ថ្មីៗនេះក្រុមហ៊ុន Canon ទើបតែបានធ្វើការប្រកាសចេញនូវម៉ាស៊ីនព្រីនធ័រកូល័រខ្នាតតូចស៊េរីថ្មីចំនួនបីម៉ូដែលសម្រាប់បម្រើការនៅក្នុងការិយាល័យធ្វើការ និងសហគ្រាសធុនមធ្យមរបស់លោកអ្នក។ ព្រីនធ័រស៊េរីថ្មីទាំងបីម៉ូដែលនោះរួមមាន Canon imageCLASS LBP621Cw, LBP623Cdw និង LBP664Cx ដោយពួកវាជាម៉ាស៊ីនព្រីនធ័រខ្នាតតូចសម្រាប់ធ្វើការព្រីនជាមួយក្រដាសកិច្ចការងារប្រភេទ A4 ឬហៅថា “A4 colour laser single-function printers”។
ម៉ាស៊ីនព្រីនធ័រស៊េរីថ្មីទាំងបីម៉ូដែលនេះវាពិតជាស័ក្តិសមបំផុតសម្រាប់ដំណោះស្រាយនៅក្នុងការិយាល័យធ្វើការ និងសហគ្រាសខ្នាតតូច “Small Office Home Offices (SOHOs) and Small Medium Enterprises (SMEs)” ដោយពួកវាត្រូវបានច្របាច់បញ្ចូលនូវមុខងារតភ្ជាប់ដ៏ល្អឥតខ្ចោះជាមួយគុណភាពក្នុងការផ្តិតចេញនូវសន្លឹកកិច្ចការងារច្បាស់បែបពណ៌ធម្មជាតិក្នុងកម្រិតខ្ពស់ និងផ្តល់នូវមុខងារងាយស្រួលបំផុតសម្រាប់ការប្រើប្រាស់ដែលជួយបង្កើននូវផលិតភាពការងារ និងប្រសិទ្ធិភាពនៃការចំណាយយ៉ាងគាប់ប្រសើរបំផុត។
លោក Toshiaki Nomura ដែលជា Director, Regional BIS Sales & Marketing, Canon Singapore មានប្រសាសន៍លើកឡើងថា “ក្រុមហ៊ុន Canon យល់ឃើញថាបច្ចេកវិទ្យាពណ៌បានដើរតួនាទីយ៉ាងសំខាន់ក្នុងការទំនាក់ទំនងសម្រាប់អាជីវកម្មនាពេលបច្ចុប្បន្ន ដូច្នេះហើយក្រុមហ៊ុនបានបញ្ចូលបច្ចេកវិទ្យាពណ៌តែមួយគត់ទៅក្នុងម៉ាស៊ីនព្រីនធ័រស៊េរីថ្មីទាំងនេះដើម្បីបំពេញតាមតម្រូវការសម្រាប់ការព្រីននូវកិច្ចការងារបែបពណ៌ធម្មជាតិដែលមានគុណភាពខ្ពស់បំផុតចេញពីម៉ាស៊ីនព្រីនធ័រស៊េរីថ្មីនេះ”។ លោកបានបញ្ជាក់បន្ថែមទៀតថា “ម៉ាស៊ីនព្រីនធ័រកូល័រខ្នាតតូចស៊េរីថ្មីទាំងនេះប្រើប្រាស់នូវបច្ចេកវិទ្យាផ្តិតពណ៌ V2 Colour Technology ដែលផ្តល់អោយការផ្តិតទឹកថ្នាំពណ៌នៅលើក្រដាសមានលក្ខណះភ្លឺច្បាស់បំផុត។ បន្ថែមពីនេះពួកវាត្រូវបានភ្ជាប់នូវមុខងារ Application Library ដែលជាមុខងារពិសេសជួយសម្រួលដល់កិច្ចការងារប្រចាំថ្ងៃអោយកាន់តែមានភាពងាយស្រួលលឿនរហ័ស និងផ្តល់នូវបទពិសោធន៍ថ្មីដ៏អស្ចារ្យបំផុតដល់អ្នកប្រើប្រាស់ថែមទៀតផង”។
-ការរចនាផលិតឡើងផ្តល់នូវភាពងាយស្រួលក្នុងការប្រើប្រាស់
យើងអាចនិយាយបានថាព្រីនធ័រខ្នាតតូចរបស់ Canon ស៊េរីថ្មីទាំងបីម៉ូដែលនេះគឺវាមានលទ្ធភាពធ្វើការលើសពីម៉ាស៊ីនព្រីនធ័រដោយពួកវាត្រូវបានក្រុមហ៊ុនធ្វើការរចនាផលិតឡើងយ៉ាងពិសេសដើម្បីផ្តល់នូវភាពងាយស្រួលប្រើប្រាស់ និងជួយសម្រួលដល់កិច្ចការងាររបស់លោកអ្នកបានលឿនរហ័ស។ យើងអាចធ្វើការតភ្ជាប់ជាមួយនឹងទូរស័ព្ទស្មាតហ្វូន ឬឧបករណ៍ថេបប្លែតសម្រាប់ធ្វើការព្រីននូវឯកសារការងាររបស់លោកអ្នកចេញទៅកាន់ម៉ាស៊ីនព្រីនធ័រទោះបីជាយើងស្ថិតនៅកន្លែងណាក៏ដោយតាមរយះមុខងារដូចជា Canon Print Business, Canon Print Service, Google Cloud Print, AirPrint® និង MOPRIA® ។ ពួកវាក៏មានរន្ធ Gigabit Ethernet សម្រាប់ធ្វើការតភ្ជាប់នូវប្រព័ន្ធបណ្តាញជាលក្ខណះ Wi-Fi ជាមួយមុខងារ Direct Connectivity សម្រាប់ភ្ជាប់ទៅកាន់ទូរស័ព្ទស្មាតហ្វូនដើម្បីធ្វើការព្រីនឯកសារចេញពីស្មាតហ្វូនដោយមិនចាំបាច់មានដំឡើងឧបករណ៍ណែតវើក (Router) ឡើយ។ សម្រាប់ម៉ូដែល imageCLASS LBP664Cx មានភ្ជាប់នូវមុខងារ QR Code Scan និង NFC Touch & Print ដែលកាន់តែផ្តល់នូវភាពងាយស្រួលក្នុងការតភ្ជាប់ជាមួយស្មាតហ្វូនបានកាន់តែរហ័សក្នុងព្រីនឯកសារទាំងឡាយដោយប្រើនូវកម្មវិធី Canon Print Business App។
-បង្កើនផលិតភាពការងារបានកាន់តែលឿនជាមួយការសន្សំសំចៃការចំណាយខ្ពស់
សម្រាប់ល្បឿនក្នុងការព្រីនឯកសារពណ៌គឺពួកវាមានលទ្ធភាពអាចធ្វើបានដល់ 27 ទំព័រក្នុងពេលមួយនាទី។ ហើយសម្រាស់ទឹកថ្នាំវិញជាប្រភេទម៉្សៅ (Toner Cartridge) ដែលមាន 4 ពណ៌គឺខ្មៅ (Black), ខៀវ (Cyan), លឿង (Yellow) និងក្រហម (Magenta) ហើយសម្រាប់ការដោះដូរកំប៉ុងទឹកថ្នាំគឺមានភាពងាយស្រួលបំផុត។ ហើយសម្រាប់ម៉ូដែល LBP621Cw និង LBP623Cdw គឺមានថត (Tray) ក្រដាសដែលអាចដាក់ម្តងបានចំនួន 250 សន្លឹក។
ចំពោះម៉ូដែល LBP664Cx វិញគឺមានលក្ខណះសម្បតិ្តពិសេសជាងគេបន្តិចដោយវាមានអេក្រង់ LCD ទំហំ 5 អ៊ីង ផ្តល់ជូននូវបទពិសោធន៍ងាយស្រួលក្នុងការប្រើប្រាស់ជាមួយនឹងការបង្ហាញនូវរូបតំណាងមុខងារប្រើប្រាស់ទូទៅក្នុងគុណភាពខ្ពស់ច្បាស់ដែលធ្វើឱ្យអ្នកប្រើប្រាស់មានងាយស្រួលក្នុងការស្វែងរក និងចូលទៅប្រើមុខងារនិមួយៗរបស់ព្រីនធ័រ ហើយជាពិសេសវាមានក្តារចុចជាប្រភេទ QWERTY ស្រដៀងគ្នាក្តារចុចនៅលើស្មាតហ្វូនដែរដើម្បីធានាបានភាពងាយស្រួលក្នុងការប្រើប្រាស់បន្ថែមទៀត។ តាមរយះមុខងារ Application Library ដែលបានដំឡើងរួចជាស្រេចនៅលើម៉ាស៊ីនព្រីនធ័រ Canon imageCLASS LBP664Cx ជួយអ្នកប្រើធ្វើការបានយ៉ាងមានប្រសិទ្ធិភាពជាងមុនជាមួយការព្រីននូវឯកសារផ្សេងៗ, ផ្តល់អោយអ្នកប្រើអាចផ្ទុកគំរូឯកសារដែលបានកំណត់ព្រីនរួចហើយ សម្រាប់ទុកព្រីនបានងាយស្រួលនៅពេលដែលលោកអ្នកត្រូវការដោយជៀសវាងនូវការចំនាយពេលរៀបចំយួរ និងការប្រើប្រាស់ក្រដាសខ្ជះខ្ជាយថែមទៀតផង៕
សំរាប់ព័ត៌មានបន្ថែមសូមទំនាក់ទំនង ក្រុមហ៊ុន i-Qlick៖ https://www.i-qlick.com/.