MSI GS66 Stealth គឺជាកុំព្យូទ័រស៊េរិថ្មីដែលមានរូបរាងតូចស្រស់ស្អាត និងងាយស្រួលក្នុងការចល័តមែនទែន។ វាភ្ជាប់ជាមួយនឹងបន្ទះឈីប Intel® Core™ i7 processor ជំនាន់ទី 10 និងក្រាហ្វិកកាត NVIDIA® GeForce RTX 2060 ថែមទៀត។ ដើម្បីបញ្ចេញនូវសក្តានុពលកាន់តែខ្លាំងក្លាបំផុតនោះ វាមានភ្ជាប់ជាមួយនឹងបច្ចេកវិទ្យាផ្តាច់មុខ Cooler Boost Trinity+ ជាមួយនឹងកម្រាស់នៃលំហូរខ្យល់ត្រឹមតែ 0.1 mm ប៉ុណ្ណោះ។ កុំព្យូទ័រនេះមានថាមពលថ្មទំហំ 99.9Whr ជាមួយនឹងកម្រិតអេក្រង់ 240Hz refresh rate ដែលបង្កើននូវសមត្ថភាពនៃការលេងហ្គេមយ៉ាងរលូនបំផុត។
GS66 Stealth ដំណើរការនូវប្រព័ន្ធប្រតិបត្តិការ Windows 10 Home / Windows 10 Pro ។ វាមានបន្ទះឈីប Intel® Core™ i7 processor ជំនាន់ទី 10 ក្រាហ្វិកកាត GeForce RTX 2060 ជាមួយនឹងស្ថាបត្យកម្ម Max-Q Design ចុងក្រោយបំផុតរបស់ខ្លួន។ វាមានអេក្រង់ 15.6" Full HD (1920x1080), 240 Hz, IPS-level gaming display ជាមួយនឹងថាមពលថ្មទំហំ 99.9Whr និងបច្ចេកវិទ្យា Cooler Boost Trinity+ ថែមទៀត។ កុំព្យូទ័រ MSI ថ្មីនេះគឺមាន Dragon Center ដែលមាន Gaming Mode ជាច្រើន និងក្តារចុច Per-Key RGB gaming keyboard របស់ក្រុមហ៊ុនSteelSeries។
ភាពស្រស់ស្អាតជាមួយនឹងពណ៌ខ្មៅ Core Black និងថាមពលថ្មប្រើប្រាស់បានយូរ
កុំព្យូទ័រ GS66 Stealth នេះមានការឌីស្សាញពណ៌ខ្មៅជាមួយនឹងតួខ្លួនរឹងមាំ និងល្អបំផុតក្នុងការប្រើប្រាស់ប្រចាំថ្ងៃថែមទៀត។ កុំព្យូទ័រ GS66 Stealth នេះ មិនត្រឹមតែជាកុំព្យូទ័រដែលមានកម្លាំងម៉ាស៊ីនខ្លាំងក្លាប៉ុណ្ណោះទេ ប៉ុន្តែវាក្លាយជា Tool មួយដ៏សំខាន់ដែលផ្តល់នូវភាពជឿជាក់នៅក្នុងការលេងហ្គេមប្រកបដោយភាពស្ទាត់ជំនាញបំផុត។ កុំព្យូទ័រនេះ គឺមានថាមពលថ្មធំទំហំ 99.9Whr ដែលអាចប្រើប្រាស់បានយូរជាងមុន។
បន្ទះឈីបដ៏ខ្លាំងក្លា Intel® Core i7 Processor ជំនាន់ទី 10
ក្រុមហ៊ុន MSI បានបំពាក់នូវបន្ទះឈីបចុងក្រោយបំផុត Intel® Core i7 Processor ជំនាន់ទី 10 ដើម្បីសម្រួលដល់ការងារ Multitasking និងការលេងហ្គេមដែលមានក្រាហ្វិកធំៗ ព្រោះថាវាទ្រទ្រង់កម្រិតហ្វ្រេកង់ Single Core ដល់ទៅ 5.3 Ghz ដែលអ្នកអាចរីករាយក្នុងការលេងហ្គេមយ៉ាងល្អបំផុតគ្មានគូប្រៀប និងផ្តល់នូវថាមពលខ្លាំងក្លាដែលអ្នកអាចបង្ហាញនៅក្នុងការលេងហ្គេមដ៏ពិតប្រាកដរបស់អ្នកបាន។
ក្រាហ្វិក Nvidia GeForce® RTX SUPER™ Series ដ៏រលូនក្នុងការប្រើប្រាស់
សម្រាប់ក្រាហ្វិកកាត GeForce® RTX SUPER™ Series នេះ គឺមានបន្ទះ Cores និង Clocks ដែលមានល្បឿនលឿនខ្លាំងក្លាមែនទែនបើធៀបជាមួយនឹងក្រាហ្វិកកាតជំនាន់មុនៗ។ អ្នកអាចមើលឃើញនូវការលេងហ្គេមរបស់អ្នកកាន់តែលឿន និងអស្ចារ្យទាក់ទាញបំផុត។ បន្ថែមពីនេះទៀតនោះ ក្រាហ្វិកកាតនេះ គឺមានភ្ជាប់ជាមួយនឹងម៉េមូរីកម្រិតខ្ពស់ កម្លាំងម៉ាស៊ីនខ្លាំងក្លា និងបច្ចេកវិទ្យាជាច្រើនទៀតដែលពិតជាមិនធម្មតានោះទេ។
ប្រព័ន្ធសំឡេងជាមួយនឹង DUO WAVE SPEAKER
សម្រាប់គុណភាពសំឡេង និងប្រព័ន្ធអូឌីយ៉ូរបស់កុំព្យូទ័រនេះ មានភ្ជាប់ជាមួយនឹង Duo Wave Speaker នៅផ្នែកខាងមុខរបស់ក្រុមហ៊ុន MSI នៅក្នុងប្រព័ន្ធ Dynaudio sound system ដ៏ល្អឥតខ្ចោះនេះ។ កាន់តែពិសេសជាងនេះទៀតនោះ ប្រព័ន្ធសំឡេងរបស់វាគឺមានបាសលឺច្បាស់ និងពិរោះបំផុត។ លោកអ្នកនឹងរីករាយជាមួយនឹងសំឡេងដ៏អស្ចារ្យរបស់កុំព្យូទ័រនេះ។
ប្រព័ន្ធត្រជាក់ជាមួយនឹងបច្ចេកវិទ្យា Cooler Boost Technology
សម្រាប់បច្ចេកវិទ្យា Cooler Boost Technology ផ្តាច់មុខរបស់ក្រុមហ៊ុន MSI នេះគឺធ្វើការធានាទៅលើការបញ្ចេញនូវកំដៅបានយ៉ាងល្អបំផុត។ វាមានការរចនានូវកង្ហារដែលមានកម្រាស់ស្តើងបំផុតត្រឹមតែ 0.1 mm របស់ពិភពលោក ហើយវាក៏មានបច្ចេកវិទ្យា Cooler Boost Trinity+ ជំនួយទៅលើប្រព័ន្ធលំហូរចេញចូលនៃខ្យល់ និងការផ្តល់នូវបទពិសោធន៍នៃការលេងហ្គេមដ៏ល្អបំផុតគ្មានគូប្រៀបនោះទេ។ បច្ចេកវិទ្យានេះ គឺមានកង្ហារចំនួន 3 រន្ធបំភាយកំដៅចំនួន 7 ដែលអាចបង្កើននូវលំហូរនៃខ្យល់បានល្អជាងមុនដល់ទៅ 15%។
Per-key RGB Gaming Keyboard របស់ក្រុមហ៊ុន Steelseries និងអេក្រង់ភ្លឺច្បាស់
សម្រាប់ Key នីមួយៗគឺងាយស្រួលក្នុងការប្រើប្រាស់សម្រាប់ធ្វើការវាយអត្ថបទ ការសរសេរ និងការលេងហ្គេមថែមទៀត។ វាក៏មានពន្លឺនៅលើ Keyboard ឬអ្នកអាចមើលភ្លើងនេះរាំទៅតាមភ្លេងដែលអ្នកចូលចិត្ត។ បើនិយាយអំពីអេក្រង់របស់កុំព្យូទ័រនេះគឺមានកម្រិតដល់ទៅ 240Hz refresh rate ដែលមានល្បឿននៃការឆ្លើយតបលឿនជាងមុនដល់ទៅ 5 ដងផងដែរ។ កាន់តែពិសេសជាងនេះទៀត កុំព្យូទ័រនេះ អាចភ្ជាប់ទៅកាន់ម៉ូនីទ័រចំនួន 3 តាមរយៈរន្ធ HDMI និង Thunderbolt 3 ហើយវាមានកម្រិតភាពច្បាស់ដល់ទៅ 8K ថែមទៀតផង។
ខាងក្រោមនេះ គឺជាលក្ខណះសម្បត្តិទូទៅនៃ MSI GS66 Stealth
MSI GS66 Stealth កុំព្យូទ័រយួដៃ មានរាងស្អាត ពោរពេញដោយអំណាចថាមពល បានមកដល់ស្រុកខ្មែរហើយ!