ថ្មីៗនេះ ក្រុមហ៊ុន ASUS Republic of Gamers (ROG) បានប្រកាសចេញនូវការដាក់បញ្ចូលនូវលោហធាតុរាវ Thermal Grizzly Conductonaut liquid-metal thermal សម្រាប់កុំព្យូទ័រលេងហ្គេម ROG 2020 ទាំងអស់របស់ខ្លួន ដែលមានបំពាក់នូវបន្ទះឈីប Intel® Core™ processors ជំនាន់ទី 10។
ក្រុមហ៊ុននេះបានបញ្ជាក់ថា ការប្រើប្រាស់នូវនូវលោហធាតុរាវនេះធ្វើអោយម៉ាស៊ីនលេងហ្គេមកម្រិតខ្ពស់ទាំងនេះ គឺមានសភាពត្រជាក់ល្អបំផុតក្នុងការប្រើប្រាស់ ប៉ុន្តែវានៅមិនទាន់មានការផលិតទ្រង់ទ្រាយធំនៅឡើយទេក្នុងពេលនេះ។ នៅក្នុងការស្រាវជ្រាវ និងអភិវឌ្ឍអស់រយៈពេលជិត 1 ឆ្នាំនេះ ក្រុមហ៊ុន ROG បានប៉ាតង់នៅលើក្នុងដំណើការការពង្រឹងទៅលើសមត្ថភាពនៃ CPU ការកាត់បន្ថយនូវសីតុណ្ហភាពកាន់តែប្រសើរជាងមុន និងការកាត់បន្ថយនូវសំឡេងរំខានសម្រាប់អ្នកលេងហ្គេមជាច្រើនថែមទៀត។
ប្រព័ន្ធដំណើរការត្រជាក់កម្រិតអតិបរមា
ប្រព័ន្ធត្រជាក់ គឺជាមុខងារមួយនៅក្នុងចំណោមលក្ខណៈពិសេសជាច្រើនសម្រាប់កុំព្យូទ័រលេងហ្គេម ហើយក្រុមហ៊ុន ROG ក៏បន្តក្នុងការស្វែងរកនូវវិធីជាច្រើនដើម្បីពង្រឹងទៅលើមុខនេះផងដែរ។ ជាមួយនឹងការប្រើប្រាស់នូវលោហធាតុរាវនេះគឺផ្តល់នូវប្រសិទ្ធិភាពល្អនៅក្នុងការផ្ទេរកំដៅរវាងបន្ទះឈីប និងការបំភាយកំដៅថែមទៀត។ នៅក្នុងរយៈពេលមួយឆ្នាំនៃការតេស្តទៅលើលោហធាតុរាវនេះជាមួយនឹងបន្ទះឈីបជាច្រើននោះ ក្រុមវិស្វកររបស់ក្រុមហ៊ុន ROG បានធ្វើការកាត់បន្ថយនូវសីតុណ្ហភាពនៅលើ CPU នេះដល់ទៅ 10-20°C។ ការប្រើប្រាស់នូវសីតុណ្ហភាពកម្រិតទាបនេះអាចជួយបន្ទះឈីបនេះអោយមានល្បឿន Clock បានខ្ពស់ និងការពារពីការបញ្ចេញនូវសំឡេង RPMs ខ្លាំងផងដែរ។ ក្រុមវិស្វករផ្នែកស្រាវជ្រាវ និងការអភិវឌ្ឍរបស់ក្រុមហ៊ុន ROG គឺប្រើប្រាស់នូវបន្ទះឈីប Intel Core processors ជំនាន់ទី 10 ក្នុងការបង្កើននូវសមត្ថភាពក្នុងការលេងហ្គេមជាមួយនឹង Thermal Grizzly’s Conductonaut Alloys ថែមទៀត។
ទស្សនាវីដេអូខាងក្រោម៖
ក្រុមហ៊ុន ROG ប្រើប្រាស់នូវលោហធាតុពេញលេញ
នៅក្នុងគម្រោងលោធាតុធាតុរាវរបស់ក្រុមហ៊ុន ROG នេះ ត្រូវបានអនុវត្តន៍បន្តនៅក្នុងការពង្រឹងទៅលើប្រព័ន្ធត្រជាក់សម្រាប់កុំព្យូទ័រលេងហ្គេមយួរដៃជាច្រើន។ កាលពីឆ្នាំមុននេះ ROG Mothership គឺជាប្រព័ន្ធដំបូងបំផុតដើម្បីទទួលបាននូវប្រយោជន៍សម្រាប់បច្ចេកវិទ្យានេះ ហើយវាគឺជាផ្លូវសម្រាប់ធ្វើការកែលម្អរសម្រាប់កុំព្យូទ័រលេងហ្គេម ROG ជាមួយនឹងបន្ទះឈីប Intel Core processors ជំនាន់ទី 10។
នៅក្នុងប៉ាតង់នៃដំណើរការនូវលោហធាតុរាវនេះ និងរបាំងការពារថែមទៀត គឺត្រូវគេចាត់ទុកថាមានភាពច្នៃប្រឌិតបំផុតនៅក្នុងកុំព្យូទ័រ ROG ដែលបន្តក្នុងការបំពាក់នៅលើកុំព្យូទ័រលេងហ្គេមនេះ។ គួរបញ្ជាក់ផងដែរថា សមាសធាតុនេះ នឹងធ្វើអោយសមត្ថភាពនៃការប្រើប្រាស់កាន់តែអស្ចារ្យ កម្រិតសីតុណ្ហភាពត្រជាក់ជាមុន និងសំឡេងរំខានបានតិចជាងមុនថែមទៀតផង៕