបំផុតរបស់ពិភពលោកដែលមានភ្ជាប់ជាមួយនឹង USB Type-C (USB-C) connectivity សម្រាប់ធ្វើការបញ្ជូនថាមពល និងរលកសញ្ញាវីដេអូតាមរយៈខ្សែ USB-C នេះ។ នៅក្នុងឆ្នាំ 20117 នេះ ក្រុមហ៊ុន ASUS ក៏ប្រកាសបង្ហាញនូវ ZenScreen series ដែលមាន ZenScreen MB16AC ដែលមានរូបរាងស្រាលបំផុត និងស្តើងបំផុតក្នុងការប្រើប្រាស់។ វាជាម៉ូនីទ័រដែលមានអេក្រង់ទំហំ 15.6-inch FHD ។ វាគឺជាម៉ូនីទ័រដំបូងបំផុតដែលមានភ្ជាប់ជាមួយនឹងដំណោះស្រាយ hybrid-signal ជាមួយនឹងការទ្រទ្រង់ទៅលើ USB-C និង USB Type-A connectors។ នៅក្នុងឆ្នាំ 2018 នេះ ក្រុមហ៊ុនASUS ក៏បញ្ចេញនូវ ZenScreen Go MB16AP ដែលជាម៉ូនីទ័រស្តើងបំផុតជាមួយនឹងថាមពលថ្មនៅក្នុងនេះ។ នៅក្នុងឆ្នាំ 2019 នេះ ក្រុមហ៊ុន ASUS ក៏បញ្ចេញនូវ ZenScreen Touch MB16AMT ដែលជាម៉ូនីទ័រដំបូងបំផុតដែលមានភ្ជាប់ជាមួយនឹងមុខងារ multitouch និងថាមពលថ្មនៅក្នុងនេះតែម្តង។
ផលិតភាពការងារក្នុងការប្រើប្រាស់
ម៉ូនីទ័រ ZenScreen នេះគឺត្រូវបានឌីស្សាញឡើងសម្រាប់ធ្វើការបង្កើនទៅលើផលិតភាពការងារ និងបទពិសោធន៍នៃការកម្សាន្តយ៉ាងសម្បូរបែបបំផុត ហើយការឌីស្សាញរូបរាងរបស់វាពិតជាមានភាពងាយស្រួលក្នុងការចល័តបានគ្រប់ទីកន្លែង និងសក្តិសមបំផុតក្នុងការប្រើប្រាស់។ អ្នកប្រើប្រាស់កុំព្យូទ័រជាច្រើនអាចធ្វើការបង្កើនទៅលើផលិតភាពការងារ និងងាយស្រួលបំផុតក្នុងការប្រើប្រាស់ ហើយអ្នកប្រើប្រាស់ស្មាតហ្វូនជាច្រើនអាចប្រើប្រាស់នូវអេក្រង់ធំនេះបានយ៉ាងត្រជាក់ភ្នែកបំផុត។ ZenScreen នេះផ្តល់អោយអ្នកកែរូបភាពអាចធ្វើការកែប្រែរូបភាពនិងវីដេអូបានយ៉ាងងាយស្រួល។ សម្រាប់គ្រប់ម៉ូឌែលនៃម៉ូនីទ័រ ZenScreen នេះគឺមានអេក្រង់ 15.6-inch IPS displays ជាមួយនឹងកម្រិតភាពច្បាស់ FHD ហើយវាក៏មានការតភ្ជាប់ជាមួយនឹងមុខងារ HDMI connectivity, 10-point multitouch ថាមពលថ្មនៅខាងក្នុង រន្ធដោត USB-C connectivity និងលក្ខណៈពិសេសជាច្រើនទៀត។
ម៉ូនីទ័រដែលឌីស្សាញយ៉ាងល្អបំផុតក្នុងការលេងហ្គេម
ក្រុមហ៊ុន ASUS ក៏ធ្វើការពង្រីកទៅលើម៉ូនីទ័រដែលមានការឌីស្សាញឡើងសម្រាប់ការកម្សាន្ត និងបំពេញនូវតម្រូវការរបស់អ្នកលេងហ្គេមជាច្រើនដែលចង់ទទួលបាននូវបទពិសោធន៍ដ៏អស្ចារ្យបំផុតក្នុងការលេងហ្គេមនោះ។ សម្រាប់ម៉ូនីទ័រ ROG Strix XG17 ស៊េរីថ្មីក៏ជាអេក្រង់លេងហ្គេមដែលមានទំហំ 17.3-inch IPS FHD ជាមួយនឹងកម្រិត 240 Hz refresh rate និង 3 ms response time ដែលអាចប្រើប្រាស់បានរយៈពេល 3.5 ម៉ោងជាមួយនឹងថាមពលថ្មនៅក្នុងនោះស្រាប់សម្រាប់កម្រិត 240 Hz240 Hz ក្នុងការបញ្ចូលថាមពលថ្មម្តងនោះ។ សម្រាប់បច្ចេកវិទ្យាបញ្ចូលថាមពលថ្មលឿន Quick-charge technology អនុញ្ញាតអោយអ្នកបញ្ចូលនូវថាមពលថ្មរបស់ត្រឹមមតែ 1 ម៉ោងប៉ុណ្ណោះ។ វាក៏មានបច្ចេកវិទ្យា adaptive-sync technology ដែលប្រតិបត្តិនៅក្នុងកម្រិត 48–240 Hz ថែមទៀត។ XG17 អាចប្រើប្រាស់បានជាមួយនឹង ROG Tripod ដែលជាជើងទម្ររសម្រាប់អ្នកលេងហ្គេមជាច្រើនដើម្បីធ្វើអោយអេក្រង់ XG17 នេះល្អបំផុតក្នុងការទស្សនា និងប្រើប្រាស់បំផុត។
បទពិសោធន៍ដ៏អស្ចារ្យនៃម៉ូនីទ័រ ZenScreen
ដើម្បីធ្វើការអបអរនូវវត្តមានរបស់ម៉ូនីទ័រថ្មីរបស់ក្រុមហ៊ុន ASUS នេះ ក្រុមហ៊ុន ASUS ក៏កំពុងតែធ្វើការផ្សព្វផ្សាយនៅលើបណ្តាញសង្គមចាប់ពីថ្ងៃទី 16 ខែមីនា ឆ្នាំ 2020 នេះដល់ថ្ងៃទី 5 ខែមេសា ឆ្នាំ 2020 នេះ។ អ្នកប្រើប្រាស់ម៉ូនីទ័រ ZenScreen អាចធ្វើការចែករំលែកនូវបទពិសោធន៍របស់ពួកគេនៅលើ Facebook, Instagram ឬ Twitter ដោយប្រើប្រាស់នូវ #TeamZenScreen hashtag ដើម្បីមានឱកាសអាចឈ្នះនូវ ZenBeam S2 portable projectors ចំនួន 3។ សម្រាប់អ្នកដែលមិនទាន់ទទួលបាននូវម៉ូនីទ័រ ZenScreen នេះគឺអាចមានឱកាសក្នុងការឈ្នះនូវម៉ូនីទ័រ ZenScreen MB16ACE មួយនៅក្នុងចំណោម 3 គ្រឿងតាមរយៈការបង្ហោះនៅលើបណ្តាញសង្គម Facebook, Instagram ឬ Twitter តាមរយៈការចែករំលែករបស់ពួកគេអំពីការប្រើប្រាស់នូវ ZenScreen ជាមួយនឹងការបង្ហោះដោយភ្ជាប់នូវ tag ដាក់ថា #TeamZenScreen hashtag ៕
