ថ្មីៗនេះ ក្រុមហ៊ុន realme ទើបតែប្រកាសបង្ហាញនូវស្មាតហ្វូន Narzo 30 series នៅក្នុងប្រទេសឥណ្ឌា ហើយក្រុមហ៊ុនផលិតស្មាតហ្វូនមួយនេះ ក៏បានប្រកាសចេញនូវ Accessories សម្រាប់លេងហ្គេមថ្មីៗជាច្រើនផងដែរសម្រាប់ទីផ្សារប្រទេសនេះដោយឧបករណ៍ទាំងនោះ មានដូចជា ដៃបញ្ជាហ្គេម (Mobile Game Controller) កង្ហារត្រជាក់ (Cooling Back Clip) និងស្រោមម្រាមដៃលេងហ្គេម (Mobile Game Finger Sleeves) ថែមទៀតផង។
បើនិយាយអំពីដៃបញ្ជាហ្គេម (Mobile Game Controller) នេះបំពាក់នូវបច្ចេកវិទ្យា CapAir Mapping Technology ហើយវាអាចប្រើប្រាស់បាន ៨០ ម៉ោង និង Gaming Mouse Tactility ថែមទៀត។ ដៃបញ្ជានេះគឺមានបច្ចេកវិទ្យា CapAir Mapping Technology ដែលបង្កើនូវប្រសិទ្ធិភាពក្នុងការលេងហ្គេមកាន់តែមានប្រសិទ្ធិភាព និងឆ្លើយតបបានលឿនថែមទៀត។ វាក៏មានប៊ូតុងជាច្រើនសម្រាប់បញ្ជាថែមទៀត។ វាក៏មានប៊ូតុងសម្រាប់បង្កើតនូវ burst mode នៅក្នុងពេលលេងហ្គេមផងដែរ។ ដៃបញ្ជានេះអាចប្រើប្រាស់បាន 10 ម៉ោងនៅក្នុងពេលដែលបញ្ចូលថាមពលត្រឹមតែ 5 នាទី ហើយវាអាចប្រើប្រាស់បានជាមួយនឹងស្មាតហ្វូន Android និង iPhone ដែលមានកម្រាស់ 10.5mm និងទទឹង 87mm ។ ដៃបញ្ជានេះគឺមានតម្លៃ 999 INR (13.8 US)។
ក្រុមហ៊ុន Realme ក៏បានបង្ហាញនូវកង្ហារត្រជាក់ (Cooling Back Clip)ដែលមានប្រព័ន្ធត្រជាក់ភ្លោះផងដែរ។ នៅក្នុងការប្រកាសចេញជាផ្លូវការនេះ កង្ហារត្រជាក់នេះ អាចធ្វើការបញ្ចុះសីតុណ្ហភាពពី 53°C ទៅ 25°C ។ វាអាចប្រើប្រាស់នៅលើស្មាតហ្វូន Apple និង Android ដែលមានទទឹង 65 ទៅ 85mm ហើយវាមានទម្ងន់ 51 g ។ វាក៏មានភ្លើង RGB Lighting ជាមួយនឹង Kaleidoscopic effects ថែមទៀត។ កង្ហារត្រជាក់ Cooling Back Clip គឺមានតម្លៃ 1,799 INR (24.8 US)។
ជាមួយគ្នានេះ ក្រុមហ៊ុននេះ ក៏ប្រកាសបង្ហាញនូវស្រោមម្រាមដៃលេងហ្គេម (Mobile Game Finger Sleeves) ដែលមានមុខងារ Electric Silver Fiber ដែលមានកម្រាស់ 0.25mm ថែមទៀត។ ស្រោមម្រាមដៃនេះគឺមានតម្លៃ 129 INR (1.8 US)។ ផលិតផលទាំងនេះគឺអាចរកទិញបាននៅលើវេបសាយរបស់ក្រុមហ៊ុននេះចាប់ពីថ្ងៃទី 4 ខែមីនា ឆ្នាំ 2021 នេះ៕
