នៅថ្ងៃនេះ ASUS Republic of Gamers (ROG) បានប្រកាសជាសាធារណៈអំពីការបន្តការសហការគ្នាជាមួយនឹងតារាអន្តរជាតិ ក៏ដូចជាអ្នកនិពន្ធ បទចម្រៀងលោក Alan Walker ជាមួយនឹងវីដេអូរបស់គាត់ដែលបង្ហាញពីបទចម្រៀងថ្មីគឺ “Fake A Smile” ជាមួយនឹងតារាចម្រៀង Salem Ilese។ វីដេអូនេះបានបង្ហាញពីទស្សនៈពិភពលោកចែករំលែកដោយ Walker និង ROG ដែលគ្រប់ជំហាននៃជីវិតរបស់មនុស្សទាំងអស់អាចត្រូវបានផ្ដល់អំណាចឲ្យឈានដល់សក្ដានុពលពេញលេញរបស់ពួកគេ និង អាចស្វែងរកសហគមន៍មួយដែលទទួលយកពួកគេនៅក្នុង “Joining the Republic” និង “Joining the Walkers”។ បទចម្រៀងថ្មីនេះក៏មាននៅគ្រប់ Digital Platforms ទាំងអស់៖ https://alanwalker.lnk.to/FakeASmile
ROG និង Alan Walker ចែករំលែកគំនិតសុទិដ្ឋិនិយមរបស់ពួកគេសម្រាប់វិស័យហ្គេមនៅថ្ងៃអនាគត និងបច្ចេកវិទ្យា ទំនើបតាមរយៈវីដេអូថ្មីមួយនេះ។ អ្នកដឹកនាំវីដេអូជនជាតិន័រវែសលោក Aksel Hennie បានរួមបញ្ចូលនូវសោភ័ណភាពវិទ្យាសាស្រ្តជាមួយនឹងបទភ្លេងដែលបានធ្វើឡើងដោយលោក Alan Walker។
វីដេអូនេះបង្ហាញពីដំណើររបស់ក្មេងប្រុសម្នាក់ពីភាពឯកកោរហូតដល់ទទួលបានការស្វាគមន៍ពីសហគមន៍មួយដែលយល់និងផ្ដល់តម្លៃដល់មនុស្សគ្រប់គ្នា។ ROG និង Walker បានប្រកាន់ខ្ជាប់នូវទស្សនៈមួយនេះទាក់ទងទៅនឹងការលេងហ្គេម និងបច្ចេកវិទ្យាថ្មី។ ទស្សនៈវិជ្ជានេះជំរុញឲ្យ ROG បង្កើតនូវឧបករណ៍ជាច្រើនប្រភេទសម្រាប់សិល្បករ អ្នកច្នៃប្រឌិត និងអ្នកលេងហ្គេមទាំងអស់អាចបង្ហាញសមត្ថភាពរបស់ពួកគេបានយ៉ាងជោគជ័យ។ Alan Walker បាននិយាយអំពីភាពជាដៃគូសហការណ៍របស់គាត់ជាមួយនឹង ASUS Republic of Gamersថា៖ “ការធ្វើជាដៃគូជាមួយក្រុមហ៊ុន ASUS គឺជាបទពិសោធន៍ដ៏អស្ចារ្យសម្រាប់ខ្ញុំ ជាពិសេសដោយសារតែខ្ញុំពិតជាចូលចិត្តម៉ាក និងផលិតផលរបស់ពួកគេណាស់។
នៅក្នុងនាមជាអ្នកនិពន្ធចម្រៀង និងជាអ្នកចូលចិត្តលេងហ្គេមមួយរូប ខ្ញុំគិតថាឡេបថប់ G14 នេះគឺជាឡេបថប់ដែលល្អឥតខ្ចោះសម្រាប់ខ្ញុំក្នុងការធ្វើការខណៈពេលដែលខ្ញុំកំពុងធ្វើដំណើរ។ សម្រាប់ការងារមួយនេះ វាពិតជាអស្ចារ្យណាស់ក្នុងការធ្វើការជាមួយតារាសម្តែង និងអ្នកដឹកនាំរឿងដែលមកពីប្រទេសន័រវេសគឺលោក Aksel Hennie។ ក្រុមហ៊ុន ASUS និងខ្ញុំក៏កំពុងធ្វើការលើគម្រោងមួយដែលធ្វើឲ្យអ្នកគាំទ្ររបស់ពួកយើងទាំងពីររំភើប និងផ្ញាក់ផ្អើរសម្រាប់ឆ្នាំ 2021 ដែលខ្ញុំនឹងបង្ហាញជូនឆាប់ៗនេះ”។
វីដេអូនេះគឺជាសមត្ថផលថ្មីនៃការសហការរវាង ROG និង Alan Walker ដែលបានប្រកាសជាលើកដំបូងនៅខែមិថុនាឆ្នាំ២០២០។ វាជាផ្នែកមួយនៃការចាប់ផ្ដើមគម្រោងដំបូងដែល ROG បានបង្កើត lighting effect សម្រាប់ Alan Walker នៅក្នុងឡេបថប់ម៉ូឌែល Zephyrus G14 AniMe Matrix™ LED display ដែលអ្នកអាចឃើញមាននៅក្នុងវីដេអូ។ AniMe Matrtix របស់ Walker គឺអាចប្រើប្រាស់បាននៅគ្រប់ឡេបថប់ម៉ូឌែល Zephryus G14ទាំងអស់។ សកម្មភាពក្រោយឆាកនៃការបង្កើតវីដេអូនេះឡើង និងចេញនៅក្នុងពេលឆាប់ៗនេះដូចគ្នា។
