MSI បន្ទាប់ពីទទួលបានជោគជ័យទៅលើកុំព្យូទ័រស៊េរីថ្មី GP Leopard និង GL series ក្រុមហ៊ុនកុំព្យូទ័រ MSI បានប្រកាសចេញនូវកុំព្យូទ័រស៊េរីថ្មី GP65 Leopard និង GL75 ដែលបំពាក់នូវមុខងារពិសេសៗជាច្រើនកម្រិតខ្ពស់ និងការឌីស្សាញយ៉ាងប្រណិតបំផុត ហើយជាពិសេសវាផ្តល់នូវមុខងារ Sci-Fi កម្រិតខ្ពស់ជាច្រើនទើបដ៏អស្ចារ្យបំផុតសម្រាប់កុំព្យូទ័រលេងហ្គេមយួរដៃដ៏ខ្លាំងក្លានេះ។ នេះ គឺជាកុំព្យូទ័រលេងហ្គេមយួរដៃដ៏ខ្លាំងក្លាបំផុតរបស់ក្រុមហ៊ុន MSI ដែលល្អបំផុតសម្រាប់អ្នកប្រើប្រាស់ជាមួយនឹងលក្ខណៈសម្បត្តិដ៏អស្ចារ្យជាច្រើន។
កុំព្យូទ័រដែលមានការឌីស្សាញជាមួយនឹងលោហធាតុថ្មីដ៏រលើបរលោងបំផុត
កុំព្យូទ័រនេះ គឺមានការឌីស្សាញជាមួយនឹងរូបរាងយ៉ាងប្រណិតបំផុត ដែលអាចនឹងធ្វើការប្រកួតប្រជែងជាមួយនឹងកុំព្យូទ័រយួរដៃជាច្រើនទៀតនៅលើទីផ្សារ។ GP65 មានតួខ្លួនធ្វើពីអាលុយមីញ៉ូមដ៏ប្រណិតទាក់ទាញបំផុតក្នុងការប្រើប្រាស់។ ម៉ូដែលថ្មីនេះ មានទម្ងន់ស្រាលជាងម៉ូដែល GL series មុនៗ និងធន់ក្នុងការប្រើប្រាស់ថែមទៀតផង។
អេក្រង់ទស្សនាដ៏ល្អឥតខ្ចោះ
នៅក្នុងការផ្តល់នូវបទពិសោធន៍នៃការទស្សនាកាន់តែអស្ចារ្យបំផុតក្នុងការលេងហ្គេមនោះ នៅលើសមិទ្ធិផលថ្មីទាំងពីរនេះ ក៏មានលក្ខណៈពិសេសជាច្រើនទៀតរបស់កុំព្យូទ័រស៊េរីថ្មី GP 65និង GL75 នេះ ដោយសារតែវាមានគែមអេក្រង់ស្តើងបំផុតស្រស់ស្អាតងាយស្រួលក្នុងការទស្សនា។ ចាប់ពីពេលនេះទៅ អេក្រង់របស់កុំព្យូទ័រ MSI Gaming Laptops នេះ គឺច្បាស់ក្នុងការទស្សនា និងស៊ុមព័ទ្ធអេក្រង់ស្តើងក្នុងការប្រើប្រាស់ថែមទៀត។ បើនិយាយអំពី Keyboard នៅលើកុំព្យូទ័រនេះវិញគឺជាប្រភេទ Per-Key RGB illuminated gaming keyboard របស់ក្រុមហ៊ុន y SteelSeries ដែលផ្តល់នូវពន្លឺស្រស់ឆើតឆាយសម្រាប់អ្នកលេងហ្គេមកាន់តែជក់ចិត្តបំផុតនៅក្នុងការលេងហ្គេមនេះ។
កម្លាំងម៉ាស៊ីនខ្លាំងក្នុងការប្រើប្រាស់
ក្រុមហ៊ុន MSI មិនត្រឹមតែផ្តោតទៅលើការឌីស្សាញរូបរាងកាន់តែល្អប៉ុណ្ណោះទេ ប៉ុន្តែវាក៏ពង្រឹងទៅលើសមត្ថភាពក្នុងការប្រើប្រាស់ និងគុណភាពរបស់វាថែមទៀត។ បើនិយាយអំពីលក្ខណៈសម្បត្តិរបស់ម៉ាស៊ីនកុំព្យូទ័រនេះវិញ ក្រុមហ៊ុន MSI គឺជាជម្រើសមួយដែលល្អ និងជឿជាក់បំផុតក្នុងការប្រើប្រាស់។ ។ សម្រាប់កុំព្យូទ័រ GP65 និង GL75 ប្រើប្រាស់នូវបន្ទះឈីប Intel® Core™ i7 processor ជំនាន់ទី ៩ ក្រាហ្វិកកាត RTX 2060 ដែលមានកម្លាំងខ្លាំងក្លាជាងមុនដល់ទៅ ៤៥% ។ សម្រាប់កុំព្យូទ័រ GP65 នេះមានអេក្រង់កម្រិត 144Hz display refresh rate ថែមទៀតផង។
បន្ថែមពីនេះទៀត សម្រាប់បច្ចេកវិទ្យាប្រព័ន្ធត្រជាក់ផ្តាច់មុខរបស់ក្រុមហ៊ុន MSI ក៏ប្រើប្រាស់នៅលើកុំព្យូទ័រស៊េរី GE series "Cooler boost 5" ហើយវាក៏ប្រើប្រាស់សម្រាប់កុំព្យូទ័រ GP65 និង GL75 រួមជាមួយនឹងដំណោះស្រាយក្នុងការពង្រឹងទៅលើប្រសិទ្ធិភាពនៃ CPU និង GPU ជាមួយនឹងរន្ធបំភាយកំដៅរន្ធចំនួន ៧ សម្រាប់ការលេងហ្គេមកាន់តែខ្លាំងក្លាបំផុត។ កុំព្យូទ័រ GP65 និង GL75 ភ្ជាប់ជាមួយនឹង Giant Speaker របស់ក្រុមហ៊ុន MSI ដែលខ្លាំងជាងមុនដល់ទៅ 5 ដងនិងការពង្រឹងទៅលើប្រព័ន្ធសំឡេងធំជាងមុនដល់ទៅ 40% ថែមទៀតផង។
