MSI GE75 Raider គឺជាកុំព្យូទ័រជំនាន់ថ្មីដែលមានសមត្ថភាពខ្លាំងក្លាបំផុតក្នុងការប្រើប្រាស់។ ម៉ាស៊ីននេះ ប្រើប្រាស់នូវក្រាហ្វិកកាត NVIDIA GEFORCE RTX™ 20 SERIES GRAPHICS ដែលផ្តល់នូវល្បឿនម៉ាស៊ីនខ្លាំងក្លាដែលគ្មានដែនកំណត់ទៅលើកុំព្យូទ័រយួរដៃនេះ។ ជាមួយនឹងការឌីស្សាញដែលមានរូបរាងស្តើង ល្បឿនលឿនក្នុងការលេងហ្គេមជាមួយនឹងស្ថាបត្យកម្ម NVIDIA Turing GPU ថ្មី និងបដិវត្តន៍នៃក្រាហ្វិកកាត RTX Platform ថែមទៀត។
សម្រាប់ក្រាហ្វិកកាត RTX នេះនាំយកនូវបច្ចេកវិទ្យាឆ្លាតវៃ និងល្អបំផុតសម្រាប់ប្រើប្រាស់ទៅលើកិច្ចការងារប្រចាំថ្ងៃថែមទៀត។ ល្បឿនរបស់វាលឿនជាងមុន 45% ហើយវាក៏ដំណើរការនូវបច្ចេកវិទ្យា Real-Time Ray Tracing សម្រាប់បង្កើនល្បឿនទៅលើការលេងហ្គេម និងការពង្រឹងទៅលើសមត្ថភាព AI ផងដែរ។
ការឌីស្សាញដែលមានភាពច្នៃប្រឌិតខ្ពស់
កុំព្យូទ័រនេះ មានការឌីស្សាញដែលមានលក្ខណៈជា “3D Dragon Spine” ដែលមើលទៅពិតជាទាក់ទាញខ្លាំងក្លាមែនទែន។ អេក្រង់របស់វាមានកម្រិត 240HZ ULTRA-HIGH REFRESH RATE ដែលផ្តល់នូវពណ៌ច្បាស់ និងទាក់ទាញបំផុត។ សម្រាប់គែមរបស់វាពិតជាស្តើងមែនទែន ហើយរូបរាងរបស់វាតូចងាយស្រួលដាក់តាមខ្លួន និងផ្តល់បទពិសោធន៍នៃការប្រើប្រាស់ល្អបំផុត។ ពិសេសជាងនេះទៀតនោះ វាភ្ជាប់ជាមួយនឹងក្តារចុច PER-KEY RGB GAMING KEYBOARD របស់ក្រុមហ៊ុន STEELSERIES ដែលអ្នកអាចផ្លាស់ប្តូរពណ៌ទៅតាមចំណង់ចំណូលចិត្តរបស់អ្នកបានផងដែរ។
អេក្រង់ MATRIX DISPLAY ដែលអាចធ្វើការងារបានច្រើនរហូតដល់ទៅ 3 ម៉ូនីទ័រ
អ្នកអាចធ្វើការបន្ថែមនូវម៉ូនីទ័រជាច្រើនទៀតតាមរយៈរន្ធដោត HDMI និង mini DisplayPort ជាមួយនឹងការរីករាយជាមួយនឹងកម្រិតភាពច្បាស់ 4K (3840x2160) និង 60Hz ដែលលឿនមែនទែនក្នុងការប្រើប្រាស់ និងភាពរីករាយជាទីបំផុត។ បន្ថែមពីនេះទៀត កុំព្យូទ័រស៊េរីថ្មីនេះក៏ផ្តល់នូវដំណោះស្រាយទៅលើកំដៅទៅលើ CPU និង GPU តាមរយៈរន្ធបំភាយកំដៅចំនួន 8 ដែលបង្កើននូវល្បឿននៃការលេងហ្គេមខ្លាំងក្លាបំផុត។
សំឡេង Speakers លឺខ្លាំង ច្បាស់ជាងមុន ពិរោះរណ្តំចិត្ត
MSI GE75 Raider ភ្ជាប់ជាមួយនឹងសំឡេង Speakers ធំជាងមុន និងប្រព័ន្ធសំឡេង Dynaudio sound system ដែលពិរោះរណ្តំចិត្តក្នុងការប្រើប្រាស់ជាទីបំផុត។ សម្រាប់ប្រព័ន្ធសំឡេងរបស់វានេះលឺខ្លាំងជាងមុនដល់ទៅ 5 ដងដែលពិតជាលឺខ្លាំងមែនទែនក្នុងការប្រើប្រាស់។
កម្មវិធី MSI APP PLAYER
នៅក្នុងការអភិវឌ្ឍក្នុងភាពជាដៃគូផ្តាច់មុខជាមួយនឹងក្រុមហ៊ុន BlueStacks នេះ កម្មវិធី MSI APP Player នេះនាំយកនូវបទពិសោធន៍នៃការលេងហ្គេមដ៏អស្ចារ្យបំផុតដែលគ្មានដែនកំណត់រវាងហ្គេមនៅលើស្មាតហ្វូន និងនៅលើកុំព្យូទ័រ។ វាមានក្រាហ្វិកកាតដ៏ខ្លាំងក្លាសម្រាប់ដំណើរការទៅលើកម្មវិធីជាច្រើនក្នុងពេលតែមួយថែមទៀតផង៕
លក្ខណៈសម្បត្តិរបស់ MSI GE75 Raider
•បន្ទះឈីប Intel® Core™ i9 processor ចុងក្រោយបំផុតជំនាន់ទី 9
•ប្រព័ន្ធប្រតិបត្តិការ Windows 10 Home / Windows 10 Pro
•ក្រាហ្វិកកាតចុងក្រោយបំផុត GeForce RTX™ 2080/ 2070/ 2060 graphics
•អេក្រង់ 17.3" Full HD (1920x1080), 240Hz IPS-level gaming panel (Optional)
•អេក្រង់ 17.3" Full HD (1920x1080), 144Hz, IPS-level gaming display (Optional)
•ការឌីស្សាញគែមអេក្រង់ស្តើងបំផុត ជាមួយនឹងការបំផុសគំនិតទម្រង់ 3D Dragon Spine
•បច្ចេកវិទ្យាផ្តាច់មុខ MSI Cooler Boost 5 cooling ជាមួយនឹងកង្ហារ ២ គ្រាប់ និងរន្ធបំភាយកំដៅចំនួន 8
•ក្តារចុច Per-Key RGB gaming keyboardរបស់ក្រុមហ៊ុន SteelSeries ជាមួយនឹងភ្លើង Silver-Lining Print
•Dragon Center ជាមួយនឹង gaming mode ផ្តាច់មុខ
•កម្មវិធី MSI App Player សម្រាប់បទពិសោធន៍នៃការលេងហ្គេមនៅលើស្មាតហ្វូន និងកុំព្យូទ័រ
•សំឡេង Giant Speakers លឺខ្លាំងជាងមុន ៥ដង និងអភិវឌ្ឍដោយ Dynaudio
•គុណភាពសំឡេង Audio ខ្ពស់បំផុត
