Canon PowerShot G5 X Mark II បង្ហាញវត្តមានជាមួយនឹងខ្លួនខ្លួនតូច ប៉ុន្តែតែសមត្ថភាពនៃការថតរូបនោះគឺពិតជាមិនតូចឡើយ

ក្រុមហ៊ុន Canon ទើបតែបានដាក់ចេញនៅម៉ាស៊ីនកាមេរ៉ាថតរូប និងវីដេអូស៊េរីថ្មីរបស់ខ្លួនក្នុងស្រឡាយ PowerShot ជាស្រឡាយ Compact Camera ម៉ូដែល PowerShot G5X Mark II ដោយម៉ូដែលជំនាន់ថ្មីនេះ ត្រូវបានធ្វើការវិវត្តន៍ឡើងពីជំនាន់ G5X ដែលបានបង្ហាញវត្តមានលើទីផ្សារដំបូងកាលពីកំឡុងខែតុលាឆ្នាំ 2015 ហើយទទួលបានទីផ្សារជោគជ័យខ្លាំងកាលពីពេលកន្លងទៅ។ វត្តមានម៉ាស៊ីនកាមេរ៉ាជំនាន់ថ្មីដែលចូលខ្លួនមកជំនូសដំណែងម៉ូដែលមុនដែលបានចរាចរណ៍ក្នុងទីផ្សារជិត 4 ឆ្នាំមកនេះ ត្រូវបាន ក្រុមហ៊ុនធ្វើការរចនាកែលម្អររូបរាងឡើងថ្មីកាន់តែមានភាពប្រណិតខ្លាំងជាងជំនាន់មុនព្រមទាំងភ្ជាប់មកជាមួយនូវគុណសម្បត្តិកាន់តែល្អពិសេសទំនើបសម្បូរបែបជាមុនដើម្បីបំពេញតាមតម្រូវការប្រើប្រាស់ក្នុងការថតរូប និងវីដេអូរបស់អ្នកប្រើប្រាស់។ 

 

no-alternative title

PowerShot G5X Mark II បានបំពាក់នូវសែនស័រកាមេរ៉ាខ្នាត 1-inch ជាប្រភេទសែនស័រ Stacked CMOS Sensor ភ្ជាប់ដោយកែវលែន Focal Lens ខ្នាត 24-120 mm ដែលមានសែនស័រកាមេរ៉ាទំហំ 20.1MP ជាមួយកម្រិតជា wide aperture ដែលអាចធ្វើការផ្លាស់ប្តូរពីទំហំ f/1.8 ទៅ f/2.8 ជាមួយសមត្ថភាពថតវីដេអូបានដល់កម្រិត 4K ក្នុងល្បឿន 30fps និងប្រើប្រាស់នូវអង្គដំណើរការ DIGIC 8 Processor ដូចគ្នាទៅនឹងពពួកកាមេរ៉ាថ្នាក់អាជីបស្រឡាយ DSLR ដែរ។

-ការរចនារូបរាងផ្នែកខាងក្រៅ

Canon PowerShot G5X Mark II មានទំងន់សរុបទាំងថ្ម និងម៉េមូរីកាតប្រមាណជា 340 ក្រាមជាមួយទំហំវិមាត្ររួមគឺ 110.9 x 60.9 x 46mm ដែលជាទំហំតូចល្មម និងទំងន់ស្រាលល្មមផ្តល់ភាពងាយស្រួលក្នុងការទុកដាក់តាមខ្លួន និងកាន់ថតដោយប្រើដៃម្ខាង។ ចំពោះការរចនាផ្នែកខាងក្រៅរបស់វាវិញគឺមានលក្ខណះប្រហាក់ប្រហែលគ្នាទៅនឹងកាមេរ៉ាពពួក EOS ដែរ។ ចំនែកសារធាតុដែលប្រើស្រោបតួរខ្លួនរបស់វាជាប្រភេទជ័រដែលមានសភាពគ្រើមៗស្រដៀងស្បែកដែលផ្តល់នូវភាពស្និតក្នុងការកាន់ថតដោយប្រើដៃម្ខាង។

 

PowerShot G5X Mark II មានអេក្រង់ទំហំ 3.0” ប្រភេទកញ្ចក់ TFT LCD ដែលបង្ហាញពណ៌ប្រភេទ sRGB ជាមួយកម្រិតភិចសែល 1,040,000 dots និងអាចកាត់បត់ឡើងលើបាន 180 ដឺក្រេដែល Canon ហៅវាថា “Tilt-up LCD” ដូចនេះវាផ្តល់នូវភាពងាយស្រួលក្នុងការថតរូប និងវីដេអូសែលហ្វី។ បន្ថែមពីនេះវាក៏មានភ្លើង Flash ជំនួយពន្លឺនៅពេលថតនៅទីងងឹតដែលបង្កប់ក្នុងតួរខាងលើផងដែរ ហើយវានឹងលូតចេញនៅពេលយើងថតដោយបើកភ្លើង Flash។ នៅផ្នែកខាងស្តាំងអេក្រង់ និងខាងលើមានប៊ូតុងសម្រាប់កំនត់បញ្ជាមុខងារទូទៅរបស់កាមេរ៉ាដូចគ្នាទៅនឹងកាមេរ៉ាម៉ាក Canon ទូទៅដែរ។  ហើយអ្វីដែលខុសប្លែកគ្នាខ្លាំងពីជំនាន់ G5X គឺកញ្ចក់ ViewFinder របស់វាត្រូវបានបង្កប់នៅក្នុងតួរខ្លួនតែម្តងមិននៅជំតើតពីលើដូចម៉ូដែល G5X ទៀតទេ។ កញ្ចក់ ViewFinder នេះជាប្រភេទ Pop-up OLED ViewFinder ឬហៅម្យ៉ាងទៀតថា Pop-up EVFដែលមានកម្រិតភិចសែលដល់ទៅ 2,360,000 dots។ 

-មុខងារតំណភ្ជាប់សំខាន់ៗ

សម្រាប់មុខងារតភ្ជាប់ដែលយើងអាចធ្វើបាននៅលើម៉ាស៊ីនកាមេរ៉ា Canon PowerShot G5X Mark II គឺបានតាមរយះរន្ធដោត USB-Type-C សម្រាប់ភ្ជាប់ទៅកាន់ម៉ាស៊ីនកុំព្យូទ័រក្នុងការចម្លងរូបភាព-វីដេអូចេញ ដែលទ្រទ្រង់បានជាមួយ Windows និង MacOS ឬប្រើសម្រាប់សាកថាមពលថ្មបើយើងមិនចង់ដោះថ្មចេញមកសាកខាងក្រៅ, រន្ធ microHDMI Type-D សម្រាប់ភ្ជាប់ជាមួយស្មាតធីវី ឬម៉ាស៊ីនបញ្ចាំងរូបភាព, ភ្ជាប់តាមរយះប្រព័ន្ធបច្ចេកវិទ្យាប្លូធូស និង Wi-Fi  ប្រភេទ IEEE802.11b/g/n កម្រិត 2.4GHz ជាដើម។ ជាមួយគ្នានេះដែរវាក៏មានរន្ធសម្រាប់ដោតកាសខ្នាត 3.5mm ផងដែរ។

-ប្រភេទអង្គផ្ទុកទិន្នន័យ និងសមត្ថភាពថ្ម

ម៉ាស៊ីនកាមេរ៉ាជំនាន់ថ្មីនេះប្រើប្រាស់អង្គផ្ទុកទិន្នន័យប្រភេទ SD, SDHC និង SDXC ហើយនិងមានថ្មជាប្រភេទថ្ម Li-ion Battery NB-13L។ ដោយសមត្ថភាពថ្មរបស់វាគឺសាកពេញម្តងអាចកាន់ប្រើសម្រាប់ការថតរូបភាពសន្លឹកបានប្រមាណជា 230 ប៉ុស្តិ៍, ថតរូបដោយបើកមុខងារ EVF បាន 180 ប៉ុស្តិ៍, ថតដោយប្រើមុខងារ Eco Mode បាន 320 ប៉ុស្តិ៍ និងចាក់វីដេអូមើលឡើងវិញបានប្រមាណជា 240 នាទី។

-ប្រព័ន្ធអង្គដំណើរការ

ម៉ាស៊ីនកាមេរ៉ាជំនាន់ថ្មីដែលមានទំហំតូចល្មមរបស់ Canon មួយនេះត្រូវបានក្រុមហ៊ុនដំឡើងមកជាមួយឈីបថ្នាក់ខ្ពស់គឺ DIGIC 8 Processor ដែលជាឈីបប្រើប្រាស់ជាមួយកាមេរ៉ាថ្នាក់ខ្ពស់កម្រិតអាជិពដូចពពួក DSLR។ ឈីបកាមេរ៉ាជំនាន់ទី 8 នេះវាមានសមត្ថភាពប្រើប្រាស់លឿនរហ័សក្នុងការដំណើរការការងារទូទៅរបស់ម៉ាស៊ីនកាមេរ៉ា ទ្រទ្រង់បានជាមួយនឹងមុខងារ និងបច្ចេកវិទ្យាកាមេរ៉ាថ្មីៗ ព្រមទាំងជួយសន្សំសំចៃថាមពលថ្មអោយកាន់ប្រើប្រាស់ក្នុងការថតរូបបានយូរថែមទៀតផង។

-សមត្ថភាពកាមេរ៉ាក្នុងការថតរូប និងវីដេអូ

ម៉ាស៊ីនកាមេរ៉ា Canon PowerShot G5X Mark II បំពាក់នូវកែវលែនខ្នាត 24-120 focal lens ជាប្រភេទ Premium wide angle zoom lens ដែលអាចធ្វើការពង្រីកពង្រួមបាន 5 ដងក្នុងកម្រិត Optical Zoom និងបាន 10 ក្នុងកម្រិត ZoomPlus ជាមួយល្បឿនចាប់រូបភាព (aperture) លឿនរហ័សដែលអាចឆ្លាស់ពីកម្រិត f/1.8 ទៅ f/2.8 និងប្រើប្រាស់សែនស័រកាមេរ៉ាទំហំ 20.1MP ខ្នាត 1.0” Stacked CMOS Sensor និងមានកម្រិតពន្លឺស្វ័យប្រវត្តិ (ISO:125-12800) និងអាចបង្កើនឡើងដល់កម្រិត 25600 ដូចនេះវាមានសមត្ថភាពខ្ពស់ក្នុងការផលិតសាច់រូបភាពបានច្បាស់ម៉ដ្ឋល្អ និងជួយកាត់បន្ថយនូវគ្រាប់បែប (Noise) បានកាន់តែប្រសើរបំផុតនៅពេលចាប់យកប្លង់នៅទីតាំងខ្សោយពន្លឺ ឬពេលយប់។ 

ចំពោះសមត្ថភាពក្នុងការថតវីដេអូដែលកាមេរ៉ាជំនាន់ថ្មីនេះធ្វើបានគឺដល់កម្រិត 4K ក្នុងល្បឿន 30fps និងអាចថតវីដេអូបែប Slow-Motion បានក្នុងកម្រិត HD ក្នុងល្បឿន 120fps។ ហើយសម្រាប់ល្បឿនក្នុងការថតរូបមួយប៉ុស្តិ៍ៗគឺវាប្រើពេលត្រឹមតែ 0.5 វិនាទីប៉ុណ្ណោះ។ រីឯសមត្ថភាពក្នុងការថតរូបសន្លឹកជាប់ៗគ្នាជាប្រភេទ RAW Burst mode វិញគឺវាធ្វើបានចំនួន 30 ប៉ុស្តិ៍ក្នុងពេល 1 វិនាទី និងជាប្រភេទ JPEG បានក្នុងល្បឿន 20fps ហើយរូបភាពមួយសន្លឹកវាស៊ីទំហំម៉េមូរីប្រមាណជា 8MP (ទំហំអាចប្រែប្រួលទៅតាមមជ្ឈដ្ឋាននៃប្លង់ថត និងការប្រើប្រាស់កំនត់មុខងារកាមេរ៉ា)។ ជាមួយគ្នាដែលកែវលែនរបស់វាបានភ្ជាប់នូវមុខងារទប់លំនឹង Intelligent IS with 5-axis Advanced Dynamic IS & Auto Level ដែលជាជំនួយដ៏ល្អបំផុតសម្រាប់ការកាន់ថតរូប និងថតវីដេអូកំឡុងពេលធ្វើការបំលាស់ទីដោយមិនចាំបាច់ប្រើជើង Tripod ជំនួយ។ 

ប៉ុន្តែប្រសិនបើយើងចង់អោយការថតវីដេអូកម្រិត 4K ចេញពីកាមេរ៉ា PowerShot ជំនាន់ថ្មីនេះមានគុណភាពសាច់រូបច្បាស់ល្អគ្រប់វិនាទីនោះគឺយើងអាចប្រើជើង Tripod ជំនួយបន្ថែមក៏បានដោយវាអាចធ្វើការតភ្ជាំប់បានជាមួយជើងទម្រប្រភេទ Canon Tripod Grip HG-100TBR។

-មុខងារកាមេរ៉ាសម្រាប់កំនត់ក្នុងការថតរូប និងវីដេអូ

សម្រាប់មុខងារកំនត់ក្នុងការថតរូប និងវីដេអូវិញគឺមានច្រើនសម្បូរបែបតែម្តងដែលតម្រូវតាមការចង់បានរបស់អ្នកប្រើប្រាស់ដោយមុខងារទាំងនោះរួមមានដូចជា Auto, Red-Eyes Correction, Program AE, Shutter priority AE, Aperture priority AE, Manual, Custom, Hybrid Auto, SCN (Portrait, Self-Portrait, Panning, Star (Star Portrait, Star Nightscape, Star Trails, Star Time-Lapse Movie), Handheld Night Scene, High Dynamic Range, Fish-eye Effect, Oil Painting Effect, Water-Painting Effect, Miniature Effect, Toy Camera Effect, Background Defocus, Soft Focus, Grainy B/W, Fireworks, Panoramic shot), Standard Movie, Short Clip, Manual Movie, Time-Lapse Movie, និង Picture Styles ដែលអាចកំនត់បានដូចជា Auto, Standard,Portrait, Landscape, Fine Detail, Neutral, Faithful, Monochrome…ជាដើម។

- សរុបសេចក្តី

ដូចនេះសង្ខេបជារួមមកវិញ Canon PowerShot G5X Mark II គឺជាម៉ាស៊ីនកាមេរ៉ាថតរូប និងវីដេអូជំនាន់ថ្មីដែលមានរូបរាងតូចល្មម និងទំងន់ស្រាលល្មម ព្រមទាំងភ្ជាប់មកជាមួយនូវគុណសម្បត្តិ និងមុខងារប្រើប្រាស់គ្រប់យ៉ាងដែលតម្រូវបានតាមការប្រើប្រាស់ទាំងការថតរូប និងវីដេអូទុកជាអនុស្សាវរីយ៍។ ដូចនេះប្រសិនបើលោកអ្នកជាអ្នកដែលនិយមចូលចិត្តក្នុងការថតរូប និងវីដេអូច្រើនពេលមានកម្មវិធីផ្សេងៗ ឬដំណើរកម្សាន្ត ហើយកំពុងស្វែងរកកាមេរ៉ាថតរូបស៊េរីថ្មីដែលមានរូបរាងតូចល្មមជាមួយគុណសម្បត្តិគ្រប់គ្រាន់ និងជាម៉ាកកាមេរ៉ាដែលពេញនិយមសម្រាប់ការប្រើប្រាស់នោះ Canon PowerShot G5X Mark II ពិតជាធ្វើអោយលោកអ្នកពេញចិត្តក្នុងការចាយលុយទៅលើវាបាន៕

 

 

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
នៅពេលនេះ ក្រុមហ៊ុន Huawei បានចាប់ផ្តើមប្រកាសចេញនូវ HMS Core 6.0 សម្រាប់ទីផ្សារសកលហើយ

នៅពេលនេះ ក្រុមហ៊ុន Huawei បានចាប់ផ្តើមប្រកាសចេញនូវ HMS Core 6.0 សម្រាប់ទីផ្សារសកលហើយ

ដោយ ប៉េងលីន
មានការបញ្ចេញនូវវីដេអូបើកប្រអប់របស់ OPPO Reno6 Z 5G ដោយបានបង្ហាញអំពីលក្ខណៈសម្បត្តិជាច្រើន រួមនឹងតម្លៃទៀតផង

មានការបញ្ចេញនូវវីដេអូបើកប្រអប់របស់ OPPO Reno6 Z 5G ដោយបានបង្ហាញអំពីលក្ខណៈសម្បត្តិជាច្រើន រួមនឹងតម្លៃទៀតផង

ដោយ ប៉េងលីន
Infinix Concept Phone 2021 នឹងបំពាក់នូវបច្ចេកវិទ្យាសាកថ្មលឿន 160W Ultra-Fast Charge ដែលបញ្ចូលពេញ 100% ប្រើពេលតែ 11.28 នាទីប៉ុណ្ណោះ

Infinix Concept Phone 2021 នឹងបំពាក់នូវបច្ចេកវិទ្យាសាកថ្មលឿន 160W Ultra-Fast Charge ដែលបញ្ចូលពេញ 100% ប្រើពេលតែ 11.28 នាទីប៉ុណ្ណោះ

ដោយ ប៉េងលីន
 OPPO Reno6 Z 5G បង្ហាញខ្លួនជាមួយមុខងារថ្មី «Portrait ជំនួយសម្រស់» ធ្វើឲ្យស្បែកម៉ត់រលោង និងសម្រស់ទាក់ទាញតាមបែបធម្មជាតិពិតៗ

OPPO Reno6 Z 5G បង្ហាញខ្លួនជាមួយមុខងារថ្មី «Portrait ជំនួយសម្រស់» ធ្វើឲ្យស្បែកម៉ត់រលោង និងសម្រស់ទាក់ទាញតាមបែបធម្មជាតិពិតៗ

ដោយ ប៉េងលីន
តើ Huawei P50 Pro អាចនឹងប្រើប្រាស់នូវកាមេរ៉ាដែលមានមុខងារ 20X Optical និង 200X Digital zoom ដូចការទម្លាយមែន?

តើ Huawei P50 Pro អាចនឹងប្រើប្រាស់នូវកាមេរ៉ាដែលមានមុខងារ 20X Optical និង 200X Digital zoom ដូចការទម្លាយមែន?

ដោយ ប៉េងលីន
Photochromic ដែលប្រើលើខ្នងរបស់ vivo S10 Series ត្រូវបានក្រុមហ៊ុននិយាយថា គឺបានចំណាយពេល 3 ឆ្នាំនៅក្នុងការអភិវឌ្ឍ

Photochromic ដែលប្រើលើខ្នងរបស់ vivo S10 Series ត្រូវបានក្រុមហ៊ុននិយាយថា គឺបានចំណាយពេល 3 ឆ្នាំនៅក្នុងការអភិវឌ្ឍ

ដោយ ប៉េងលីន