ថ្មីៗនេះ ក្រុមហ៊ុន MSI បានប្រកាសចញនូវព័ត៌មានថ្មីថា ខ្លួនបានផ្តល់នូវកុំព្យូទ័រយួរដៃរបស់ខ្លួនជំនាន់ថ្មីនូវបន្ទះឈីប Intel Core ជំនាន់ទី 10 ជាមួយនឹងបន្ទះឈីប H-Series processors ស៊េរីថ្មីបំផុតសម្រាប់កុំព្យូទ័រយួរដៃជំនាន់ថ្មី ដែលមានដូចជា GS 66 Stealth, GE66 Raiderនិង Creator 17។ ក្រុមហ៊ុនបានបញ្ជាក់ថា កុំព្យូទ័រយួរដៃពីរម៉ូឌែល នៅក្នុងចំណោម 3 ម៉ូឌែលនេះ គឺមានភ្ជាប់ជាមួយនឹងបន្ទះឈីប Core i9-10980HK CPU ថ្មីរបស់ក្រុមហ៊ុន Intel និង single-core Turbo Boost ដែលមានល្បឿនដល់ទៅ 5.3GHz។
កុំព្យូទ័រ MSI GE66 Raider
កុំព្យូទ័រយួរដៃលេងហ្គេម GE66 Raider នេះ គឺមានរូបរាងស្រស់ស្អាតទាន់សម័យ និងមានអេក្រង់ទំហំ 15.6 អ៊ីង នឹងមានការតួខ្លួនអាលុយមីញ៉ូម និងភ្លើងរបារ light bar ដែលមានពណ៌ច្រើនចម្រុះគ្នាយ៉ាងស្រស់ស្អាតបំផុត។ អេក្រង់ IPS នេះ គឺមានកម្រិតភាពច្បាស់ Full HD ជាមួយនឹងកម្រិត 300Hz refresh rate។ ម៉ាស៊ីនថ្មីនេះ គឺមានប្រើប្រាស់នូវបន្ទះឈីប Comet Lake-H processor ជំនាន់ទី 10 និងមានភ្ជាប់ជាមួយនឹង RGB gaming keyboard របស់ក្រុមហ៊ុន SteelSeries ថែមទៀតផង។ បន្ថែមពីនេះទៀត ម៉ាស៊ីននេះ ក៏មានប្រើប្រាស់នូវ NVMe M.2 SSD PCIe Gen3 slot និង SATA-SSD slot ផងដែរ។ សម្រាប់ក្រាហ្វិកកាតរបស់វា គឺជា NVIDIA’s GeForce RTX 2080 SUPER និងថាមពលថ្មទំហំ 99.9 Whr ។ ក្រុមហ៊ុន MSI បាននិយាយថា កុំព្យូទ័រ GE66 Raider ថ្មីនេះ នឹងដាក់លក់នៅថ្ងៃទី 15 ខែមេសា ឆ្នាំ 2020 នេះជាមួយនឹងតម្លៃ $1,799 ។
កុំព្យូទ័រ MSI GS66 Stealth
គោលដៅសំខាន់របស់ក្រុមហ៊ុន Intel ជាមួយនឹងបន្ទះឈីប H-Series ជំនាន់ទី 10 នេះ គឺផ្តោតទៅលើម៉ាស៊ីនលេងហ្គេម Notebook ។ នេះមានន័យថា ម៉ាស៊ីនកុំព្យូទ័រនេះ ល្អឥតខ្ចោះបំផុតសម្រាប់បំពេញនូវតម្រូវត្រូវការរបស់អ្នកប្រើប្រាស់នោះ។ សម្រាប់ Creators នោះ កុំព្យូទ័រយួរដៃ GS66 Stealth នេះប្រើប្រាស់នូវបន្ទះឈីប Core i9 processor ហើយវាមានអេក្រង់ទំហំ 15.6 អ៊ីង Full HD ជាមួយនឹងកម្រិត 300Hz refresh rate។ នៅក្នុងម៉ាស៊ីននេះ គឺមានថាមពលថ្មទំហំដល់ទៅ 99.9 Whr រួមជាមួយនឹងប្រព័ន្ធត្រជាក់ Cooler Boost Trinity+ cooling system និងស្លាបកង្ហារ 0.1mm ថែមទៀតផង។ វាក៏មានភ្ជាប់ជាមួយនឹង Thunderbolt 3 និងការបញ្ចូនទិន្នន័យនៅក្នុងល្បឿន 40Gbps និងការទ្រទ្រង់នូវអេក្រង់កម្រិត8K ថែមទៀត។ កុំព្យូទ័រនេះគឺដាក់លកនៅថ្ងៃទី 15 ខែមេសាខាងមុខនេះនៅក្នុងតម្លៃ $1,599 ។
កុំព្យូទ័រ MSI Creator 17
កុំព្យូទ័រទី 3 ដែលទទួលបាននូវការអាប់ដេតរបស់ក្រុមហ៊ុន MSI នេះគឺជាកុំព្យូទ័រ Creator 17 ហើយវា គឺល្អប្រើប្រាស់សម្រាប់ creators ជាជាងសម្រាប់អ្នកលេងហ្គេម។ វាអាចប្រើប្រាស់ជាមួយនឹងបន្ទះឈីប Core i7-10875H processor ជំនាន់ទី 10 ជាមួយនឹង 8 core, 16 thread chip ដែលក្រុមហ៊ុន Intel ធ្វើការឌីស្សាញឡើងសម្រាប់ content-creators ថែមទៀត។ វាមានអេក្រង់ទំហំ 17.3 អ៊ីង UDH 3840x2160 ហើយនេះគឺជាកុំព្យូទ័រដំបូងបំផុតដែលមានអេក្រង់ Mini LED ។ នេះមានន័យថា វាមានកម្រិតស្តង់ដារ Display HDR 1000 standards ជាមួយនឹងកម្រិតពន្លឺច្បាស់ដល់ទៅ 1,000 nits ។ ក្រុមហ៊ុន MSI ធ្វើការឌីស្សាញកុំព្យូទ័រនេះ ដែលមានកម្រាស់ត្រឹមតែ 0.8 អ៊ីង ហើយវាមានទម្ងន់ត្រឹមតែ 5.5 ផោន។កុំព្យូទ័រនេះនឹងដាក់លក់នៅថ្ងៃទី 15 ខែមេសានេះនៅក្នុងតម្លៃ $1,799 ៕
