ថ្មីៗនេះ ក្រុមហ៊ុន Canon បានធ្វើការពង្រីកនូវវិសាលភាពនៃម៉ាស៊ីនព្រីន PIXMA Ink Efficient G Seriesរបស់ខ្លួនជាមួយនឹងប្រព័ន្ធ ink tank system printers ថ្មីរហូតដល់ទៅ 3 ម៉ូដែល។ ជាមួយនឹងការពេញនិយមទៅលើការប្រើប្រាស់នូវ Ink Tank ថ្មីនេះ ម៉ាស៊ីនព្រីននេះ អាចធ្វើការព្រីនសងខាង ការដាក់ក្រដាសបានកាន់តែច្រើន ហើយវាអាចតភ្ជាប់ជាមួយនឹងបណ្តាញ Network កាន់តែងាយស្រួលដែលធ្វើអោយការប្រើប្រាស់នៅក្នុងការិយាល័យកាន់តែមានភាពងាយស្រួល និងប្រសិទ្ធិភាពជានិច្ច។
-ដបទឹកថ្នាំថ្មីដែលងាយស្រួលក្នុងការបញ្ចូលទឹកថ្នាំបានលឿន
ក្រុមហ៊ុន Canon បាននាំមកនូវដបទឹកថ្នាំស៊េរីថ្មីថ្មីដែលងាយស្រួលដាក់ទឹកថ្នាំថ្មីចូលនៅពេលដែលអស់ទឹកថ្នាំដោយមិនចាំបាច់ធ្វើការច្របាច់នោះទេនៅក្នុងអំឡុងពេលនៃការបញ្ចូលទឹកថ្នាំនោះ។ វាមានភ្ជាប់នូវផ្លូវពីរនៅលើដបទឹកថនាំនេះសម្រាប់រុញខ្យល់នៃការបញ្ចួលទឹកថ្នាំដោយស្វ័យប្រវត្តិនៅក្នុងកម្រិតខ្ពស់បំផុតទៅតាមការកំណត់នៃទឹកថ្នាំនេះ។ សម្រាប់ទឹកថ្នាំពណ៌ខ្មៅក៏មានការកែប្រែថ្មីកាន់តែប្រសើរ ហើយវាមានកម្រិតពណ៌ច្បាស់ជាងមុននៅពេលដែលព្រីននៅលើក្រដាសធម្មតា ហើយអក្សរដែលធ្វើការព្រីនមកពីច្បាស់បំផុតងាយស្រួលក្នុងការអាន។
-PIXMA Ink Efficient G6070 All-in-One
ម៉ាស៊ីនព្រីននេះ មានមុខងារច្រើន អាចធ្វើការគ្រប់គ្រងទៅលើការងារព្រីន ការស្កេន និងការកូពីបានយ៉ាងងាយស្រួល។ សម្រាប់ Ethernet port និង Ethernet port ធានានូវភាពងាយស្រួលក្នុងការចល័តម៉ាស៊ីនព្រីននេះទៅកាន់គ្រប់ទីកន្លែងនៅក្នុងការិយាល័យរបស់អ្នក ស្របពេលដែលអេក្រង់ 2-line LCD panel នេះ អាចផ្តល់នូវភាពងាយស្រួលក្នុងការដំណើរការ និងការបញ្ជាក់អំពី Printer Settings ផងដែរ។
-PIXMA Ink Efficient G5070
G5070 គឺជាម៉ាស៊ីនព្រីនដែលមិនមានមុខងារស្កេន ឬកូពីនោះទេ ប៉ុន្តែវាក៏មានភ្ជាប់ជាមួយនឹង 2-Line LCD panel នៅខាងមុខសម្រាប់ដំណើរការនូវមុខងារមួយដែលស្រដៀងគ្នាទៅនឹងម៉ាស៊ីន G6070 ដែរ។ វាមានភាពងាយស្រួលនៅក្នុងការតម្លើង និងការផ្តល់នូវព័ត៌មានជាច្រើនទៀតដូចជាកម្រិតនៃទឹកថ្នាំដែលនៅសល់ផងដែរ។
-PIXMA Ink Efficient Monochrome GM2070
នេះគឺជាម៉ាស៊ីនព្រីនសម្រាប់ដំណើរការនៅក្នុងការងារការិយាល័យរបស់អ្នកទៅលើការងារបោះពុម្ពសខ្មៅ ប៉ុន្តែវាក៏អាចប្រើប្រាស់សម្រាប់ព្រីនទៅលើពណ៌បានផងដែរ។ វាអាចធ្វើការបញ្ចូលទឹកថ្នាំពណ៌ខ្មៅបានយ៉ាងងាយស្រួល ហើយវាក៏អាចបន្ថែមនូវ color ink cartridge សម្រាប់ការងារព្រីនកូល័រម្តងម្កាលផងដែរ។ អ្នកអាចធ្វើការដោះចេញនូវ color ink cartridge នេះ ហើយការងារព្រីនទាំងអស់គឺសខ្មៅរហូតដល់ទៅ 8,300 សន្លឹកសម្រាប់ទឹកខ្មៅមួយដបនោះ។
-ការព្រីនបានបរិមាណច្រើនអស្ចារ្យ
ជាមួយនឹងម៉ាស៊ីនព្រីន Canon Ink Efficient G Series នេះ អ្នកប្រើប្រាស់ជាច្រើនគឺពិតជាទទួលបាននូវការងារដែលមានគុណភាព និងចំនួនច្រើនថែមទៀត។ ម៉ាស៊ីនព្រីននេះអាចធ្វើការព្រីនក្រដាសសខ្មៅបានរហូតដល់ទៅ 8,300 black-and-white និងក្រដាសពណ៌រហូតដល់ទៅ 7,700 សន្លឹកជាមួយនឹងដបទឹកថ្នាំ 4 ដបនេះ ហើយវាពិតជាចំណាយតិចមែនទែនសម្រាប់អាជីវកម្មរបស់អ្នកដែលត្រូវការការព្រីនក្នុងចំនួនច្រើននោះ។
-ការដាក់ក្រដាសបានពីរទំហំ
ជាមួយនឹងថា សសម្រាប់ដាក់ក្រដាសបានដល់ទៅពីរទំហំ។ អ្នកប្រើប្រាស់អាចប្រើប្រាស់ក្រដាសទំហំ ID Card ទំហំស្រោមសំបុត្រ និងក្រដាសផ្សេងទៀតដូចជា A4 បានរហូតដល់ទៅ 250 សន្លឹកថែមទៀត។ វាក៏មាននូវ monitoring window ដែលបញ្ជាក់ប្រាប់នៅពេលដែលក្រដាសជិតអស់ផងដែរ។ សម្រាប់ក្រដាសនេះអាចធ្វើការព្រីនរហូតដល់ទៅ 350 សន្លឹកដោយគ្មានការរំខាននោះទេ។
-ការភ្ជាប់បណ្តាញ Network កាន់តែងាយស្រួល
សម្រាប់ម៉ាស៊ីនព្រីន PIXMA Ink Efficient printers នេះទ្រទ្រង់ទៅលើ Wired LAN និង Wireless LAN ដែលអ្នកអាចទុកដាក់ម៉ាស៊ីនព្រីននេះនៅកន្លែងណាក៏បានដែរនៅក្នុងការិយាល័យរបស់អ្នកនោះ។ ម៉ាស៊ីនព្រីននេះទ្រទ្រង់ទៅលើ Wireless Direct ដែលអនុញ្ញាតអោយអ្នកទំនាក់ទំនងដោយផ្ទាល់សម្រាប់ការព្រីនចេញពីស្មាតហ្វូនដោយមិនត្រូវការ Wireless Router នោះទេ។
-ការព្រីនសម្រាប់សម័យកាលឌីជីថល Digital Age
ម៉ាស៊ីនព្រីន PIXMA Ink Efficient G6070 និង G5070 អនុញ្ញាតអោយអ្នកធ្វើការព្រីន និងស្កេនចេញពីស្មាតហ្វូន iOS និង Android របស់អ្នកបាន (ស្មាតហ្វូន ថេប្លេត និងកុំព្យុទ័រ) តាមរយៈកម្មវិធី Canon Print Inkjet/SELPHY app ។ អ្នកប្រើប្រាស់ Android អាចប្រើប្រាស់នូវ Canon Print Service plugin និង AirPrint សម្រាប់អ្នកប្រើប្រាស់ Apple ដើម្បីធ្វើការដំណើរការនូវមុខងារនៃការព្រីននេះ។ អ្នកអាចភ្ជាប់ទៅកាន់ Facebook និង Instagram accounts របស់អ្នកតាមរយៈកម្មវិធី Canon Print Inkjet/SELPHY app ឬចូលទៅកាន់រូបភាពជាច្រើនរបស់អ្នកនៅក្នុង Dropbox និង Google Drive តាមរយៈសេវាកម្ម Canon PIXMA Cloud Link service ។ ឯកសារ និងរូបភាពជាច្រើនទៀតរបស់អ្នកអាចធ្វើការព្រីនដោយផ្ទាល់ចេញពីបណ្តាញសង្គម ឬសេវាកម្ម Cloud បានផងដែរ។
សម្រាប់អ្នកជំនាញទៅលើ Poster, Flyer និងអ្នកឌីស្សាញទៅលើ Menu នោះ អាចប្រើប្រាស់ជាមួយនឹង Canon’s free-for-download PosterArtist Lite ដែលពួកគេអាចធ្វើការជ្រើសរើសនូវ 1,300 pre-loaded templates រូបភាព និង clip artសម្រាប់ធ្វើការឌីស្សាញទៅលើអ្វីដែលពួកគេចង់បាននៅក្នុងអាជីវកម្មរបស់ពួកគេថែមទៀត។
